കുമ്പളം

1. കെ.എ.യു ലോക്കല്‍
നീണ്ടുരുണ്ട കായ്കള്‍. വിളയുമ്പോള്‍ ചാരനിറമാകും. ഒരു കുമ്പളം പരമാവധി ആറു കിലോവരെയെത്തും.

2. ഇന്ദു
നീളം കുറഞ്ഞ് ഉരുണ്ട കായ്കള്‍. നാലു കിലോവരെ തൂക്കം. വീട്ടു കൃഷിക്ക് ഉത്തമം.

കൃഷിരീതി
സെപ്റ്റംബര്‍-ഡിസംബര്‍, ജനുവരി-മാര്‍ച്ച് ഇവ നടീല്‍ കാലങ്ങള്‍ നടുംമുമ്പ് വിത്തുകള്‍ 12 മണിക്കൂര്‍ വെളളത്തിലിട്ടുവച്ചാല്‍ വേഗം മുളയ്ക്കും. ചെടികള്‍ക്കിടയില്‍ 4.5 മീറ്ററും വരികള്‍ക്കിടയില്‍ രണ്ടു മീറ്ററും ഇടയകലം നല്‍കി നടുന്നു. ഒരു കുഴിയില്‍ നാലോ അഞ്ചോ വിത്തു പാകാം.മുളച്ചു വരുന്ന നല്ല രണ്ടു തൈകള്‍ നിലനിര്‍ത്തുക. ബാക്കി പിഴുതു നീക്കുക. 

രോഗങ്ങള്‍

1. മൊസൈക്ക്, പൊടിപ്പൂപ്പ് 

  പാവലിനും പടവലത്തിനും സ്വീകരിച്ച നിയന്ത്രണമാര്‍ഗ്ഗങ്ങള്‍ തന്നെ മതിയാവും.

ശത്രു പ്രാണികള്‍

1. ആമവണ്ട്

  പാവലിനു ചെയ്ത നിയന്ത്രണരീതി മതി.

2. ചുവന്ന മത്തന്‍ വണ്ട്

   ഇല തിന്ന് ദ്വാരങ്ങള്‍ വീഴ്ത്തുന്നു. വേരു തുളച്ചും ചെടി നശിപ്പിക്കാറുണ്ട്. കൈവല ഉപയോഗിച്ച് വണ്ടുകളെ ശേഖരിച്ചു നശിപ്പിക്കുക. വേപ്പെണ്ണ-വെളുത്തുളളി മിശ്രിതം തളിച്ച് വണ്ടുകളെ അകറ്റുക.

നട്ട് 80-85 ദിവസത്തിനുളളില്‍ കുമ്പളം വിളവെടുക്കാന്‍ തുടങ്ങാം.