Vegetables

പടവല കൃഷി

കേരളത്തിലെ കാലാവസ്ഥയ്ക്ക് അനുയോജ്യമായതും ,നല്ലവണ്ണം വിളയുന്ന ഒരു പച്ചക്കറിയാണ് പടവലം പടവലത്തില്‍ ധാരാളം പോഷകങ്ങള്‍ അടങ്ങിയിരിക്കുന്നു.വിറ്റാമിന്‍ എ,സി,തയമിന്‍ എന്നിവ കൊണ്ടു സമ്പുഷ്ടമാണ് പടവലം. നാരുകള്‍ ധാരാളമായി അടങ്ങിയിരിക്കുന്നതിനാല്‍ ദഹനപ്രക്രിയയ്ക്കും  പടവലം സഹായിക്കും. മുടിയുടെ വളര്‍ച്ചക്കും പടവലം കഴിക്കുന്നത് നല്ലതാണ്.  ശക്തായ മഴ മാറി നല്ല വെയില്‍ കിട്ടുന്ന ഈ സമയത്ത് പടവലക്കൃഷി ആരംഭിക്കാം.

കൃഷി രീതി

വിത്ത് നേരിട്ട് പാകിയാണ് കൃഷി ഇറക്കുന്നത്. വിത്തിടുന്നതിനു മുമ്പായി രണ്ടു മീറ്റര്‍ അകലത്തില്‍ ഒന്നര അടി (45 സെമീ.) സമചതുരത്തിലും താഴ്ചയുമുള്ള കുഴികളെടുക്കണം.ചാണകപൊടി, കരിഇലകള്‍, മണ്ണില്‍ അല്പം കടലപിണ്ണാക്ക് എന്നിവ ചേര്‍ത്തതിനു ശേഷം വിത്തിറിക്കാം. വിത്തുകള്‍ 3-4 സെ.മീ താഴ്ചയില്‍ പാകാം.വിത്ത് രണ്ടില പാകം ആകുന്നതു വരെ വെയില്‍ കൊള്ളാതെ സൂക്ഷിക്കണം. മുളപ്പിച്ച വിത്തുകള്‍ പാകുന്നതാണ് കൂടുതല്‍ നല്ലത്.

ഇതിനായി 24 മണിക്കൂര്‍ വിത്ത് വെള്ളത്തില്‍ കുതിര്‍ത്തതിനു ശേഷം പുറത്തെടുത്ത് നനവുളള തുണിയില്‍ കിഴികെട്ടി വെയ്ക്കുക, ഇടക്കിടക്ക് നനച്ചു കൊടുക്കണം. മുളപൊട്ടുന്ന സമയത്ത് വിത്തുപാകാവുന്നതാണ്. ചെടികള്‍ വള്ളി വിശാനാരംഭിക്കുമ്പോള്‍ ചെറിയ കമ്പുകള്‍ നാട്ടികൊടുക്കണം. 5-6 അടി ഉയരത്തില്‍ പന്തലാകാം. പന്തലിലേക്ക് വള്ളി കയറാന്‍ കമ്പ് മുട്ടിച്ചു കൊടുക്കണം. കയറൊ, പ്ലാസ്റ്റിക്ക് നെറ്റോ ഉപയോഗിച്ച് പന്തലിടാം. വിത്ത് മുളച്ചു 20 ദിവസത്തിനു ശേഷം ആദ്യത്തെ വളം കൊടുക്കാം.കടലപ്പിണ്ണാക്ക് ചാരം എല്ലുപൊടി എന്നിവയാണ് വളമായി ഇടാൻ ഉത്തമം. പൂവിട്ടു കഴിഞ്ഞാല്‍ കടലപ്പിണ്ണാക്ക് പുളിപ്പിച്ചത് ആഴ്ചയില്‍ ഒരിക്കല്‍ വീതം നൽകണം.
 
കീടങ്ങളുടെ ആക്രമങ്ങള്‍ പടവലത്തില്‍ കുറവാണ്. ഇലചുരുട്ടിപ്പുഴു, കായീച്ച, തണ്ടുതുരപ്പന്‍ എന്നിവയാണ് പടവലത്തിന് പ്രധാന ഭീഷണി.ഗോമൂത്രം, കാന്താരി, വെളുത്തുള്ളി എന്നിവ ചേർന്ന മിശ്രിതം സ്‌പ്രേ ചെയ്യുന്നതിലൂടെ ഇവയെ തുരത്താൻ കഴിയും. ഗ്രോ ബാഗില്‍ ടെറസുകളിൽ വളര്‍ത്താന്‍ ഏറ്റവും അനുയോജ്യമായ പച്ചക്കറിയാണ് പടവലം.

Share your comments

Subscribe to newsletter

Sign up with your email to get updates about the most important stories directly into your inbox