ചങ്ങലംപരണ്ട  അസ്ഥിഭ്രംശത്തിന് ഉത്തമ പരിഹാരം 

സംസ്കൃതത്തിൽ അസ്ഥി സംഹാരി എന്നും ബോൺ സെറ്റെർ എന്ന് ഇംഗ്ലീഷിലും അറിയപ്പെടുന്ന ചെങ്ങളം പരണ്ട ഒടിഞ്ഞ എല്ലുകളെ യോജിപ്പിക്കുന്നതിന് കഴിവുള്ള ഒരു ഔഷധച്ചെടിയാണ്. ചതുരത്തണ്ടുകളുള്ള ഒരു വള്ളിച്ചെടിയാണ് ചങ്ങലംപരണ്ട. അരയടിയോളം ഇടവിട്ട് ഒടിഞ്ഞ് വീണ്ടും യോജിച്ചതുപോലെ കാണപ്പെടുന്ന ഈ സസ്യത്തിന്റെ തണ്ട് ഒടിവിനെതിരായ ഫലംകണ്ട ഔഷധമാണ്.

ഒടിഞ്ഞ അസ്ഥികളെ വീണ്ടും യോജിപ്പിക്കുന്നതിനുള്ള കഴിവുണ്ട്. ഒടിവിനും ചതവിനും നീരു കുറയാനും എല്ല് ക്രമീകരിക്കാനും നല്ലതാണ്. ഒടിവു ചികിത്സയുടെ പകുതിയും കൈകാര്യം ചെയ്യുന്ന നാട്ടുവൈദ്യന്മാരുടെ ഒരു പ്രധാന ഔഷധം എന്ന പ്രാധാന്യം ചങ്ങലംപരണ്ട നിലനിര്‍ത്തിവരുന്നു.കളരിയും മറ്റും പഠിപ്പിക്കുന്ന സ്ഥലങ്ങളിൽ ചങ്ങലംപരണ്ട സാധാരണയായി  നട്ടുവളർത്താറുണ്ട് .ശരീരത്തിൽ അസ്ഥിഭ്രംശം  ഉണ്ടായാൽ ഇതിന്റെ തണ്ടു ചതച്ചു ആ ഭാഗത്തു വച്ച് കെട്ടുകയും എള്ളെണ്ണയിൽ കഴിയ ഇതിന്റെ നീര് പുരട്ടുകയും ചെയ്യുന്നത് വളരെ ഗുണകരമാണ്.