രുചിയിൽ കേമനാണ് ചിക്കൂ, അതുപോലെ ഗുണത്തിലും...

പഴങ്ങളിൽ വളരെ അധികവും രുചികരവും ആരോഗ്യകരവുമായ ഒരു പഴമാണ് ചിക്കു, ഇത് വളരെ മധുരവും, ഉയർന്ന അളവിൽ കലോറി അടങ്ങിയതാണ്. ശരീരത്തിന്റെ മൊത്തത്തിലുള്ള ആരോഗ്യത്തിനും ക്ഷേമത്തിനും വളരെ അധികം ഗുണം ചെയ്യുന്ന പഴങ്ങളിൽ ഒന്നാണ് ചിക്കൂ, വളരെ അധികം കലോറി അടങ്ങിയ പഴങ്ങളായ മാമ്പഴം, ഓറഞ്ച്, ചക്ക തുടങ്ങിയ പഴങ്ങളുടെ ലിസ്റ്റിൽ പ്പെടുന്ന ഒരു പഴം കൂടിയാണിത്. 

ചിക്കൂ പഴത്തിന്റെ സവിശേഷതകൾ:

വിറ്റാമിൻ എ, സി തുടങ്ങിയ വിവിധ പോഷകങ്ങൾ നിറഞ്ഞതിനാൽ ഇത് ശരീരത്തിന്റെ മൊത്തത്തിലുള്ള ആരോഗ്യം നിലനിർത്തുന്നതിന് സഹായിക്കുന്നു. ചിക്കു പഴം, സപ്പോട്ട എന്നും അറിയപ്പെടുന്നു, ഇതിൽ ആൻറി ബാക്ടീരിയൽ, ആൻറി-ഇൻഫ്ലമേറ്ററി, ആൻറിവൈറൽ ഗുണങ്ങൾക്ക് പേര് കേട്ടതാണ്. ഭക്ഷണ നാരുകളുടെ വളരെ നല്ല ഉറവിടമാണ് ഈ പഴം.
ഇതിന് പുറമെ ചിക്കൂവിൽ പൊട്ടാസ്യം, സോഡിയം, ചെമ്പ്, ഇരുമ്പ്, മഗ്നീഷ്യം തുടങ്ങിയ അവശ്യ പോഷകങ്ങളും ധാരാളമായി അടങ്ങിയിട്ടുണ്ട്. ചിക്കു പഴത്തിനൊപ്പം, അതിന്റെ മറ്റ് പ്രധാന ഭാഗങ്ങളായ തൊലിയും ഇലകളും ജലദോഷത്തിനും ചുമയ്ക്കും ചികിത്സിക്കാനായി ഉപയോഗിച്ച് വരുന്നു. അതിന് കാരണം ഇതിലടങ്ങിയ ആൻറി ഡയറിയൽ, ഡൈയൂററ്റിക്, ആന്റ് ഹൈപ്പർ ഗ്ലൈസെമിക്, ആൻറിബയോട്ടിക്, ഹൈപ്പോ കൊളസ്‌ട്രോലെമിക് ഇഫക്ടുകൾ ആണെന്ന് ആരോഗ്യ വിദഗ്ദ്ധർ പറയുന്നു.

ചിക്കു കഴിക്കുന്നതിലൂടെ ശരീരത്തിന് ലഭിക്കുന്ന പ്രധാന ഗുണങ്ങൾ: 

ഈ പഴത്തിൽ കലോറി കൂടുതലായതിനാൽ, ശരീരഭാരം കുറയ്ക്കാൻ ശ്രമിക്കുന്നവർ ചിക്കൂ ഒഴിവാക്കുകയോ അല്ലെങ്കിൽ നിയന്ത്രണത്തോടെ കഴിക്കുകയോ വേണമെന്ന് ആരോഗ്യ വിദഗ്ദ്ധർ നിർദേശിക്കുന്നു.

1. മലബന്ധത്തിൽ നിന്ന് ആശ്വാസം നൽകുന്നു: 

ചിക്കു പഴം ഭക്ഷണ നാരുകളുടെ വളരെ സമ്പന്നമായ ഉറവിടമാണ്, ഇത് ഒരു മികച്ച ബൾക്ക് ലാക്‌സിറ്റീവ് ആക്കുന്നു. ഇതിലെ നാരിന്റെ അംശം മലബന്ധത്തിൽ നിന്ന് ആശ്വാസം നൽകുന്നു. ഇത് വൻകുടലിലെ കഫം മെംബറേൻ സംരക്ഷിക്കാനും, അണുബാധയെ പ്രതിരോധിക്കാനും സഹായിക്കുന്നു.

2. ആൻറി-ഇൻഫ്ലമേറ്ററി ഏജന്റ്: 

ടാനിനുകളുടെ, പോളി ഫിനോളിക് സംയുക്തങ്ങൾ ഉയർന്ന അളവിൽ അടങ്ങിയിരിക്കുന്നത് ചിക്കൂവിനെ ഒരു പ്രധാന ആൻറി-ഇൻഫ്ലമേറ്ററി ഏജന്റാക്കി മാറ്റുന്നു. അന്നനാളം, എന്റൈറ്റിസ്, ഇറിറ്റബിൾ ബവൽ സിൻഡ്രോം, ഗ്യാസ്ട്രൈറ്റിസ് തുടങ്ങിയ രോഗങ്ങൾ തടയുന്നതിലൂടെ ദഹനനാളത്തിന്റെ അവസ്ഥ മെച്ചപ്പെടുത്താൻ ഇത് സഹായിക്കുന്നു. ശരീരത്തിലെ വേദനയും കുറയ്ക്കുന്നതിലൂടെ ഇത് വീക്കം കുറയ്ക്കുന്നു.

3. ചർമ്മത്തിനും മുടിക്കും ഗുണം ചെയ്യുന്നു:

ചിക്കൂ ചർമ്മത്തെ മൃദുലമാക്കാൻ സഹായിക്കുകയും, തലയോട്ടിയെയും മുടിയെയും പരിപോഷിപ്പിക്കുന്നതിനും, ആരോഗ്യകരമാക്കുകയും ചെയ്യുന്നു, ഇത് മാത്രമല്ല മുടി വളരാനും സഹായിക്കുന്നു. തലയിലെ നീർവീക്കം മൂലമുള്ള മുടി കൊഴിച്ചിലിനും ഇത് വളരെ ഫലപ്രദമാണ്. ഇത് കൂടാതെ, ആന്റിഓക്‌സിഡന്റുകൾ ചിക്കൂവിൽ നല്ല അളവിൽ കാണപ്പെടുന്നു. അതിനാൽ, ഇത് ഫ്രീ റാഡിക്കലുകളെ ഇല്ലാതാക്കുകയും ചുളിവുകൾ കുറയ്ക്കുകയും ചെയ്യുന്നതിനാൽ പ്രായമാകൽ പ്രക്രിയ വൈകിക്കാൻ ഇത് സഹായിക്കുന്നു.

4. രക്തസമ്മർദ്ദത്തെ നിയന്ത്രിക്കുന്നു:

ചിക്കൂ പഴത്തിലെ മഗ്നീഷ്യം രക്തക്കുഴലുകളെ ശക്തമാക്കുന്നു, ഇതിലടങ്ങിയ പൊട്ടാസ്യം രക്തസമ്മർദ്ദവും രക്തചംക്രമണവും നിയന്ത്രിക്കുന്നു. 

5. കാൻസറിനെ ചെറുക്കുന്നു:

ചിക്കൂവിൽ ഉയർന്ന അളവിലുള്ള ആന്റിഓക്‌സിഡന്റുകൾ അടങ്ങിയിട്ടുണ്ട്, ഇത് വിവിധ തരത്തിലുള്ള ക്യാൻസറുകളുടെ സാധ്യത കുറയ്ക്കുന്നതിന് ഫലപ്രദമാണെന്ന് കണ്ടെത്തിയിട്ടുണ്ട്. ഇത് കൂടാതെ, ഇതിലടങ്ങിയ വിറ്റാമിനുകൾ എ, ബി എന്നിവ ശരീരത്തിലെ നിരവധി മ്യൂക്കസ് ലൈനിംഗിന്റെയും, ചർമ്മത്തിന്റെ ഘടനയുടെയും ആരോഗ്യം നിലനിർത്താൻ സഹായിക്കുന്നു. വൈറ്റമിൻ എ ശ്വാസകോശ ക്യാൻസർ എന്നിവയിൽ നിന്ന് സംരക്ഷണം നൽകുന്നു.

6. അസ്ഥികളെ ശക്തിപ്പെടുത്തുന്നു:

അസ്ഥികളുടെ സഹിഷ്ണുത വർദ്ധിപ്പിക്കുന്നതിന് അധിക അളവിൽ കാൽസ്യം, ഫോസ്ഫറസ്, ഇരുമ്പ് എന്നിവ ആവശ്യമാണ്. കാൽസ്യം, ഇരുമ്പ്, ഫോസ്ഫറസ് എന്നിവയാൽ സമ്പുഷ്ടമായതിനാൽ ചിക്കു എല്ലുകളെ ശക്തിപ്പെടുത്തുന്നതിന് വളരെയധികം സഹായിക്കുന്നു.

7. ആൻറിവൈറൽ, ആന്റിഫംഗൽ ഗുണങ്ങൾ: 

പോളിഫിനോളിക് ആന്റിഓക്‌സിഡന്റുകളുടെ സാന്നിധ്യം കാരണം, ചിക്കുവിന് നിരവധി ആൻറിവൈറൽ, ആൻറി പാരാസൈറ്റിക്, ആൻറി ബാക്ടീരിയൽ ഗുണങ്ങൾ ഉണ്ടെന്ന് വിദഗ്ദ്ധർ കണ്ടെത്തിയിട്ടുണ്ട്. ആൻറി ഓക്സിഡൻറുകൾ മനുഷ്യ ശരീരത്തിലേക്ക് ബാക്ടീരിയകൾ പ്രവേശിക്കുന്നത് തടയുന്നു. വിറ്റാമിൻ സി ദോഷകരമായ ഫ്രീ റാഡിക്കലുകളെ നശിപ്പിക്കുന്നു, അതേ സമയം പൊട്ടാസ്യം, ഇരുമ്പ്, ഫോളേറ്റ്, നിയാസിൻ, പാന്റോതെനിക് ആസിഡ് എന്നിവ ദഹനവ്യവസ്ഥയുടെ ശരിയായ പ്രവർത്തനത്തെ സഹായിക്കുന്നു.

ബന്ധപ്പെട്ട വാർത്തകൾ: മുടി വളരാൻ സഹായിക്കുന്ന ഭക്ഷണങ്ങളെക്കുറിച്ചറിയാം !

Pic Courtesy: Pexels.com