1. Health & Herbs

ഔഷധ കണ്‍മഷി

കമ്പോളത്തില്‍ ലഭ്യമാകുന്ന കണ്‍മഷി വളരെ വിലകൂടിയതും പലപ്പോഴും കണ്ണിന് അലര്‍ജിയുണ്ടാക്കുന്നതുമാണെന്നിരിക്കെ ഔഷധ കണ്‍മഷി തീര്‍ച്ചയായും ഇതിനൊരു ബദലാകുന്നു. പഴയ കാലത്ത് വീടുകളില്‍ നിലവിളക്കിന്റെ തിരിയില്‍ നിന്നുണ്ടാകുന്ന പുക നല്ല മണ്‍ചട്ടിയിലൊ കണ്ണാടിയിലൊ ശേഖരിച്ച് ,ശുദ്ധമായ വെളിച്ചെണ്ണയില്‍ ചാലിച്ച് കണ്ണും പുരികവും എഴുതുക സാധാരണമായിരുന്നു.

KJ Staff
eyeliner

കമ്പോളത്തില്‍ ലഭ്യമാകുന്ന കണ്‍മഷി വളരെ വിലകൂടിയതും പലപ്പോഴും കണ്ണിന് അലര്‍ജിയുണ്ടാക്കുന്നതുമാണെന്നിരിക്കെ ഔഷധ കണ്‍മഷി തീര്‍ച്ചയായും ഇതിനൊരു ബദലാകുന്നു. പഴയ കാലത്ത് വീടുകളില്‍ നിലവിളക്കിന്റെ തിരിയില്‍ നിന്നുണ്ടാകുന്ന പുക നല്ല മണ്‍ചട്ടിയിലൊ കണ്ണാടിയിലൊ ശേഖരിച്ച് ,ശുദ്ധമായ വെളിച്ചെണ്ണയില്‍ ചാലിച്ച് കണ്ണും പുരികവും എഴുതുക സാധാരണമായിരുന്നു. എന്നാല്‍ കൊല്ലം ജില്ലയിലെ ഹരിഹരപുരത്തുള്ള ജലജാ കുമാരി കണ്‍മഷിയുണ്ടാക്കുന്നത് മറ്റൊരു രീതിയിലാണ്.

castor oil plant

ആവണക്ക് ഔഷധമായി ഉപയോഗിക്കാറുണ്ട് എന്ന് മിക്കവര്‍ക്കുമറിയാം. ഇതിന്റെ ഇലയും വേരും പൂവും കായുമെല്ലാം പലവിധ ഔഷധക്കൂട്ടുകളില്‍ ഉപയോഗിക്കാറുണ്ട്. ആവണക്കിന്റെ കുരുവില്‍ നിന്നാണ് ജലജാകുമാരി കണ്‍മഷിയുണ്ടാക്കുന്നത്. അങ്ങാടിക്കടകളില്‍ നിന്നും നമുക്ക് ആവണക്കിന്‍ കുരു വാങ്ങാന്‍ കഴിയും

castor seeds

ഔഷധ കണ്‍മഷി ഉണ്ടാക്കുന്ന വിധം ചുവടെ ചേര്‍ക്കുന്നു:-

ആവണക്കിന്‍ കുരു എടുത്ത് അതിന്റെ കട്ടികുറഞ്ഞ തോട് കളയുക. അങ്ങിനെ ചെയ്യുമ്പോള്‍ കുരു മുറിഞ്ഞുപോകാതെ ശ്രദ്ധിക്കണം.അല്ലെങ്കില്‍ അവ പച്ചീര്‍ക്കിലില്‍ കൊരുക്കാന്‍ പ്രയാസമാകും. ഇങ്ങിനെ ശുദ്ധമാക്കിയ കുരുക്കള്‍ പച്ചീര്‍ക്കിലില്‍ കോര്‍ത്തെടുക്കണം. ഇത്തരത്തില്‍ ആവശ്യമുള്ളത്ര കുരുക്കള്‍ കോര്‍ത്തെടുക്കാം. ഇവ നിലവിളക്കിന്റെ തിരിയില്‍ കത്തിച്ച് അടപ്പുള്ള മണ്‍ചട്ടിയില്‍ കാണിക്കണം.മണ്ണടപ്പുകൊണ്ട് അടച്ചുവയ്ക്കുമ്പോള്‍, കത്തുന്ന ആവണക്കിന്‍ കുരുവില്‍ നിന്നുള്ള പുക അടപ്പില്‍ പറ്റിപ്പിടിക്കും. ഇത് തണുക്കുമ്പോള്‍ പ്ലാവിലകൊണ്ടോ ഓലക്കാല്‍ കൊണ്ടോ ചുരണ്ടിയെടുത്ത് വൃത്തിയുള്ള ,അടച്ചുറപ്പുളള പാത്രത്തില്‍ ശേഖരിച്ചു വയ്ക്കണം. കണ്ണെഴുതാനും പുരികം വരയ്ക്കാനും ആവശ്യമായ അളവില്‍ പൊടി എടുത്ത് ,ശുദ്ധമായ വെളിച്ചെണ്ണ ഒരുതുള്ളി ചേര്‍ത്ത് ചാലിച്ച് ഉപയോഗിക്കാവുന്നതാണ്. ഔഷധ വീര്യമുള്ളതും യാതൊരു പാര്‍ശ്വഫലവുമില്ലാത്തതുമായ ഈ കണ്‍മഷി കണ്ണിനും പുരികത്തിനും നല്ല തെളിച്ചം നല്‍കാനും നിറം നല്‍കാനും ഉപകരിക്കും. എത്രകാലം വേണമെങ്കിലും കേടാകാതെയിരിക്കും എന്നതാണ് മറ്റൊരു പ്രത്യേകത. ഔഷധ കണ്‍മഷി വ്യാവസായികാടിസ്ഥാനത്തില്‍ നിര്‍മ്മിക്കാന്‍ കഴിയുന്നതല്ല. ആവശ്യമുള്ളവര്‍ക്ക് താഴെ പറയുന്ന ഫോണ്‍ നമ്പരില്‍ ബന്ധപ്പെടാവുന്നതാണ്.

ജലജാ കുമാരി -- 9526801379

English Summary: Eyeliner from castor plant

Like this article?

Hey! I am KJ Staff. Did you liked this article and have suggestions to improve this article? Mail me your suggestions and feedback.

Share your comments

Subscribe to our Newsletter. You choose the topics of your interest and we'll send you handpicked news and latest updates based on your choice.

Subscribe Newsletters