Curd: മികച്ച ആരോഗ്യമാണോ ലക്ഷ്യം? ദിനചര്യയിൽ തൈര് ചേർക്കൂ...

മെച്ചപ്പെട്ട ആരോഗ്യത്തിനായി ദൈനംദിന ഭക്ഷണത്തിൽ തൈര് ചേർക്കുന്നത് നല്ലതാണ്. നൂറ്റാണ്ടുകളായി ആസ്വദിക്കുന്ന രുചികരവും പോഷകസമൃദ്ധവുമായ ഒരു ഭക്ഷണമാണ് തൈര്. ഭക്ഷണത്തിൽ തൈര് ചേർക്കുന്നത് വഴി ധാരാളം ഗുണങ്ങൾ ശരീരത്തിന് ലഭിക്കുന്നു. നമ്മുടെ ശരീരം ശരിയായി പ്രവർത്തിക്കാൻ ആവശ്യമായ ഒമ്പത് അവശ്യ അമിനോ ആസിഡുകളും തൈരിൽ അടങ്ങിയിട്ടുണ്ട്. തൈര് കാൽസ്യത്തിന്റെ മികച്ച ഒരു ഉറവിടമാണ്. തൈര് ഒരു മികച്ച ലഘുഭക്ഷണമായി ദൈനംദിന ഭക്ഷണത്തിൽ ഉപയോഗിക്കാം.

ദൈനംദിന ഭക്ഷണത്തിൽ തൈര് കഴിച്ചാൽ ഉണ്ടാവുന്ന ഗുണങ്ങൾ:

1. തൈരിൽ പ്രോട്ടീൻ ധാരാളം അടങ്ങിയിട്ടുണ്ട്.

പ്രോട്ടീന്റെ മികച്ച ഉറവിടമാണ് തൈര്. ഇതിന്റെ പ്രധാന ഗുണങ്ങളിൽ ഒന്നാണ് ഇതിലടങ്ങിയ പ്രോട്ടീൻ. 100 ഗ്രാം തൈരിൽ 8 മുതൽ 10 ഗ്രാം വരെ പ്രോട്ടീൻ അടങ്ങിയിട്ടുണ്ട്, ഇത് ദിവസം മുഴുവൻ സംതൃപ്തിയും വയറു നിറഞ്ഞതായി തോന്നാൻ സഹായിക്കുന്നു. കൂടാതെ, നമ്മുടെ ശരീരം ശരിയായി പ്രവർത്തിക്കാൻ ആവശ്യമായ ഒമ്പത് അവശ്യ അമിനോ ആസിഡുകളും തൈരിൽ അടങ്ങിയിട്ടുണ്ട്.

2. തൈര് കുടലിന്റെ ആരോഗ്യം വർദ്ധിപ്പിക്കാൻ സഹായിക്കുന്നു: 

തൈരിൽ പ്രോബയോട്ടിക് അടങ്ങിയിട്ടുള്ളതിനാൽ ഇത് കുടലിനു നല്ലതാണ്. ഇത് കുടലിന്റെ ആരോഗ്യം മെച്ചപ്പെടുത്താൻ സഹായിക്കുന്ന നല്ല ബാക്ടീരിയകളാണ്. കുടലിലെ ബാക്ടീരിയകളുടെ ആരോഗ്യകരമായ ബാലൻസ് നിലനിർത്താൻ ഈ പ്രോബയോട്ടിക്‌സിന് സാധിക്കും. തൈര് കഴിക്കുന്നത് വയറിളക്കം, മലബന്ധം തുടങ്ങിയ ദഹന പ്രശ്‌നങ്ങളുടെ സാധ്യത കുറയ്ക്കുന്നു. രോഗപ്രതിരോധ ശേഷി വർദ്ധിപ്പിക്കാനും, ശരീരത്തിലെ വീക്കം കുറയ്ക്കാനും ഇത് സഹായിക്കും.

3. ആരോഗ്യകരമായ ഭാരം നിലനിർത്താൻ തൈര് സഹായിക്കും:

ആരോഗ്യകരമായ ശരീരഭാരം നിലനിർത്താൻ തൈര് വ്യക്തികളെ സഹായിക്കുമെന്ന് പഠനങ്ങൾ തെളിയിച്ചിട്ടുണ്ട്. തൈര് കഴിക്കുന്നത് അമിതവണ്ണത്തിനും, കാലക്രമേണ ശരീരഭാരം കൂടാനും സാധ്യത കുറവാണെന്ന് കണ്ടെത്തിയിട്ടുണ്ട്. തൈര് പോലുള്ള ഉയർന്ന പ്രോട്ടീൻ ഭക്ഷണങ്ങൾ, മനസിന്‌ പൂർണ്ണ സന്തുഷ്ടതയും സംതൃപ്തിയും നിലനിർത്താൻ സഹായിക്കും, അതിനാൽ അമിതമായി ഭക്ഷണം കഴിക്കാനുള്ള സാധ്യത ഇല്ലാതാക്കുന്നു.

4. എല്ലുകളുടെ ആരോഗ്യത്തിന് തൈര് സഹായിക്കുന്നു:

തൈര് കാൽസ്യത്തിന്റെ മികച്ച ഉറവിടമാണ്, ഇത് ശക്തവും ആരോഗ്യകരവുമായ അസ്ഥികൾക്ക് പ്രദാനം ചെയ്യുന്നു. തൈരിൽ കാൽസ്യം 30% മായി അടങ്ങിയിട്ടുണ്ട്. കൂടാതെ, ചില തൈരുകളിൽ വിറ്റാമിൻ ഡി അടങ്ങിയിട്ടുണ്ട്, ഇത് കാൽസ്യം കൂടുതൽ എളുപ്പത്തിൽ ആഗിരണം ചെയ്യാൻ ശരീരത്തെ സഹായിക്കുന്നു.

5. വിട്ടുമാറാത്ത രോഗങ്ങളുടെ സാധ്യത കുറയ്ക്കാൻ തൈര് സഹായിക്കും:

ഭക്ഷണത്തിൽ തൈര് ചേർക്കുന്നത് ഹൃദ്രോഗം, പ്രമേഹം, ഉയർന്ന രക്തസമ്മർദ്ദം തുടങ്ങിയ വിട്ടുമാറാത്ത രോഗങ്ങളുടെ സാധ്യത കുറയ്ക്കാൻ സഹായിക്കുമെന്ന് ഗവേഷണങ്ങൾ തെളിയിച്ചിട്ടുണ്ട്. തൈരിലെ പ്രോബയോട്ടിക്സ് ശരീരത്തിലെ വീക്കം കുറയ്ക്കാനും, ഇത് കൊളസ്ട്രോളിന്റെ അളവ് മെച്ചപ്പെടുത്താനും സഹായിക്കും, ഇവ രണ്ടും ഹൃദയാരോഗ്യത്തിന് വളരെ പ്രധാനമാണ്. കൂടാതെ, തൈരിലെ ഉയർന്ന കാത്സ്യം ഓസ്റ്റിയോപൊറോസിസ് പോലുള്ള വിട്ടുമാറാത്ത രോഗങ്ങൾ വരാനുള്ള സാധ്യത കുറയ്ക്കാൻ സഹായിക്കും.

ബന്ധപ്പെട്ട വാർത്തകൾ: കണ്ണിന്റെ ആരോഗ്യത്തിന് സൺഗ്ലാസ് ധരിക്കുന്നത് എത്ര പ്രധാനമാണ്? കൂടുതൽ അറിയാം..