Health & Herbs

ചൂടു പാലോ തണുത്ത പാലോ ആരോഗ്യത്തിന് നല്ലത് ?

ചൂടുപാലിന്റെയും തണുത്ത പാലിന്റെയും ആരോഗ്യഗുണങ്ങളില്‍ വ്യത്യാസമുണ്ട്‌

നമ്മുടെ ശരീരത്തിനാവശ്യമായ പോഷകങ്ങളുടെ കലവറയാണ് പാല്‍ എന്നതില്‍ തര്‍ക്കമൊന്നുമില്ല. കാത്സ്യം, പൊട്ടാസ്യം, വിറ്റാമിന്‍ ഡി തുടങ്ങി നിരവധി പോഷകങ്ങള്‍ പാലിലുണ്ട്. 

അതുകൊണ്ടുതന്നെയാണ് സമീകൃതാഹാരങ്ങളുടെ പട്ടികയില്‍ പാലിനെ ഉള്‍പ്പെടുത്തിയത്. ഡയറ്റ് ക്രമീകരണത്തിന്റെ ഭാഗമായും പാലിനെ ദിവസേനയുളള ഭക്ഷണത്തില്‍ ഉള്‍പ്പെടുത്തുന്നവര്‍ ധാരാളമുണ്ട്. ചിലര്‍ ചൂടുളള പാല്‍ കുടിക്കാനിഷ്ടപ്പെടുമ്പോള്‍ മറ്റുചിലര്‍ക്ക് തണുത്തതിനോടായിരിക്കും താത്പര്യം കൂടുതല്‍. എന്തുതരം പാല്‍ ആണെങ്കിലും കുടിച്ചാല്‍പ്പോരെ എന്നൊന്നും  ഇനി ചിന്തിക്കരുത്. കാരണം രണ്ടിനും വ്യത്യാസങ്ങളുണ്ട്.

ചൂടുപാലിന്റെയും തണുത്തപാലിന്റെയും ആരോഗ്യഗുണങ്ങള്‍ കാലാവസ്ഥയെയും സമയത്തെയും ആശ്രയിച്ചാണിരിക്കുന്നത്. രണ്ടിനും അതിന്റേതായ ഗുണങ്ങളുണ്ടെങ്കിലും കാലാവസ്ഥ മാറുമ്പോള്‍ ഇതില്‍ വ്യത്യാസങ്ങളുണ്ടാകും. വേനലില്‍ ഒരു ഗ്ലാസ് തണുത്ത പാല്‍ കുടിക്കുന്നത് ശരീരത്തെ തണുപ്പിക്കുകയും പിത്തം ഇല്ലാതാക്കുകയും ചെയ്യും. അതിനാല്‍ ഈ സമയത്ത് തണുത്ത പാലാണ് കുടിക്കാന്‍ നല്ലതെന്ന് വിദഗ്ധര്‍ സാക്ഷ്യപ്പെടുത്തുന്നു.

ഇതേസമയം തണുപ്പുകാലത്ത് തണുത്ത പാല്‍ കഴിക്കുന്നത് ശരീരത്തിന് ദോഷകരവുമാണ്. ഈ സമയത്ത് ചൂടുളള പാലാണ് ഉത്തമം. അതും മഞ്ഞള്‍ ചേര്‍ത്ത് ചൂടുപാല്‍ ഉപയോഗിക്കുന്നത് ശരീരത്തിലെ വിഷാംശങ്ങള്‍ പുറന്തളളാന്‍ നല്ലതാണ്.  അതിനാല്‍ കാലാവസ്ഥ കണക്കിലെടുത്താവണം പാലിന്റെ ഉപയോഗമെന്ന് പറയാം. തെറ്റായ രീതിയില്‍ പാല്‍ കുടിക്കുന്നത് നിരവധി ആരോഗ്യപ്രശ്‌നങ്ങള്‍ക്ക് വഴിവച്ചേക്കും.

ഉറങ്ങാന്‍ കിടക്കുന്നതിന് മുമ്പ് കുടിക്കാന്‍ നല്ലത് ചൂടുളള പാലാണ്. കാരണം നല്ല ഉറക്കം കിട്ടാന്‍ സഹായിക്കുന്ന അമിനോ ആസിഡുകള്‍ ഇതിലുണ്ട് എന്നതാണ്. പാല്‍ ചൂടാകുമ്പോള്‍ ഈ ആസിഡുകള്‍ പ്രവര്‍ത്തിക്കും. കൂടാതെ ചൂടു പാല്‍ ദഹനപ്രശ്‌നങ്ങള്‍, വയറിളക്കം എന്നിവയെ തടയും. കൂടാതെ ചൂടു പാലില്‍ തേന്‍ ചേര്‍ത്ത് കഴിച്ചാല്‍ ജലദോഷമടക്കമുളള പ്രശ്‌നങ്ങളെ ചെറുക്കാം. കുട്ടികള്‍ക്കും പ്രായമായവര്‍ക്കുമെല്ലാം കൂടുതല്‍ ഗുണകരം ചൂടുപാല്‍ തന്നെയാണ്.
 
അതേസമയം അസിഡിറ്റി പോലുളള പ്രശ്‌നങ്ങള്‍ക്ക് പ്രതിവിധിയായി തണുത്ത പാല്‍ ഉപയോഗിക്കുന്നതാണ് നല്ലത്. രാവിലെ ഒരു ഗ്ലാസ് പാല്‍ കുടിക്കുന്നത് ശരീരത്തിലെ ജലാംശം നിലനിര്‍ത്താന്‍ സഹായിക്കും. മുഖം ശുദ്ധമാക്കാനായും ചിലര്‍ തണുത്ത പാല്‍ ഉപയോഗിക്കാറുണ്ട്. ശരീരഭാരം കുറയ്ക്കാനാഗ്രഹിക്കുന്നവര്‍ക്ക് നല്ലതും തണുത്ത പാലാണ്. പാലില്‍ അടങ്ങിയ കാത്സ്യം മെറ്റബോളിസം മെച്ചപ്പെടുത്തും.  പാല്‍ വിശപ്പ് കുറയ്ക്കുമെന്നതിനാല്‍ അനാവശ്യമായി ഭക്ഷണം കഴിക്കുന്നത് ഒഴിവാക്കാനും ഇതിലൂടെ സാധിക്കും. 
കൂടുതല്‍ അനുബന്ധ വാര്‍ത്തകള്‍ വായിക്കൂ :https://malayalam.krishijagran.com/health-herbs/milk-also-has-side-effects/

English Summary: hot milk or cold milk which is better for health

Share your comments

Stihl India

Subscribe to newsletter

Sign up with your email to get updates about the most important stories directly into your inbox
Krishi Jagran Malayalam Magazine