മത്സ്യത്തൊഴിലാളി ഗ്രൂപ്പ് അപകട ഇൻഷുറൻസ് പദ്ധതി

മത്സ്യഫെഡിന്റെ മത്സ്യത്തൊഴിലാളി അപകട ഇൻഷുറൻസ് പദ്ധതിയിൽ 18 നും 70 നും ഇടയിൽ പ്രായമുളള മത്സ്യത്തൊഴിലാളികൾക്ക് അംഗങ്ങളാകാം.

 അപകടമരണമോ അപകടം മൂലം പൂർണമായ അംഗവൈകല്യമോ സംഭവിച്ചാൽ 10 ലക്ഷം രൂപ ഇൻഷുറൻസ് ആനുകൂല്യം ലഭിക്കും.

നിബന്ധനകൾക്ക് വിധേയമായി ഭാഗികമായ അംഗവൈകല്യത്തിന് അഞ്ച് ലക്ഷം രൂപ വരെയും അപകടത്തെ തുടർന്ന് ആശുപത്രിയിൽ പ്രവേശിക്കപ്പെടുകയാണെങ്കിൽ അപകടം ഭാഗികമായ അംഗവൈകല്യത്തിലേക്ക് നയിക്കുന്ന കേസുകളിൽ യഥാർത്ഥ ആശുപത്രി ചെലവായി പരമാവധി 2,00,000 രൂപ വരെ ചികിത്സാ ചെലവിനത്തിൽ ലഭിക്കും

അപകടമരണം സംഭവിക്കുകയാണെങ്കിൽ മരണാനന്തര ചെലവിലേക്കായി 2,500 രൂപയും വിദ്യാഭ്യാസ ആവശ്യത്തിന് രണ്ട് കുട്ടികൾക്ക് വരെ പരമാവധി 10000 രൂപ വരെയും ഇൻഷുറൻസ് ആനുകൂല്യം ലഭിക്കും

മാർച്ച് 31 വരെ മത്സ്യത്തൊഴിലാളി സഹകരണ സംഘങ്ങളില് 350 രൂപ പ്രീമിയം അടച്ച് ഈ പദ്ധതിയിൽ അംഗങ്ങളാകാം. കൂടുതൽ വിവരങ്ങൾക്ക് മത്സ്യഫെഡ് ജില്ലാ ഓഫീസുമായോ, പ്രൊജക്ട് ഓഫീസുമായോ ബന്ധപ്പെടണം.

ഫോൺ: 0494 2423503.