സംരംഭം തുടങ്ങാൻ 50% സർക്കാർ സബ്സിഡി (പരമാവധി 25 ലക്ഷം രൂപ വരെ)

സംരംഭം തുടങ്ങാൻ 50% സർക്കാർ സബ്സിഡി (പരമാവധി 25 ലക്ഷം രൂപ വരെ) ചകിരി സർക്കാർ വാങ്ങും സംരംഭകർക്കുള്ള മാർഗ്ഗനിർദ്ദേശങ്ങൾ

ചകിരി മില്ല് തുടങ്ങാൻ ആവശ്യമായ ചെലവിൻറെ പകുതി അല്ലെങ്കിൽ പരമാവധി 25 ലക്ഷം രൂപ വരെ സർക്കാർ നിങ്ങൾക്ക് സബ്സിഡിയായി നൽകും. സ്ഥലത്തിൻറെയും കെട്ടിടത്തിൻറെയും വിലയിൻ മേൽ പരമാവധി 12.5 ലക്ഷം രൂപവരെയും യന്ത്രസാമഗ്രികൾക്ക് ബാക്കി തുകയും എന്നതാണ് മാനദണ്ഡം. ബാക്കി തുകയ്ക്ക് ആവശ്യമെങ്കിൽ ബാങ്കുകൾ കേരള ഫിനാൻഷ്യൽ കോർപ്പറേഷൻ പ്രോജക്ടിൻറെ സാമ്പത്തിക/ സാങ്കേതിക സാധ്യതകൾ വിലയിരുത്തി നിങ്ങൾക്ക് വായ്പ നൽകും.

ഉദ്യോഗ് ആധാർ കൂടി എടുക്കുക
സൂക്ഷ്മ ചെറുകിട ഇടത്തരം സംരംഭങ്ങളുടെ രജിസ്ട്രേഷന് ഉള്ള സംവിധാനം ആണ് ഉദ്യോഗ്‌ അധാർ. നിർബന്ധിത രജിസ്ട്രേഷൻ അല്ലെങ്കിലും സർക്കാർ ഏജൻസികൾ നൽകിവരുന്ന സബ്സിഡി ഉൾപ്പെടെയുള്ള നിങ്ങൾ ലഭിക്കാൻ ഇത് അത്യാവശ്യമാണ്. കെഎസ്ഇബിയിൽ നിന്നും കുറഞ്ഞ നിരക്കിൽ കറണ്ട് ലഭിക്കുന്നതിനും റവന്യൂ ടാക്സിലും ബിൽഡിംഗ് ടാക്സിലും ഇളവ് ലഭിക്കുന്നതിനും ഇത് ആവശ്യമാണ്.

ഓഫീസുകൾ കയറി ഇറങ്ങാതെ തന്നെ വെറും 3 മിനിറ്റ് കൊണ്ട് http://udyogaadhar.gov.in എന്ന വെബ്സൈറ്റിലൂടെ വളരെ എളുപ്പത്തിൽ രജിസ്റ്റർ ചെയ്യാവുന്നതേയുള്ളൂ. ആധാർ നമ്പരും ബാങ്ക് അക്കൗണ്ട് വിവരങ്ങളും സംരംഭ വിവരങ്ങളും നൽകി ഒരു പേജുള്ള ഫോം പൂരിപ്പിച്ച് ഉടൻ ഉദ്യോഗ് ആധാർ നമ്പർ ലഭിക്കും. രേഖകളൊന്നും സമർപ്പിക്കേണ്ടതില്ല രജിസ്ട്രേഷൻ ഫീസും ഇല്ല. വിവരങ്ങൾ സ്വയം സാക്ഷ്യപ്പെടുത്തിയാൽ മതിയാകും.