കേരള പി.എസ്.സിയിലെ 41 ഒഴിവുകളിലേക്ക് അപേക്ഷകൾ ക്ഷണിച്ചു

കേരള പബ്ലിക് സർവീസ് കമ്മീഷണനിലുള്ള 41 ഒഴിവുകളിലേക്കുള്ള  വിജ്ഞാപനം പ്രസിദ്ധീകരിച്ചു.  

ഇൻസ്പക്ടർ ഓഫ് ഫാക്ടറീസ് ആൻഡ് ബോയിലേഴ്സ് ഗ്രേഡ് രണ്ട്, ഡ്രാഫ്സ്മാൻ ഗ്രേഡ് ഒന്ന് കേരള തുറമുഖ വകുപ്പ്, ഡ്രാഫ്റ്റ്സ്മാൻ ഗ്രേഡ് രണ്ട്/ഓവർസിയർ ഗ്രേഡ് രണ്ട്(ഇലക്‌ട്രിക്കൽ) ഹാർബർ എൻജിനിയറിങ് വകുപ്പ് തുടങ്ങിയ തസ്തികകളിലേക്കാണ് അപേക്ഷകൾ ക്ഷണിച്ചിരിക്കുന്നത്.

സംസ്ഥാനതല ഒഴിവുകളായ കാറ്റഗറി നമ്പർ 246/2021 ഇൻസ്പക്ടർ ഓഫ് ഫാക്ടറീസ് ആൻഡ് ബോയിലേഴ്സ് ഗ്രേഡ് രണ്ട്, 247/2021 ഡ്രാഫ്സ്മാൻ ഗ്രേഡ് ഒന്ന് കേരള തുറമുഖ വകുപ്പ്, 248/2021 ഡ്രാഫ്റ്റ്സ്മാൻ ഗ്രേഡ് രണ്ട്/ഓവർസിയർ ഗ്രേഡ് രണ്ട്(ഇലക്‌ട്രിക്കൽ) ഹാർബർ എൻജിനിയറിങ് വകുപ്പ്, 249/2021 ഫിഷറീസ് വകുപ്പിൽ ഫിഷറീസ് അസിസ്റ്റന്റ്, 250/2021 പൊലീസ് കോൺസ്റ്റബിൾ (പൊലീസ് ടെലികമ്യൂണിക്കേഷൻസ്) ജില്ലാതല ജനറൽ റിക്രൂട്ട്മെന്റായ ഹൈസ്കൂൾ ടീച്ചർ(ഇംഗ്ലീഷ്, മലയാളം) തുടങ്ങിയ എൻസിഎ ജില്ലാ റിക്രൂട്ട്മെന്റായ 286/2021 പവർ ലോൺട്രി അറ്റൻഡർ വരെയുള്ള 41 തസ്തികകളിൽ പി.എസ്.സി വിജ്ഞാപനം പുറപ്പെടുവിച്ചു.

അപേക്ഷിക്കാനുള്ള അവസാന തീയതി സെപ്റ്റംബർ എട്ട്. വിശദവിവരത്തിന് www.keralapsc.gov.in എന്ന വെബ്സൈറ്റ് സന്ദർശിക്കുക.