ബാങ്ക് ഓഫ് ബറോഡയിലെ വിവിധ ഒഴിവുകളിൽ നിയമനം നടത്തുന്നു

ബാങ്ക് ഓഫ് ബറോഡയിലുള്ള 58 വിവിധ ഒഴിവുകളിലേക്ക് ഇപ്പോൾ അപേക്ഷകൾ അയക്കാം. വെൽത്ത് മാനേജ്മെന്റ് സർവീസസ് വകുപ്പിലാണ് നിയമനം നടത്തുന്നത്. വെൽത്ത് സ്ട്രാറ്റജിസ്റ്റ്, പോർട്ട്ഫോളിയോ റിസേർച്ച് അനലിസ്റ്റ്, എൻ.ആർ.ഐ വെൽത്ത് പ്രോഡക്ട്സ് മാനേജർ, പ്രോഡക്ട് മാനേജർ, ട്രേഡ് റെഗുലേഷൻ-സീനിയർ മാനേജർ തുടങ്ങിയ തസ്തികകളിൽ ഒഴിവ് കരാർ അടിസ്ഥാനത്തിലായിരിക്കും നിയമനം. നിശ്ചിത യോഗ്യതയുള്ള ഉദ്യോഗാർത്ഥികൾക്ക് ബാങ്ക് ഓഫ് ബറോഡയുടെ ഔദ്യോഗിക വെബ്സൈറ്റായ bankofbaroda.in സന്ദർശിച്ച് അപേക്ഷിക്കാം.

അവസാന തീയതി

ജനുവരി 27 ആണ് അപേക്ഷിക്കാനുള്ള അവസാന തീയതി.

ഒഴിവുകളുടെ വിശദവിവരങ്ങൾ

വെൽത്ത് സ്ട്രാറ്റജിസ്റ്റ് (ഇൻവെസ്റ്റ്മെന്റ് ആൻഡ് ഇൻഷ്യുറൻസ്) ഹെഡ്- 1 ഒഴിവ്

വെൽത്ത് സ്ട്രാറ്റജിസ്റ്റ് (ഇൻവെസ്റ്റ്മെന്റ് ആൻഡ് ഇൻഷ്യുറൻസ്)- 28 ഒഴിവുകൾ

ഇൻവെസ്റ്റ്മെന്റ് റിസേർച്ച് മാനേജർ (പോർട്ട്ഫോളിയോ ആൻഡ് ഡേറ്റാ അനാലിസിസ് ആൻഡ് റിസേർച്ച്)- 2 ഒഴിവുകൾ

പോർട്ട്ഫോളിയോ റിസേർച്ച് അനലിസ്റ്റ്- 2 ഒഴിവുകൾ

എൻ.ആർ.ഐ വെൽത്ത് പ്രോഡക്ട്സ് മാനേജർ- 1 ഒഴിവ്

പ്രോഡക്ട് മാനേജർ- (ട്രേഡ് ആൻഡ് ഫോറെക്സ്)- 1 ഒഴിവ്

ട്രേഡ് റെഗുലേഷൻ- സീനിയർ മാനേജർ- 1 ഒഴിവ്

പ്രോഡക്ട് ഹെഡ് - പ്രൈവറ്റ് ബാങ്കിംഗ്- 1 ഒഴിവ്

ഗ്രൂപ്പ് സെയിൽസ് ഹെഡ്- 1 ഒഴിവ്

പ്രൈവറ്റ് ബാങ്കർ- 20 ഒഴിവുകൾ

കരാർ നിയമനം

5 വർഷത്തെ കരാർ നിയമനമായിരിക്കും. പ്രകടനത്തിന്റെ അടിസ്ഥാനത്തിൽ ബാങ്ക് ഇത് നീട്ടി നൽകും.

തെരഞ്ഞെടുപ്പ് രീതി

അപേക്ഷകരിൽ നിന്ന് ഷോർട്ട് ലിസ്റ്റ് ചെയ്യുന്നവരെ അഭിമുഖത്തിന് ക്ഷണിക്കും. ഗ്രൂപ്പ് ഡിസ്ക്കഷൻ അടക്കമുള്ളവയുമുണ്ടായിരിക്കും.

അപേക്ഷാ ഫീസ്

ജനറൽ, ഒ.ബി.സി വിഭാഗക്കാർക്ക് 600 രൂപയാണ് അപേക്ഷാ ഫീസ്. പട്ടിക ജാതി, പട്ടിക വർഗം, ഭിന്നശേഷിക്കാർ, വനിതകൾ എന്നിവർക്ക് ഇന്റിമേഷൻ ചാർജായി 100 രൂപ അടച്ചാൽ മതിയാകും.