വിഴിഞ്ഞം സിഎംഎഫ്ആർഐയിലെ വിവിധ തസ്‌തികകളിലെ ഒഴിവുകളിലേക്ക് ഇപ്പോൾ അപേക്ഷിക്കാം

കേന്ദ്ര സമുദ്രമത്സ്യ ഗവേഷണ സ്ഥാപനനമായ സി.എം.എഫ്.ആർ.ഐയുടെ തിരുവനന്തപുരം വിഴിഞ്ഞത്തുള്ള പ്രാദേശിക കേന്ദ്രത്തിൽ മൂന്ന് തസ്തികകളിലുള്ള താത്കാലിക ഒഴിവുകളിലേക്ക് അപേക്ഷകൾ ക്ഷണിക്കുന്നു.

വിവിധ ​ഗവേഷണ പദ്ധതികളിലേക്ക് പ്രോജക്ട് അസിസ്റ്റന്റ് / ടെക്നീഷ്യൻ, പ്രോജക്ട് അസിസ്റ്റന്റ്, ഫീൽഡ് കം ഹാച്ചറി സ്റ്റാഫ് എന്നീ തസ്തികകളിലേക്ക് കരാർ അടിസ്ഥാനത്തിലാണ് നിയമനം. പ്രോജക്ട് അസിസ്റ്റന്റ് / ടെക്നീഷ്യൻ - 2 എണ്ണം, പ്രോജക്ട് അസിസ്റ്റന്റ് - 1 എണ്ണം, ഫീൽഡ് കം ഹാച്ചറി സ്റ്റാഫ് - 1 എണ്ണം എന്നിങ്ങനെയാണ് ഒഴിവുകൾ.

പ്രായപരിധി

പ്രായം 21- 45 വയസ്സിനു ഇടയിലായിരിക്കണം.

അവസാന തിയതി

അപേക്ഷകൾ 2024 ജനുവരി 30-ന് മുമ്പായി cmfrivizhinjam@gmail.com എന്ന ഇ-മെയിലിലേക്ക് അയയ്ക്കണം. 2024 ഫെബ്രുവരി 05 ന് ഐ സി എ ആർ - സി.എം.എഫ്.ആർ.ഐ വിഴിഞ്ഞം കേന്ദ്രത്തിൽ വാക് - ഇൻ - ഇന്റർവ്യൂ നടക്കും.

കൂടുതൽ വിവരങ്ങൾ www.cmfri.org.in ലും 0471- 2480224 എന്ന ഫോൺ നമ്പറിലും ലഭ്യമാണ്.