കോവിഡ്-19 വാക്സിൻ സ്പുട്നിക് വി 1,250 രൂപയ്ക്ക് ഹൈദരാബാദിൽ ലഭ്യമായി തുടങ്ങി

ഡോ. റെഡ്ഡീസ് ലബോറട്ടറി ഇന്ത്യയിൽ നിർമ്മിക്കുന്ന റഷ്യൻ കോവിഡ്-19 വാക്സിൻ സ്പുട്നിക് വി മെയ് 18 ന് കോവിൻ പ്ലാറ്റ്ഫോമിൽ തുടക്കം കുറിച്ചു . 

COVID-19 Vaccine | Sputnik V debuts on CoWIN, available in Hyderabad for Rs 1,250

45 വയസ്സും അതിൽ കൂടുതലും പ്രായമുള്ളവർക്ക് ഒരു ജാബിന് 1,250 രൂപയ്ക്ക് മാത്രമാണ് ഹൈദരാബാദിലെ അപ്പോളോ ആശുപത്രിയിൽ വാക്സിൻ ലഭ്യമാവുക.

സ്പുട്നിക്-5 ആദ്യ ബാച്ചായ 1,50,000 ഡോസ് വാക്സിൻ മേയ് ഒന്നിന് ഇന്ത്യയിലെത്തിയിരുന്നു.

രാജ്യത്ത്​ കോവിഡ് വ്യാപനം രൂക്ഷമാവുകയും പുതിയ​ കേസുകളിൽ വൻ വർധന രേഖപ്പെടുത്തുകയും ചെയ്തതോടെയാണ്​ കേന്ദ്ര സർക്കാർ സ്​ഫുട്​നിക്​ വാക്​സിന്​ അംഗീകാരം നൽകിയത്​. ഡോക്ടർ റെഡ്ഡീസ് ഗ്രൂപ്പാണ് രാജ്യത്ത് വാക്സിൻ വിതരണം ചെയ്യുന്നത്.

റഷ്യയി​ലെ ഗാമലേയ റിസർച്ച്​ ഇൻസ്റ്റിറ്റ്യൂട്ട്​ വികസിപ്പിച്ച സ്​പുട്​നിക്​-5 ലോകത്തിലെ ആദ്യ കോവിഡ്​ വാക്​സിനാണ്​. 2020 ആഗസ്റ്റ്​ 11ന് റഷ്യ രജിസ്റ്റര്‍ ചെയ്ത വാക്​സിന്​ ലോകത്തിന്‍റെ വിവിധ ഭാഗങ്ങളിൽ നിന്ന്​ മികച്ച പ്രതികരണമാണ്​ ലഭിച്ചത്​.

91.6 ശതമാനം കാര്യക്ഷമത സ്പുട്‌നിക്-5ന് ഉണ്ടെന്നാണ്​ അവകാശപ്പെടുന്നത്. 60 രാജ്യങ്ങൾ ഇതുവരെ സ്​ഫുട്​നിക്​ വാക്​സിന്​ അംഗീകാരം നൽകിയിട്ടുണ്ട്​.

സ്പുട്നിക്-5 വാക്സിന്‍റെ വിതരണത്തിന് അഞ്ച് മുൻനിര ഇന്ത്യൻ നിർമാതാക്കളുമായി റഷ്യൻ ഡയറക്ട് ഇൻവെസ്റ്റ്മെന്‍റ് ഫണ്ട് (ആർ.ഡി.ഐ.എഫ്) രാജ്യാന്തര ധാരണപത്രം ഒപ്പുവെച്ചിട്ടുണ്ട്. ഇതുപ്രകാരം ഒരു വർഷം 850 ദശലക്ഷം ഡോസ് വാക്സിൻ വിതരണമാണ് ലക്ഷ്യമിടുന്നത്.