News

ഭീമന്‍ കാബേജ് കൃഷി ചെയ്ത  ഒമ്പതു വയസുകാരിക്ക് 70,000 രൂപ സമ്മാനം.

giant cabbage
ഭീമന്‍ കാബേജ് കൃഷി ചെയ്ത ഒമ്പതു വയസുകാരിക്ക് 70,000 രൂപ സമ്മാനം. അമേരിക്കയിലെ പെൻസിൽ വാനിയയിൽ നിന്നുള്ള പെൺകുട്ടിയാണ് ഭീമൻ കാബേജ് കൃഷി ചെയ്തത്. പിറ്റ്സ്ബർഗിലെ പീബിൾസ്. എലിമെന്ററി  സ്ക്കൂളിലെ നാലാം ക്‌ളാസ്സു കാരിയായ ലിലി റീസ് ആണ് ഈ കൊച്ചു മിടുക്കി വീട്ടുവളപ്പില്‍ മാതാപിതാക്കളുടെ സഹായത്തോടെയായിരുന്നു ലിലി റീസിൻ്റെ കൃഷി.

വിത്ത് നട്ടതിന് ശേഷം എന്നും മുടങ്ങാതെ വെള്ളമൊഴിക്കുകയും, മറ്റ് ചെടികള്‍ക്കെല്ലാം ചെയ്യുന്നത് പോലെ തന്നെ വളപ്രയോഗവും നടത്തി. പുതിയതായി ഒന്നും ചെയ്തില്ല. എന്നാല്‍ ലിലിയേയും വീട്ടുകാരേയും അത്ഭുതപ്പെടുത്തിക്കൊണ്ടായിരുന്നു കാബേജിന്റെ വളര്‍ച്ച. ഓരോ ദിവസം കൂടുംതോറും കാബേജ് വലുതായിവന്നു. ഒടുവില്‍ പറിക്കാന്‍ പാകമായപ്പോഴാണ് പെന്‍സില്‍വാനിയയിലെ കര്‍ഷകരുടെ മേളയെ കുറിച്ച് അറിഞ്ഞത്. 


അങ്ങനെയാണ് ഭീമന്‍ കാബേജുമായി ലിലി മേളയ്‌ക്കെത്തിയത്. വൈകാതെ തന്നെ  ലിലിയുടെ കാബേജും വാര്‍ത്തകളിലും ഇടം നേടി. മേളയില്‍ ശ്രദ്ധിക്കപ്പെട്ടതോടെ കൊച്ചുകര്‍ഷകയ്ക്ക് ഒരു അപ്രതീക്ഷിത സമ്മാനവും ലഭിച്ചു. 70,000 രൂപയുടെ ക്യാഷ് പ്രൈസായിരുന്നു സമ്മാനം. 

ആവശ്യത്തിന് വെള്ളവും വളവും മാത്രമാണ് തങ്ങള്‍ ചെടിക്ക് നല്‍കിയതെന്നും എന്നാല്‍ ഈ വിളവ് തങ്ങളെ ശരിക്കും ഞെട്ടിച്ചുവെന്നും ലിലിയുടെ അമ്മ മേഗന്‍ റീസ് പറഞ്ഞു. മത്സരത്തിൽ പെൻസിൽവാനിയയിൽ നിന്നുള്ള 32,000 ത്തോളം പേർ പങ്കെടുത്തിരുന്നു .


Share your comments

Subscribe to newsletter

Sign up with your email to get updates about the most important stories directly into your inbox