News

ഇന്ത്യൻ ട്രാക്ടർ ഓഫ് ദി ഇയർ അവാർഡ് 2022: മഹീന്ദ്രയും മാസി ഫെർഗൂസണും മികച്ച ട്രാക്ടർ അവാർഡ് നേടി

ഇന്ത്യൻ ട്രാക്ടർ ഓഫ് ദി ഇയർ അവാർഡ് 2022 പ്രഖ്യാപിക്കുന്നു. ഡൽഹിയിലെ പുൾമാൻ എയ്റോസിറ്റി ഹോട്ടലിലാണ് അവാർഡ് ദാനം നടന്നത്

Darsana J Updated 23 July, 2022 12:08 PM IST

ഇന്ത്യൻ ട്രാക്ടർ ഓഫ് ദി ഇയർ അവാർഡ് 2022: ട്രാക്ടർ ഓഫ് ദി ഇയർ അവാർഡ് നേടി മഹീന്ദ്രയും മാസി ഫെർഗൂസണും

ഇന്ത്യൻ ട്രാക്ടർ ഓഫ് ദി ഇയർ അവാർഡ് 2022 പ്രഖ്യാപിച്ചു. മഹീന്ദ്ര 575 DI XP പ്ലസും മാസി ഫെർഗൂസൺ 246 ഇന്ത്യയിലെ ട്രാക്ടർ ഓഫ് ദി ഇയർ അവാർഡ് നേടി. മികച്ച ട്രാക്ടർ നിർമാതാവിനുള്ള അവാർഡ് മഹീന്ദ്രയും സ്വരാജും ചേർന്നാണ് നേടിയത്. സൊണാലിക ബാഗ്ബാൻ RX32 ഓർച്ചാർഡ് ട്രാക്ടർ ഓഫ് ദി ഇയർ അവാർഡ് നേടിയപ്പോൾ Eicher 557 വാണിജ്യ അടിസ്ഥാനത്തിലുള്ള മികച്ച ട്രാക്ടറിനുള്ള അവാർഡ് നേടി. ക്യുബോട്ട MU 5502 മികച്ച ട്രാക്ടർ ഡിസൈനുള്ള അവാർഡും ക്ലാസിക് ട്രാക്ടർ ഓഫ് ദി ഇയറായി സൊണാലിക സിക്കന്ദർ DI 740 അവാർഡ് നേടി.

ഡൽഹിയിലെ പുൾമാൻ എയ്റോസിറ്റി ഹോട്ടലിലാണ് അവാർഡ് ദാനം നടക്കുന്നത്. പരിപാടിയിൽ അഗ്രി മീഡിയ എക്സ്ക്ലൂസീവ് പാർടണറാണ് കൃഷി ജാഗരൺ. 2019ൽ ഡൽഹിയിൽ ട്രാക്ടർ ജംഗ്ഷൻ തുടക്കം കുറിച്ച ITOTY (ഇന്ത്യൻ ട്രാക്ടർ ഓഫ് ദി ഇയർ) അവാർഡിന്റെ മൂന്നാം പതിപ്പാണിത്.

ട്രാക്ടർ ജംഗ്ഷന്റെ സ്ഥാപകനായ രജത് ഗുപ്തയാണ് 'ട്രാക്ടർ നിർമാതാക്കളുടെ നൂതന ആശയങ്ങൾക്കും സാങ്കേതിക വിദ്യകൾക്കും പ്രചോദനം നൽകുക' എന്ന ആശയം മുന്നോട്ട് വച്ചത്. ബിസിനസ് സ്റ്റാൻഡേർഡ്, ബിസിനസ് ടുഡേ, കൃഷി ജാഗരൺ, അഗ്രികൾച്ചർ പോസ്റ്റ്, ജാഗരൺ എന്നിവരും പരിപാടിയിലെ മാധ്യമ പങ്കാളികളാണ്. ട്രാക്ടർ വ്യവസായ രംഗത്തെ വിദഗ്ധരാണ് ITOTY ട്രാക്ടർ അവാർഡ് ജേതാക്കളെ നിർണയിച്ചത്. വോട്ടിങ്ങിലൂടെയാണ് ട്രാക്ടർ നിർമാണ രംഗത്തെ പ്രതിഭകളെ കണ്ടെത്തിയത്.

ബന്ധപ്പെട്ട വാർത്തകൾ: ഇന്ത്യൻ ട്രാക്ടർ ഓഫ് ദി ഇയർ അവാർഡ് 2022: വിജയികളെ പ്രഖ്യാപിക്കുന്നു

ഇന്ത്യൻ ട്രാക്ടർ ഓഫ് ദി ഇയർ അവാർഡ് 2022 ഉദ്ഘാടനം

ഇന്ത്യൻ ട്രാക്ടർ ഓഫ് ദി ഇയർ അവാർഡ് 2022: പാനൽ അംഗങ്ങൾ

എൽ.പി ഗീത് (ICAR - CIAE ഭോപ്പാൽ സൂപ്പർ ആന്യുവേറ്റഡ് സയന്റിസ്റ്റ്)
അരിന്ദം മൗലിക്ക് (ട്രാക്ടർ & ഓട്ടോമൊബൈൽ വ്യവസായം - 38 വർഷത്തെ പരിചയം)
യാഷ് ജഠ് (മൈ കിസാൻ ദോസ്ത് യൂട്യൂബ് ചാനൽ)
പി.കെ വർമ (ഫാം മെഷിനറി, വൈദ്യുതി - 40 വർഷത്തെ പരിചയം)

ഹേമന്ത് ജോഷി (ഫാം മെഷിനറി - 32 വർഷം)
ആശിഷ് ഭരദ്വാജ് (ഇന്ത്യൻ ട്രാക്ടർ എംഎൻസി - 20 വർഷത്തെ പരിചയം)
സി.ആർ മേത്ത ( ഐസിഎആർ - സിഐഎഇ, ഭോപ്പാൽ - 29 വർഷം)
പോൾ രാജ് (ട്രാക്ടർ വ്യവസായം - 40 വർഷത്തെ പരിചയം)

കൃഷി ജാഗരൺ പ്രതിനിധികൾ

എം.സി ഡൊമനിക് ( കൃഷി ജാഗരൺ സ്ഥാപകൻ & എഡിറ്റർ ഇൻ ചീഫ്)
പി.എസ് സൈനി (സീനിയർ വൈസ് പ്രസിഡന്റ് - കോർപറേറ്റ് കമ്മ്യൂണിക്കേഷൻസ് & പിആർ)
മൃദുൽ ഉപ്രേദി (ജിഎം-സ്പെഷ്യൽ ഇനിഷ്യേറ്റീവ്)
പങ്കജ് ഖന്ന (സീനിയർ കണ്ടന്റ് മാനേജർ)
ശ്രുതി ശുക്ല (പ്രൊഡക്ഷൻ അസിസ്റ്റന്റ്)
ആശിഷ് ഗോർ (വീഡിയോ ഗ്രാഫർ)

പ്രധാന അവാർഡുകൾ

ട്രാക്ടർ അവാർഡ്
ഫാം മെഷിനറി അവാർഡ്

മികച്ച HP ട്രാക്ടർ നാമനിർദേശ വിഭാഗങ്ങളും വിജയികളും

20 എച്ച്പിയിലുള്ള മികച്ച ട്രാക്ടർ - വിഎസ്ടി 171

21-30 എച്ച്പിയിലുള്ള മികച്ച ട്രാക്ടർ - ക്യാപ്റ്റൻ 283 4wd

31-40 എച്ച്പിയിലുള്ള മികച്ച ട്രാക്ടർ - സ്വരാജ് 735 fe

41-45 എച്ച്പിയിലുള്ള മികച്ച ട്രാക്ടർ - ക്യുബോട്ട mu 4501

46-50 എച്ച്പിയിലുള്ള മികച്ച ട്രാക്ടർ - ന്യൂ ഹൊള്ളാന്റ് 3602 allroinder പ്ലസ്

51-60 എച്ച്പിയിലുള്ള മികച്ച ട്രാക്ടർ - പവർട്രാക്ക് യൂറോ 55 പവർഹൗസ്

60 എച്ച്പിക്ക് മുകളിലുള്ള മികച്ച ട്രാക്ടർ - മഹീന്ദ്ര നോവോ 755 ഡി.ഐ

20 എച്ച്പിയിലുള്ള മികച്ച ട്രാക്ടർ - വിഎസ്ടി 171

ജൂറി അംഗങ്ങൾ ചർച്ച ചെയ്യുന്ന പ്രധാന വിഷയങ്ങൾ

? ഒരു കാർഷിക യന്ത്രവൽകൃത രാജ്യമാകുന്നതിൽ നിന്ന് ഇന്ത്യയെ തടയുന്നത് എന്ത്

? കാർഷിക യന്ത്രങ്ങളിലും പരിഹാരങ്ങളിലും ഉയർന്നുവരുന്ന ഉപഭോക്തൃ പ്രതീക്ഷകൾ

? അടുത്ത അഞ്ച് വർഷത്തിനുള്ളിലെ കാർഷിക യന്ത്രവൽക്കരണ ട്രെൻഡ് എന്ത്

നൂതന സാങ്കേതിക വിദ്യകളെ കുറിച്ചും കാർഷിക ഉപകരണങ്ങളെക്കുറിച്ചും കർഷകർക്കിടയിൽ അവബോധം സൃഷ്ടിക്കുകയാണ് അവാർഡ് ദാനത്തിലൂടെ ലക്ഷ്യം വയ്ക്കുന്നതെന്ന് ITOTY-യുടെയും ട്രാക്ടർ ജംഗ്ഷന്റെയും സ്ഥാപകൻ രജത് ഗുപ്ത പറഞ്ഞു.

"സിയാറ്റിന്റെ മികച്ച ഉൽപന്നങ്ങളിലൂടെ കർഷകരുടെ ഉൽപാദന ക്ഷമത വർധിപ്പിക്കാൻ ഞങ്ങൾ നിരന്തരമായി പരിശ്രമിക്കുന്നുണ്ട്. ITOTY അവാർഡ് ദാനത്തിൽ പങ്കാളിയാകാൻ സാധിച്ചതിൽ വളരെയധികം സന്തോഷമുണ്ട്. ഞങ്ങളെ പോലെ എല്ലാ കമ്പനികൾക്കും ഇത്തരം പങ്കാളിത്തം പ്രോത്സാഹനം നൽകുന്നു. വ്യവസായ വിദഗ്ധരും ഉപഭോക്താക്കളും ചേർന്ന് തിരഞ്ഞെടുത്ത വിജയികൾ കാർഷിക രംഗത്ത് പുരോഗതി കൈവരിച്ചരാണ് എന്ന കാര്യത്തിൽ സംശയമില്ല", സിയാറ്റ് സ്പെഷ്യാലിറ്റി ചീഫ് എക്സിക്യൂട്ടീവ് അമിത് തോലാനി പറഞ്ഞു.