ലാഡ്‌ലി ലക്ഷ്മി യോജന: പെണ്‍കുട്ടികളുടെ വിദ്യാഭ്യാസം സൗജന്യമായി

ആത്യന്തികമായി ലിംഗാനുപാതം കുറയുന്നതിലേക്ക് നയിക്കുന്ന ഏറ്റവും കൂടുതല്‍ പെണ്‍ ഭ്രൂണഹത്യ കേസുകള്‍ നടക്കുന്ന രാജ്യങ്ങളുടെ പട്ടികയില്‍ ഇന്ത്യ കണക്കാക്കപ്പെടുന്നു. അത്‌കൊണ്ട് ഒരു പെണ്‍കുട്ടിയുടെ ജനനം, വിദ്യാഭ്യാസം, ആരോഗ്യം എന്നിവയെക്കുറിച്ച് അവബോധം സൃഷ്ടിക്കുന്ന ഒരു പദ്ധതിയാണ് ലാഡ്ലി ലക്ഷ്മി യോജന

സമൂഹത്തിന്റെ കാഴ്ചപ്പാടുകളില്‍ നല്ല മാറ്റങ്ങള്‍ കൊണ്ടുവരുന്നതിന് രജിസ്റ്റര്‍ ചെയ്ത പെണ്‍കുട്ടിയുടെ കുടുംബത്തിന്റെ വിദ്യാഭ്യാസപരവും സാമ്പത്തികവുമായ നില മെച്ചപ്പെടുത്തുക എന്നതാണ് ലക്ഷ്യം.

എന്താണ് ലാഡ്ലി ലക്ഷ്മി യോജന?

2007-ല്‍ മധ്യപ്രദേശ് സര്‍ക്കാര്‍ ലാഡ്ലി ലക്ഷ്മി യോജന ആരംഭിച്ചു. പെണ്‍കുഞ്ഞിന്റെ ജനനത്തോട് സമൂഹത്തിന്റെ നിഷേധാത്മക സമീപനത്തില്‍ മാറ്റം കൊണ്ടുവരിക എന്നതാണ് ഈ പദ്ധതിയുടെ ലക്ഷ്യം. കൂടാതെ, പെണ്‍കുട്ടികളുടെ ലിംഗാനുപാതവും വിദ്യാഭ്യാസപരവും ആരോഗ്യനിലയും മെച്ചപ്പെടുത്തുക എന്നതായിരുന്നു പ്രധാന സംരംഭം. പദ്ധതിയുടെ മൊത്തത്തിലുള്ള വിജയത്തിനുശേഷം, മറ്റ് സംസ്ഥാനങ്ങളും പെണ്‍കുട്ടികളുടെ ഉന്നമനത്തിനായി ഇത് സ്വീകരിക്കുകയും നടപ്പിലാക്കുകയും ചെയ്തു.

2007 മെയ് 2-ന് മുഖ്യമന്ത്രി ശിവരാജ് സിംഗ് ചൗഹാനാണ് ലാഡ്ലി ലക്ഷ്മി യോജന ആരംഭിച്ചത്. നിലവില്‍ ഉത്തര്‍പ്രദേശ്, ഡല്‍ഹി, ബിഹാര്‍, ഛത്തീസ്ഗഡ്, ഗോവ, ജാര്‍ഖണ്ഡ് എന്നിവിടങ്ങളില്‍ ഇത് പ്രവര്‍ത്തിക്കുന്നുണ്ട്. നികുതി അടയ്ക്കാത്ത കുടുംബത്തിലും അനാഥരായ സ്ത്രീകള്‍ക്കും 2006 ജനുവരി 1-നോ അതിനുശേഷമോ ജനിച്ച പെണ്‍കുട്ടികള്‍ക്ക് ഈ പദ്ധതി പ്രയോജനപ്പെടും.

ബന്ധപ്പെട്ട വാർത്തകൾ: ബാലികാ സമൃദ്ധി യോജന: പെണ്‍കുട്ടികളുടെ നല്ല ഭാവിയ്ക്കായി സര്‍ക്കാര്‍ പദ്ധതി

സ്‌കീമിന്റെ സവിശേഷതകള്‍
ഈ പദ്ധതി പെണ്‍കുട്ടികളുടെ ശാക്തീകരണത്തില്‍ ശ്രദ്ധ കേന്ദ്രീകരിക്കുകയും അവര്‍ക്ക് സാമ്പത്തിക സഹായം നല്‍കുന്നതിന് ആരംഭിക്കുകയും ചെയ്യുന്നു
ഈ സ്‌കീമിന് കീഴില്‍ രജിസ്റ്റര്‍ ചെയ്ത എല്ലാ പെണ്‍കുട്ടികള്‍ക്കും വിദ്യാഭ്യാസ ചെലവുകള്‍ വഹിച്ച് ഗവണ്‍മെന്റ് 1000 രൂപ നല്‍കുന്നു, അങ്ങനെ അവളുടെ കുടുംബത്തിന് അവളെ സ്‌കൂളില്‍ അയയ്ക്കാന്‍ കഴിയും. എന്നാല്‍, സ്‌കൂളില്‍ നിന്ന് നിര്‍ത്തി പോകുന്ന പെണ്‍കുട്ടികള്‍ക്ക് ഈ പദ്ധതിയുടെ ആനുകൂല്യം ലഭിക്കില്ല, മാത്രമല്ല അവളുടെ വിവാഹത്തിനായി അപേക്ഷകന്റെ കുടുംബത്തിന് 1 ലക്ഷം രൂപ കിട്ടുന്നു. 18 വയസ്സിന് മുമ്പ് വിവാഹിതരായ പെണ്‍കുട്ടികള്‍ക്ക് ലാഡ്ലി ലക്ഷ്മി യോജന പ്രകാരം ആനുകൂല്യം ലഭിക്കില്ല.

സംസ്ഥാന സര്‍ക്കാര്‍ എല്ലാ വര്‍ഷവും 6000 രൂപയുടെ നാഷണല്‍ സേവിംഗ്‌സ് സര്‍ട്ടിഫിക്കറ്റുകള്‍ (NSC) പെണ്‍കുട്ടിയുടെ ജനനശേഷം അവരുടെ പേരില്‍ വാങ്ങുന്നു. മൊത്തം തുക 30,000/- ആയി എത്തുന്നത് വരെ തുടര്‍ച്ചയായി അഞ്ച് വര്‍ഷത്തേക്ക് NSC വാങ്ങല്‍ തുടരും.
ഈ സ്‌കീമിന് കീഴില്‍ രജിസ്റ്റര്‍ ചെയ്ത പെണ്‍കുട്ടിക്ക് നിശ്ചിത സമയത്തില്‍ ഒരു നിശ്ചിത തുക ലഭിക്കും:

പെണ്‍കുട്ടിക്ക് പന്ത്രണ്ടാം ക്ലാസ് വരെയുള്ള വിദ്യാഭ്യാസ വര്‍ഷം മുഴുവന്‍ എല്ലാ മാസവും 200 രൂപ ലഭിക്കും, ഹയര്‍ സെക്കന്ററി സമയത്ത് 4,000/ രൂപ
പെണ്‍കുട്ടി് 18 വയസ്സ് മുമ്പ് വിവാഹം കഴിച്ചിട്ടില്ലെങ്കില്‍, 21 വയസ്സ് തികയുമ്പോള്‍ അവള്‍ക്ക് ഒരു ലക്ഷം രൂപ ഒറ്റത്തവണയായി ലഭിക്കും.

കുറിപ്പ്: ജീവിച്ചിരിക്കുന്ന രണ്ട് കുട്ടികള്‍ക്ക് ശേഷം ഒരു പെണ്‍കുട്ടിയെ ദത്തെടുത്ത മാതാപിതാക്കള്‍ക്ക് ലാഡ്ലി ലക്ഷ്മി യോജനയുടെ ആനുകൂല്യങ്ങളും ലഭിക്കും. എന്നിരുന്നാലും, അവര്‍ ഒരു അംഗന്‍വാടിയില്‍ രജിസ്റ്റര്‍ ചെയ്യേണ്ടതുണ്ട്, കൂടാതെ ആദായനികുതി അടയ്ക്കാന്‍ പാടില്ല.

ലാഡ്ലി ലക്ഷ്മി സ്‌കീമിനുള്ള യോഗ്യത

ലാഡ്ലി ലക്ഷ്മി യോജനയുടെ ആനുകൂല്യങ്ങള്‍ ലഭിക്കാന്‍ ആര്‍ക്കൊക്കെ യോഗ്യരാണെന്ന് അറിയാനുള്ള ഒരു ലിസ്റ്റ് ഇതാ:

മധ്യപ്രദേശ് സ്വദേശികളാരിക്കണം പെണ്‍കുട്ടിയുടെ മാതാപിതാക്കൾ. പെണ്‍കുട്ടികളുടെ രക്ഷിതാക്കള്‍ സര്‍ക്കാരിന് ഒരുതരത്തിലുള്ള നികുതിയും അടയ്ക്കേണ്ടതില്ല
രണ്ടാമത്തെ പെണ്‍കുട്ടിയാണെങ്കില്‍, കുടുംബാസൂത്രണം സ്വീകരിച്ച രക്ഷിതാക്കള്‍ക്ക് പദ്ധതിയുടെ ആനുകൂല്യം ലഭിക്കും
രജിസ്റ്റര്‍ ചെയ്ത പെണ്‍കുട്ടി 18 വയസ്സിന് മുമ്പ് വിവാഹം കഴിച്ചിട്ടില്ലെങ്കില്‍ മാത്രമേ ഒരു ലക്ഷം രൂപ ഒറ്റത്തവണയായി അനുവദിക്കൂ.
പെണ്‍കുട്ടി ഇടയ്ക്ക് വിദ്യാഭ്യാസം ഉപേക്ഷിച്ചാല്‍, പദ്ധതിയുടെ ആനുകൂല്യങ്ങള്‍ ലഭിക്കാന്‍ അവള്‍ക്ക് അര്‍ഹതയില്ല
ഒരു കുടുംബത്തിലെ രണ്ട് പെണ്‍കുട്ടികള്‍ക്ക് ലാഡ്ലി ലക്ഷ്മി യോജനയുടെ ആനുകൂല്യം ലഭിക്കും. എന്നിരുന്നാലും, പെണ്‍കുട്ടികള്‍ ഇരട്ടകളാണെങ്കില്‍ മൂന്നാമത്തെ പെണ്‍കുഞ്ഞിനും ആനുകൂല്യം ലഭിക്കും
ദാരിദ്ര്യരേഖയ്ക്ക് താഴെയുള്ള ആളുകള്‍ക്ക് മാത്രമേ പദ്ധതി സാധ്യതയുള്ളൂ
അനാഥയായ പെണ്‍കുഞ്ഞിനെ ദത്തെടുക്കുകയും കുടുംബം ദത്തെടുത്തതിന്റെ സര്‍ട്ടിഫിക്കറ്റ് കൃത്യമായി സമര്‍പ്പിക്കുകയും ചെയ്യുമ്പോള്‍ മാത്രമേ ഈ പദ്ധതിയുടെ ആനുകൂല്യങ്ങള്‍ ലഭിക്കൂ.

ആവശ്യമുള്ള രേഖകള്‍

അപേക്ഷാ ഫോറം ladlilaxmi.mp.gov.in ല്‍ ലഭ്യമാണ്
പെണ്‍കുട്ടിയുടെ ജനന സര്‍ട്ടിഫിക്കറ്റ്
താമസ രേഖ
ബാങ്ക് പേര്, ശാഖയുടെ പേര്, അക്കൗണ്ട് നമ്പര്‍ എന്നിവയോടൊപ്പം അപേക്ഷകന്റെ പാസ്ബുക്കിന്റെ ഫോട്ടോകോപ്പി. തുടങ്ങിയവ.
തിരിച്ചറിയല്‍ രേഖ- ആധാര്‍ കാര്‍ഡ്, റേഷന്‍ കാര്‍ഡ്
ഗുണഭോക്താവിന്റെ ഫോട്ടോ എന്നിവ