ഈ കമ്പനികൾ സ്ഥിരമായ വർക്ക് ഫ്രം ഹോമിലേക്ക് മാറുകയും ഇപ്പോൾ ജോലിക്ക് ആളെ എടുക്കുകയും ചെയ്യുന്നു

പല കമ്പനികൾ വർക്ക് ഫ്രം ഹോം അവസാനിപ്പിച്ചെങ്കിലും  ചില കമ്പനികൾ ഒന്നിലേറെ വർഷമായി ജീവനക്കാർക്ക് വീട്ടിലിരുന്നും മറ്റ് സ്ഥലങ്ങളിൽ ഇരുന്നും ജോലി ചെയ്യാനുള്ള അവസരമൊരുക്കുന്നുണ്ട്.

ഈ കമ്പനികൾ സ്ഥിരമായ വർക്ക് ഫ്രം ഹോം മോഡലിലേക്ക് മാറുകയും ഇപ്പോൾ ജോലിക്ക് ആളെ എടുക്കുകയും ചെയ്യുന്നു.

റെഡ്ഡിറ്റ് (സോഷ്യൽ മീഡിയ)

ജീവനക്കാർക്ക് അവർക്ക് ആവശ്യമുള്ളിടത്തിരുന്ന് ജോലി ചെയ്യാനുള്ള സൗകര്യമുണ്ട്. കൂടാതെ ഓഫീസിലിരുന്ന് ജോലി ചെയ്യാനും അവസരമുണ്ട്.

ബന്ധപ്പെട്ട വാർത്തകൾ: ഇന്നത്തെ ജോലി ഒഴിവുകൾ (24/04/2023)

തൊഴിൽ അവസരങ്ങൾ: സീനിയർ കൊമേഴ്‌സ് ആൻഡ് മെഷർമെന്റ് പാർട്ണർഷിപ്പ് മാനേജർ, ഡിസൈൻ മാനേജർ

ഹബ്സ്പോട്ട് (സാങ്കേതികവിദ്യ)

ഹബ്‌സ്‌പോട്ട് ജീവനക്കാർക്ക് മൂന്ന് ഫ്ലെക്സിബിൾ വർക്ക് ഓപ്‌ഷനുകൾ ഉണ്ട്: @office, അതായത് ആഴ്ചയിൽ 3 ദിവസമോ അതിൽ കൂടുതൽ ദിവസങ്ങളിലോ ഓഫീസിൽ വരണം. @flex അതായത് ഓരോ ആഴ്‌ചയും 2 ദിവസമോ അതിൽ കുറവോ ദിവസം ഓഫീസിൽ വരണം. @home അതായത് വീട്ടിലിരുന്ന് ജോലി ചെയ്യുക. 2021-ൽ ആരംഭിച്ച ഈ പ്രോഗ്രാം വർഷത്തിലൊരിക്കൽ ജീവനക്കാർക്ക് അവരുടെ ജോലിയുടെ ഓപ്‌ഷൻ മാറ്റാൻ അവസരമൊരുക്കുന്നുണ്ട്.

തൊഴിൽ അവസരങ്ങൾ: കോർപ്പറേറ്റ് അക്കൗണ്ട് എക്സിക്യൂട്ടീവ്, പ്രൊഡക്റ്റ് ഡിസൈനർ

സ്പോട്ടിഫൈ (സംഗീതം, സ്ട്രീമിംഗ്)

Spotify-യുടെ “Work From Anywhere” എന്ന പരിപാടി ജീവനക്കാർക്ക് വിദൂരവും വ്യക്തിപരവുമായ ഹൈബ്രിഡ് ഓപ്ഷനുകളും കൂടാതെ ഒരു ജീവനക്കാരന് മാറാൻ താൽപ്പര്യമുണ്ടെങ്കിൽ കൂടുതൽ സൗകര്യമുള്ള സമയം തിരഞ്ഞെടുക്കാനുള്ള അവസരവും വാഗ്ദാനം ചെയ്യുന്നു. ഉദാഹരണത്തിന്: Spotify ഓഫീസിന് സമീപത്ത് അല്ലാത്ത ഒരിടത്തേക്ക് ഒരു ജീവനക്കാരന് മാറി താമസിക്കേണ്ടി വന്നാൽ അയാൾക്ക് കമ്പനിയിൽ ജോലി തുടരാനുള്ള അവസരമുണ്ട്.

തൊഴിൽ അവസരങ്ങൾ: ഗ്ലോബൽ കാറ്റഗറി ഡെവലപ്‌മെന്റ് ഓഫീസർ, പാർട്ണർഷിപ്പ് ലീഡ്

ബന്ധപ്പെട്ട വാർത്തകൾ: ഐആർഡിഎഐയിലെ അസിസ്റ്റന്റ് മാനേജർ ഒഴിവുകളിലേക്ക് ഇപ്പോൾ അപേക്ഷിക്കാം

എയർബിഎൻബി (യാത്ര)

ജീവനക്കാർക്ക് വിദൂരമായോ Airbnbയുടെ വിവിധ ഓഫീസുകളിലൊന്നിൽ നിന്നോ ജോലി ചെയ്യാവുന്നതാണ്. 170-ലധികം രാജ്യങ്ങളിൽ എവിടെ നിന്നും ഒരു വർഷത്തിൽ മൂന്ന് മാസം വരെ ജോലി ചെയ്യാനുള്ള അവസരവും ജീവനക്കാർക്ക് ഉണ്ട്.

തൊഴിൽ അവസരങ്ങൾ: സീനിയർ സ്റ്റാഫ് ഹൗസിംഗ് ഇക്കണോമിസ്റ്റ്, ലീഗൽ കൗൺസൽ

ഡ്രോപ്പ്ബോക്സ് (സാങ്കേതികവിദ്യ)

ജീവനക്കാരുടെ ആകെ തൊഴിൽ സമയത്തിന്റെ 90% വിദൂരത്തിരുന്ന് ജോലി ചെയ്യാൻ അനുവദിക്കുന്ന പദ്ധതിയാണിത്. പ്രത്യേക പരിശീലന സെഷനുകൾക്കായും വല്ലപ്പോഴുമുള്ള ഗ്രൂപ്പ് ഒത്തുചേരലുകൾക്കായും മാത്രമേ ഓഫീസിൽ വരാൻ ആവശ്യപ്പെടാറുള്ളൂ.

തൊഴിൽ അവസരങ്ങൾ: സീനിയർ മൊബൈൽ സോഫ്റ്റ്‌വെയർ എഞ്ചിനീയർ, സ്ട്രാറ്റജിക് സോഴ്‌സിംഗ് അസോസിയേറ്റ്