ഓയിൽ ഇന്ത്യ ലിമിറ്റഡിൽ120 ജൂനിയർ അസിസ്റ്റന്റുകളുടെ ഒഴിവ്; ഓൺലൈനായി അപേക്ഷിക്കാം

പൊതുമേഖലാ സ്ഥാപനമായ ഓയിൽ ഇന്ത്യ ലിമിറ്റഡിലെ ഒഴിവുള്ള തസ്തികകളിലേക്ക് അപേക്ഷ ക്ഷണിച്ചു. 120 ജൂനിയർ അസിസ്റ്റന്റുകളുടെ ഒഴിവുകളാണുള്ളത്.

വിദ്യാഭ്യാസ യോഗ്യത (Eligibility)

പന്ത്രണ്ടാം ക്ലാസ് പരീക്ഷ കുറഞ്ഞത് 40 ശതമാനം മാർക്കോടെ പാസായിട്ടുള്ളവർക്ക് അപേക്ഷിക്കാൻ യോഗ്യതയുണ്ട്. കംപ്യൂട്ടർ ആപ്ലിക്കേഷനിലുള്ള ഡിപ്ലോമ അല്ലെങ്കിൽ സർട്ടിഫിക്കറ്റുമുണ്ടായിരിക്കണം. MS Word, MS Excel, MS Powerpoint എന്നിവ അറിഞ്ഞിരിക്കണം.

അപേക്ഷകളയക്കേണ്ട വിധം (How to apply)

വെബ്സൈറ്റ് തുറക്കുമ്പോൾ ഹോംപേജിൽ കാണുന്ന Recruitment for the post of Junior assistant എന്ന ലിങ്ക് കാണാം. അതിൽ ക്ലിക്ക് ചെയ്യുന്നതോടെ പുതിയ ഒരു വിൻഡോ തുറക്കപ്പെടും. പുതുതായി രജിസ്റ്റർ ചെയ്യുക. ഇമെയിലിൽ ഒ.ടി.പിയും പാസ്വേർഡും ലഭിക്കും. അപേക്ഷാ ഫോം പൂരിപ്പിച്ചതിന് ശേഷം സർട്ടിഫിക്കറ്റുകൾ അടക്കമുള്ളവ അപ്ലോഡ് ചെയ്യുക. തുടർന്ന ഓൺലൈനായി അപേക്ഷാ ഫീസ് അടയ്ക്കാം. ഇത് ഡൗൺലോഡ് ചെയ്ത് പ്രിന്റെടുത്ത് സൂക്ഷിക്കുക.

അവസാന തിയതി (Last date to apply)

ജൂലൈ 1ന് ആപേക്ഷ സ്വീകരിച്ചു തുടങ്ങിയിട്ടുണ്ട്. ഓഗസ്റ്റ് 15 ആണ് അപേക്ഷിക്കാനുള്ള അവസാന തീയതി. താൽപ്പര്യമുള്ള ഉദ്യോഗാർത്ഥികൾക്ക് ഓയിൽ ഇന്ത്യയുടെ ഔദ്യോഗിക വെബ്സൈറ്റായ oilindia.com സന്ദർശിച്ച് ഓൺലൈനായി അപേക്ഷ സമർപ്പിക്കാം.

ജനറൽ, ഒ.ബി.സി വിഭാഗക്കാർക്ക് 200 രൂപയാണ് അപേക്ഷാ ഫീസ്. എസ്.സി, എസ്.ടി, ഇ.ഡബ്ള്യൂ.എസ്, ഭിന്നശേഷിക്കാർ, വിമുക്ത ഭടൻമാർ എന്നിവർക്ക് ഫീസില്ല.