കൃഷി പ്രചരിപ്പിക്കാൻ രാഷ്ട്രീയപ്പാർട്ടികളും.

കൃഷിയുടെ തനത് സംസ്കാരം തിരിച്ച് പിടിക്കാൻ സി.പി.ഐ സംസ്ഥാന വ്യാപകമായി പച്ചക്കറി കൃഷി ചെയ്യുന്നതിന് പാർട്ടി തീരുമാനം. ആയിരക്കണക്കായ സഖാക്കളാണ് ഇന്ന് ഈ ഉദ്യമത്തിന്റെ ഭാഗമാകുന്നത് 'നമ്മുടെ നാടിന്റെ നിലനില്പിന് കാർഷിക മേഖല സുപ്രധാനമാണ്.ഇന്ത്യയിലെ ജനസംഖ്യയുടെ 78% കാർഷിക വൃത്തിയിൽ ഏർപ്പെടുന്നവരാണ്. കേരളത്തിന്റെ മൂന്നോട്ടുള്ള പ്രയാണത്തിന് അടിസ്ഥാനം കാർഷികരംഗം തന്നെയാണ്.വികസനത്തിന്റെ പുതിയ വഴിയെ നാം സഞ്ചരിച്ചത് കൊണ്ടാകാം നാം കൃഷിയെ വേണ്ടത്ര ശ്രദ്ധിക്കാറില്ല. റബ്ബർ കൃഷി മധ്യകേരളത്തിൽ കൂടിയത് ഭക്ഷ്യോല്പാദനത്തിൽ നാം പിന്നിലേക്ക് പോകാൻ ഇടയാക്കി."കേരം തിങ്ങും കേരള നാട് " എന്ന് നാം അഭിമാനത്തോടെ പറയാറുണ്ട് പക്ഷെ മാരകമായ രോഗങ്ങൾ വന്ന് തെങ്ങ് ഭൂരിഭാഗവും നമുക്ക് നഷ്ടമായി.വികസനത്തിന്റെ പേരിലും കൃഷി സാമ്പത്തിക നഷ്ടമാണ് എന്നതിനാലും ഭൂമി തരം മാറ്റിയത് നമുക്ക് വിനയായി.കാലം മാറുകയാണ്.കൊറോണ കാലം നമുക്ക് പുതിയ പാഠങ്ങൾ നൽകുന്നു