ഓൺലൈെൻ മരുന്നു വിൽപ്പന രംഗത്തേക്ക് ടാറ്റയും

ഡിജിറ്റൽ ഹെൽത്ത് സ്റ്റാർട്ടപ്പായ 1 എം‌ജിയെ ഏറ്റെടുക്കുമെന്ന് ടാറ്റ് വ്യക്തമാക്കിക്കഴിഞ്ഞു. കമ്പനിയുടെ ഭൂരിഭാഗം ഓഹരികളും സ്വന്തമാക്കും. ടാറ്റ ഡിജിറ്റൽ വിഭാഗമാണ് ഇക്കാര്യം വ്യക്തമാക്കിയത്.

ഒരു സൂപ്പർ ആപ്ലിക്കേഷൻ നിർമ്മിക്കാനുള്ള തന്ത്രങ്ങളുമായി ടാറ്റ മുന്നോട്ടു പോകുന്നതിനിടയിലാണ് നിര്‍ണായകമായ ഈ നിക്ഷേപം. ഇന്ത്യൻ ഇ-ഗ്രോസറി കമ്പനിയായ ബിഗ് ബാസ്‌ക്കറ്റ് ഫിറ്റ്നസ് സ്റ്റാര്‍ട്ടപ്പായ ക്യുര്‍ഫിറ്റിൽ നിക്ഷേപം നടത്തി ഏതാനും ആഴ്ചകൾക്കുള്ളിലാണ് ടാറ്റയുടെ പുതിയ നിക്ഷേപം.

2015 ൽ ആണ് 1 എം‌ജി ആപ്പ് പ്രവര്‍ത്തനം ആരംഭിക്കുന്നത് ആരോഗ്യ മേഖലയിലെ ഉൽപ്പന്നങ്ങൾ, മരുന്നുകൾ, കൺസൾട്ടിങ് സേവനങ്ങൾ എന്നിവ ഓൺലൈനായി നൽകുന്ന സംരംഭമാണിത് ഉപയോക്താക്കൾക്ക് ടെലികോൺസൾട്ടേഷൻ സേവനങ്ങളും കമ്പനി നൽകുന്നുണ്ട്

അതിവേഗത്തിൽ വളരുന്ന ഇ-ഡയഗ്നോസ്റ്റിക്സ്, ഇ-ഫാർമസി, ടെലികൺസൾട്ടേഷൻ രംഗത്ത് ബിസിനസ് വിപുലീകരിക്കുകയാണ് ടാറ്റയുടെ ലക്ഷ്യം.

കമ്പനി ഏറ്റെടുക്കുന്നതിലൂടെ ഇ-ഫാർമസി, ഇ-ഡയഗ്നോസ്റ്റിക്സ് രംഗത്ത് മികച്ച ഉപഭോക്തൃ സേവനം കാഴ്ച വയ്ക്കാൻ കഴിയുമെന്നും ഈ രംഗത്ത് മുന്നേറാനാകുമെന്നും പ്രതീക്ഷിക്കുന്നതായി ടാറ്റ ഡിജിറ്റൽ വിഭാഗം ചീഫ് എക്സിക്യൂട്ടീവ് ഓഫീസർ പ്രതിക് പാൽ പറഞ്ഞു. 

അതേസമയം എത്രകോടി രൂപയ്ക്കാണ് ഏറ്റെടുക്കൽ എന്നതു സംബന്ധിച്ച വിവരങ്ങൾ പുറത്ത് വന്നിട്ടില്ല