ആയുഷ്മാൻ ഭാരത് മുഖേനെ കോടിക്കണക്കിന് ആളുകൾക്ക് ആരോഗ്യ പരിരക്ഷ നൽകി: രാഷ്ട്രപതി

ആയുഷ്മാൻ ഭാരത് യോജന മുഖേനെ രാജ്യത്തെ കോടിക്കണക്കിന് ജനങ്ങൾക്ക് പരിരക്ഷ നൽകുകയും, 80,000 കോടി രൂപ ലാഭിക്കുകയും ചെയ്തുവെന്ന് ബജറ്റ് സമ്മേളനത്തിന്റെ ആദ്യ ദിവസം പാർലമെന്റിന്റെ സംയുക്ത സമ്മേളനത്തെ അഭിസംബോധന ചെയ്യവെ രാഷ്ട്രപതി ദ്രൗപതി മുർമു പറഞ്ഞു. ആയുഷ്മാൻ ഭാരത് യോജനയ്ക്ക് കീഴിൽ 50 കോടിയിലധികം ആളുകൾക്ക് സൗജന്യ മെഡിക്കൽ ആനുകൂല്യം ലഭിക്കുമെന്ന് പ്രസിഡന്റ് മുർമു പറഞ്ഞു.  80 കോടി ജനങ്ങൾക്ക് 5 ലക്ഷം രൂപയുടെ പരിരക്ഷ നൽകുന്ന ലോകത്തിലെ ആദ്യത്തെ, സമ്പൂർണ ആരോഗ്യ സംവിധാനമാണ് കേന്ദ്രത്തിന്റെ ഈ പദ്ധതിയെന്ന് കേന്ദ്ര ആഭ്യന്തര മന്ത്രി അമിത് ഷാ പറഞ്ഞു. 

2011ലെ സാമൂഹിക-സാമ്പത്തിക ജാതി സെൻസസിൽ നിന്ന് കണ്ടെത്തിയ വിവരങ്ങളിൽ ഏകദേശം 10.74 കോടി ആളുകളിൽ ദരിദ്രരും ദുർബലരുമായ കുടുംബങ്ങളാണ്, ഇവർക്ക് സൗജന്യവും താങ്ങാനാവുന്നതും ആക്സസ് ചെയ്യാവുന്നതുമായ ആരോഗ്യ സേവനങ്ങൾ ലഭ്യമാക്കുക എന്ന ലക്ഷ്യത്തോടെയാണ് 2018 സെപ്തംബറിൽ ആയുഷ്മാൻ ഭാരത് പ്രധാൻ മന്ത്രി-ജൻ ആരോഗ്യ യോജന (AM PM-JAY) ആരംഭിച്ചത്. ചില ഇല്ലായ്മകളുടെയും തൊഴിൽ അടിസ്ഥാനമാക്കിയുള്ള മാനദണ്ഡങ്ങളുടെയും അടിസ്ഥാനത്തിലാണ് ഈ പദ്ധതി ആരംഭിച്ചത്.

സംസ്ഥാന-നിർദ്ദിഷ്‌ട ആരോഗ്യ സംരക്ഷണ പദ്ധതികളുമായി സഹകരിച്ചാണ് AB PM-JAY നടപ്പിലാക്കുന്നത്. അതനുസരിച്ച്, പല സംസ്ഥാനങ്ങളും കേന്ദ്ര ഭരണ പ്രദേശങ്ങളും 14 കോടിയിലധികം കുടുംബങ്ങളിലേക്ക് ഇതിന്റെ ഗുണഭോക്തൃ അടിത്തറ വിപുലീകരിച്ചു. രാഷ്ട്രപതിയുടെ പ്രസംഗത്തിന് ശേഷം സാമ്പത്തിക സർവേ അവതരിപ്പിച്ചു. ഫെബ്രുവരി ഒന്നിന് ധനമന്ത്രി നിർമല സീതാരാമൻ 2023 ലെ കേന്ദ്ര ബജറ്റ് അവതരിപ്പിക്കും.

ബന്ധപ്പെട്ട വാർത്തകൾ: പ്രമേഹത്തിനും, പൊണ്ണത്തടിക്കും പരമ്പരാഗത മില്ലറ്റ് ഭക്ഷണങ്ങൾ ഗുണം ചെയ്യും: കേന്ദ്രമന്ത്രി ജിതേന്ദ്ര സിംഗ്