ഇണചേരാതെ മുട്ടയിട്ട് മുതല; 'വെർജിൻ ബെർത്തി'ൽ അമ്പരന്ന് ശാസ്ത്രലോകം

ശാസ്ത്രലോകത്തെ അമ്പരപ്പിച്ചുകൊണ്ട് ഇണചേരാതെ മുതല സ്വയം മുട്ടയിട്ടു. കോസ്റ്ററിക്കയിലെ മൃഗശാലയിലാണ് 18 വയസുള്ള മുതല മുട്ടയിട്ടത്. 14 മുട്ടകളിൽ ഒരെണ്ണം പൂർണ വളർച്ച എത്തിയെങ്കിലും കുഞ്ഞുണ്ടായില്ല. മൂന്ന് മാസം കഴിഞ്ഞാണ് മൃഗശാല അധികൃതർ മുതല മുട്ടയിട്ട കാര്യം മനസിലാക്കുന്നത്.

കൂടുതൽ വാർത്തകൾ: കോഴിയിറച്ചിയ്ക്ക് പൊള്ളും വില; അടിതെറ്റി കേരള ചിക്കൻ പദ്ധതി

മുട്ടയിലെ ഭ്രൂണത്തിന് പെൺ മുതലയുമായി 99.9 ശതമാനം ജനിതക സാമ്യം ഉള്ളതായി ഡിഎൻഎ പരിശോധനയിൽ തിരിച്ചറിഞ്ഞു. 2 വയസ് പ്രായമുള്ളപ്പോഴാണ് മുതലയെ വടക്കൻ അമേരിക്കൻ രാജ്യമായ കോസ്റ്ററിക്കയിലെ മൃഗശാലയിൽ കൊണ്ടുവരുന്നത്. എന്നാൽ മറ്റ് മുതലകളുമായി കൂടാതെ ഒറ്റയ്ക്കാണ് ഈ മുതല വളർന്നത്.

പല്ലികൾ, പക്ഷികൾ, പാമ്പുകൾ, ചിലയിനം മത്സ്യങ്ങൾ തുടങ്ങിയവ ഇത്തരത്തിൽ പ്രത്യുൽപാദനം നടത്താറുണ്ട്. ഇതിനെ 'പാർത്തനോജെനസിസ്' എന്നാണ് പറയുന്നത്. എന്നാൽ മുതലകളിൽ ആദ്യമായാണ് ഈ സംഭവം കണ്ടെത്തുന്നത്. ബയോളജി ലെറ്റേഴ്സ് ജേർണലിൽ ഇതിനെക്കുറിച്ചുള്ള പഠനം റിപ്പോർട്ട് ചെയ്തിട്ടുണ്ട്.