നിങ്ങളുടെ ജനനത്തീയതി ഒന്നോ രണ്ടോ ആണോ? നിങ്ങളുടെ പ്രത്യേകത അറിയൂ

ഒന്ന് ഡേറ്റ് ഓഫ് ബർത്ത് ആയവർക്ക്

സൂര്യ ഭഗവാനുമായി ഏറ്റവും അടുത്തു നിൽക്കുന്ന സംഖ്യയായതുകൊണ്ട് ഈ സംഖ്യയില്‍ ജനിച്ചവര്‍ വളരെ കരുത്തുള്ളവരും സൂര്യനെപ്പോലെ ജ്വലിക്കുന്നവരുമായിരിക്കും. നല്ല വ്യക്തിപ്രഭാവമുള്ള ആളുകളായതിനാല്‍ കരിയറില്‍ മികച്ച നേട്ടമായിരിക്കും ഇവരെ കാത്തിരിക്കുക. എന്നാല്‍ വളരെ നേരത്തെ തന്നെ കരിയറില്‍ നേട്ടമുണ്ടായേക്കില്ല. 28, 30, 32, 35, 40 എന്നീ പ്രായങ്ങളില്‍ എത്തുമ്പോഴായിരിക്കും കരിയറില്‍ കുതിച്ചുചാട്ടമുണ്ടാവുക.

അപ്രതീക്ഷിതമായി പലപ്പോഴും പണം ഇവരെ തേടിയെത്താനുള്ള സാധ്യതയുണ്ട്. ചെറിയ വരുമാനവും മറ്റുമായി ഇടത്തരം ജീവിതം നയിക്കുന്നതിന് പകരം ഇത്തരക്കാര്‍ മികച്ച സൗകര്യങ്ങളോടെ പെട്ടെന്ന് ജീവിതം കെട്ടിപ്പടുക്കുന്നതാണ് നല്ലത്. ഇക്കൂട്ടരുടെ പ്രണയബന്ധം ഏറെക്കാലം നീണ്ടു നില്‍ക്കാനാണ് സാധ്യത. അതിനാല്‍ വിട്ടുവീഴ്ചകള്‍ക്ക് തയ്യാറാവുക. ഇവരെ ആശ്രയിച്ച് കൊണ്ടായിരിക്കും പങ്കാളിയുടെ ജീവിതവും മുന്നോട്ട് പോവുക.

ബന്ധപ്പെട്ട വാർത്തകൾ: കർഷകരുടെ വരുമാനവും കാർഷികോത്പാദന ക്ഷമതയും ഉറപ്പാക്കും; പി പ്രസാദ്

ഭാഗ്യവും അത് പോലെ തന്നെ കരുത്തുമുള്ളവരായിരിക്കും ഒന്ന് ജന്മസംഖ്യ ആയിട്ടുള്ളവര്‍. ഇത്തരക്കാര്‍ നിര്‍ഭയരായിരിക്കും. സ്വതന്ത്രമായി മുന്നോട്ട് പോകാന്‍ ആഗ്രഹിക്കുന്ന ആളുകളാണെന്നത് പോലെ ബഹുമുഖ പ്രതിഭകളുമായിരിക്കും. സമൂഹത്തില്‍ ഉയര്‍ന്ന സ്ഥാനമാനങ്ങള്‍ വഹിക്കാന്‍ ഇവർക്ക് സാധിക്കും. നല്ല ആത്മവിശ്വാസമുള്ള വ്യക്തികളായിരിക്കും. അത് പോലെത്തന്നെ യുക്തിപരമായി കാര്യങ്ങളെ അപഗ്രഥനം ചെയ്യുന്നവരുമായിരിക്കും.

രണ്ട് ഡേറ്റ് ഓഫ് ബർത്ത് ആയവർക്ക്

ചന്ദ്രന്റെ സ്വഭാവസവിശേഷതകളായ ആകര്‍ഷണീയത, നിഷ്‌കളങ്കത, വികാരങ്ങള്‍, പ്രതിബദ്ധത, സൗമ്യത, പരിശുദ്ധി എന്നിവയെ പ്രതിഫലിപ്പിക്കുന്ന സംഖ്യയാണ് രണ്ട്. സാഹചര്യങ്ങള്‍ക്കും വെല്ലുവിളികള്‍ക്കും അനുസൃതമായി പെരുമാറാനും ഏത് സാഹചര്യങ്ങളോടും പൊരുത്തപ്പെട്ട് പോകാനും ഈ സംഖ്യയില്‍ ജനിച്ചവര്‍ക്ക് കഴിയും. എപ്പോഴും ശാശ്വതമായ ബന്ധങ്ങള്‍ നിലനിർത്താൻ ആഗ്രഹിക്കുന്നവരാണ് ഇവർ.

2 ജന്മസംഖ്യയായുള്ളവർ വിശ്വസ്തരും, ശുദ്ധ ഹൃദയരും, ഒരൊറ്റ ലക്ഷ്യം മാത്രം മുന്നിൽ കണ്ട് പോകുന്നവരും ആയിരിക്കും. പ്രത്യേക വ്യക്തിത്വമുള്ള ഇക്കൂട്ടർ നല്ല ബുദ്ധിയുള്ളവരും ആയിരിക്കും. രണ്ട് ജന്മസംഖ്യയായുള്ളവരെ നിയന്ത്രിക്കുന്നത് ചന്ദ്രന്‍ ആയിരിക്കും.

പരിസ്ഥിതിയും ജീവിതശൈലിയും എന്ന വിഭാഗത്തിൽ കൂടുതൽ വായിക്കാൻ, malayalam.krishijagran.com എന്ന വെബ്‌സൈറ്റിൽ ലോഗിൻ ചെയ്‌ത് 'Environment & Lifestyle'ൽ ക്ലിക്ക് ചെയ്യുക. ഞങ്ങളുടെ വായനക്കാരുമായി പങ്കിടാൻ ആഗ്രഹിക്കുന്ന ഇത്തരത്തിലുള്ള വിവരങ്ങൾ അറിയാമെങ്കിൽ, അത് malayalam@krishijagran.com എന്ന വിലാസത്തിൽ ഇമെയിൽ ചെയ്യുക.