വിണ്ട് കീറുന്ന പാദങ്ങളോ! ഇനി ചിന്ത വേണ്ട, പ്രതിവിധികളിതാ...

നിർജ്ജലീകരണം, തെറ്റായ തരത്തിലുള്ള പാദരക്ഷകൾ എന്നിവയുടെ ഫലമായി കാലിൽ വിള്ളലുകൾ ഉണ്ടാകാം. നിങ്ങളുടെ കുതികാൽ, അഥവാ ഉപ്പൂറ്റി പൊട്ടാൻ തുടങ്ങുന്നതിനുമുമ്പ് മുൻകരുതലുകൾ എടുക്കുന്നത് നല്ലതാണ്, കാരണം ഇത് വേദനയ്ക്കും രക്തസ്രാവത്തിനും ഇടയാക്കും. ശരീരത്തിലെ ജലാംശം നിലനിർത്താനും ചർമ്മത്തിലെ വരൾച്ച ഒഴിവാക്കാനും ധാരാളം വെള്ളം കുടിക്കുക എന്നതാണ് ഏറ്റവും പ്രധാനപ്പെട്ട കാര്യം.
വിണ്ടുകീറിയ പാദങ്ങൾ ഭേദമാക്കാനും മിനുസമാർന്നതും സുന്ദരവുമായ പാദങ്ങൾ ലഭിക്കാനും നിങ്ങൾക്ക് പിന്തുടരാവുന്ന ചില ടിപ്പുകളാണ് ഇവിടെ പറയുന്നത്.

നിങ്ങളുടെ പാദങ്ങൾ മൃദുവാക്കാൻ ബേക്കിംഗ് സോഡ

ചെറുചൂടുള്ള വെള്ളത്തിൽ രണ്ട് ടേബിൾസ്പൂൺ ബേക്കിംഗ് സോഡ ചേർത്ത് നിങ്ങളുടെ പാദങ്ങൾ അരമണിക്കൂറോളം വെള്ളത്തിൽ മുക്കിവയ്ക്കുക. മികച്ച ഫലത്തിനായി ദിവസവും ഒന്നോ രണ്ടോ തവണ ഇത് ആവർത്തിക്കുക.

പാദങ്ങൾ മൃദുവാക്കാൻ വാഴപ്പഴം

നിരവധി ആരോഗ്യ ഗുണങ്ങൾക്കൊപ്പം, പാദങ്ങളിലെ വിള്ളലുകൾ ഭേദമാക്കാനും വാഴപ്പഴം ഉപയോഗിക്കാവുന്നതാണ്. പഴുത്ത ഏത്തപ്പഴം മിക്സിയിൽ അടിച്ച് പേസ്റ്റ് കാലിൽ പുരട്ടുക. 10 മിനിറ്റ് ഉണങ്ങാൻ അനുവദിക്കുക, എന്നിട്ട് ചെറുചൂടുള്ള വെള്ളത്തിൽ കഴുകുക. വിണ്ടുകീറിയ പാദങ്ങൾ ഭേദമാക്കാൻ ആഴ്ചയിൽ ഒരിക്കൽ ഈ പ്രതിവിധി പരീക്ഷിക്കുക.

നിങ്ങളുടെ പാദങ്ങൾ മൃദുവാക്കാൻ ഒലീവ് ഓയിൽ

ഒലീവ് ഓയിൽ ഒരു മികച്ച മോയ്സ്ചറൈസർ ആയതിനാൽ, ഇത് വരണ്ട ചർമ്മത്തിന് അത്ഭുതമായി പ്രവർത്തിക്കുന്ന ഒന്നാണ്. ഒരു കോട്ടൺ ബോൾ ഒലീവ് ഓയിലിൽ മുക്കി കാലിൽ പുരട്ടുക. വൃത്താകൃതിയിൽ മൃദുവായി മസാജ് ചെയ്യുക, മസാജ് ചെയ്തുകഴിഞ്ഞാൽ, ഒരു ജോടി സോക്സ് ധരിക്കുക, നിങ്ങളുടെ ചർമ്മത്തിലേക്ക് എണ്ണ ആഗിരണം ചെയ്യാൻ അനുവദിക്കുക. ഒരു മണിക്കൂറിന് ശേഷം നിങ്ങളുടെ പാദങ്ങൾ കഴുകുക. പരമാവധി പ്രയോജനത്തിനായി രാത്രി മുഴുവൻ ചർമ്മത്തിൽ എണ്ണ പുരട്ടി പിറ്റേന്ന് രാവിലെ കഴുകിക്കളയുക.

നിങ്ങളുടെ പാദങ്ങൾ മൃദുവാക്കാൻ വിനാഗിരി

ആപ്പിൾ സിഡെർ വിനെഗർ ചൂട് വെള്ളത്തിൽ ചേർക്കുക. നിങ്ങളുടെ ഉപ്പൂറ്റി വരണ്ടതും വിള്ളലുകൾ ഉള്ളതും ആണെങ്കിൽ ഇത് ഉപയോഗിച്ച് ചികിത്സിക്കാം.

നിങ്ങളുടെ പാദങ്ങൾ മൃദുവാക്കാൻ പെപ്പർമിന്റ് ഓയിൽ

എല്ലാ ദിവസവും ഉറങ്ങാൻ പോകുന്നതിനു മുമ്പ് നിങ്ങളുടെ വിണ്ടുകീറിയ പാദങ്ങളിൽ കുറച്ച് പെപ്പർമിന്റ് ഓയിൽ പുരട്ടുക. എണ്ണയിൽ അടങ്ങിയിരിക്കുന്ന ആന്റിസെപ്റ്റിക് ഗുണങ്ങൾ രോഗാണുക്കളെയും ബാക്ടീരിയകളെയും നശിപ്പിക്കുക മാത്രമല്ല, അണുബാധകൾ ഉണ്ടാകുന്നത് തടയുകയും ചെയ്യും.

ഓട്‌സ് നാരങ്ങ നീര് ഉപയോഗിച്ച് സ്‌ക്രബ് ചെയ്യുക

ഓട്‌സ് ചെറുനാരങ്ങാനീരിൽ മിക്‌സ് ചെയ്ത് പേസ്റ്റ് രൂപത്തിലാക്കി ബാധിച്ച ഭാഗത്ത് 30 മിനിറ്റ് നേരം പുരട്ടുക. എന്നിട്ട് തണുത്ത വെള്ളത്തിൽ കഴുകി കളയുക. നാരങ്ങാനീരിനു പകരം ജോജോബ ഓയിൽ അല്ലെങ്കിൽ വാസ്ലിൻ ഉപയോഗിക്കാം.

നിങ്ങളുടെ പാദങ്ങൾ മൃദുവാക്കാൻ തേൻ

ധാരാളം രോഗശാന്തി ഗുണങ്ങളുള്ള തേൻ ചർമ്മത്തിന് ഉത്തമമായ ഉൽപ്പന്നമാണ്. ഒരു ബക്കറ്റ് ചൂടുവെള്ളത്തിൽ ഒരു കപ്പ് അസംസ്‌കൃത തേൻ ചേർത്ത് 10 മുതൽ 15 മിനിറ്റ് വരെ ആ ബക്കറ്റിൽ നിങ്ങളുടെ പാദങ്ങൾ മുക്കിവയ്ക്കുക. നിങ്ങളുടെ പാദങ്ങളുടെ വരൾച്ച കുറയ്ക്കാൻ എല്ലാ ദിവസവും ഇത് ആവർത്തിക്കുക.

ബന്ധപ്പെട്ട വാർത്തകൾ: Mosquito കടിച്ചാലുള്ള ചൊറിച്ചിൽ എങ്ങനെ പ്രതിരോധിക്കാം