കൃഷിയിലെ ചില പൊടിക്കൈകൾ

ഓമനിച്ചു നട്ടു വളർത്തിയ പയറും മത്തനും കുമ്പളവുമൊക്കെ വാടിയും ഇലകൾ പഴുത്തും  കായ്ഫലമില്ലാതെയും ഒക്കെ നിൽക്കുന്നത് കാണുമ്പോൾ നമ്മൾ ഓർക്കാറില്ലേ ഇതിനെന്താണൊരു പ്രതിവിധി എന്ന്. പലപ്പോഴും ഈ ഒരു തോന്നൽ കൃഷി നാളുകളായി ചെയ്യുന്നവർക്ക് ഉണ്ടാവാൻ സാധ്യതയില്ല. അവർക്കൊക്കെ അറിയാം എന്തൊക്കെ പൊടിക്കൈകൾ ആണ് ചെയ്യേണ്ടത് എന്ന്. അത്തരം ചില പൊടിക്കൈകൾ ആണ് ഇവ. 

1 ചീര തുടങ്ങിയ ചെടികൾക്കു  നേർപ്പിച്ച  ഗോമൂത്രം ഒഴിച്ചാൽ  രോഗപ്രതിരോധ ശക്തി കൂടും. അഞ്ചിരട്ടി വെള്ളം ചേർതാണ്  ഈ ആവശ്യത്തിന് ഗോമൂത്രം നേർപ്പിക്കേണ്ടത്.

2  മത്തൻ  നട്ട് വള്ളി വീശുമ്പോൾ  മുട്ട് തോറും പച്ചച്ചാണകം വെച്ചു കൊടുക്കുക. വള്ളി വേഗം വളരും പെൺപൂക്കളിൽ  മിക്കവയും കായ് ആകുകയും ചെയ്യും.

3  പയർ  പൂക്കുന്നതുവരെ വളം കുറച്ചേ നല്കാവു. പൂക്കാൻ  തുടങ്ങുന്നതോടെ വളം കൂടുതലിടാം. ഇങ്ങനെ വളർച്ച  നിയന്ത്രിച്ചാൽ  തണ്ടിന്റെ ബലം കൂടും വിളവും കൂടും.

4  രാസവളം ഇടാതെ കാലിവളം മറ്റ് ജൈവവളങ്ങൾ  ഇവ ഉപയോഗിച്ച് പയർ  വളര്ത്തിയാൽ  ദീര്ഘകാലം വിളവെടുക്കാം.

5 മിച്ചം വരുന്ന തൈരും, തൈരുവെള്ളവും കറിവേപ്പിൽ  ഒഴിച്ചു കൊടുക്കുക. കറിവേപ്പ് തഴച്ച് വളരും.Pour leftover yogurt and curd water into the pan. Curry leaves flourishes and grows.

6  പച്ചക്കറികൾ  അരിഞ്ഞ ശേഷം അല്പ്പം ഉപ്പും കൂടി ചേർത്തു  വെള്ളത്തിൽ  കഴുകിയാൽ  കീട നാശിനികളുടെ വിഷാംശം തീര്ത്തും ഇല്ലാതാകും.When vegetables are chopped, a little salt is washed away with water.Pesticide poisoning will be gone.

7 കായ്ച്ചു തുടങ്ങിയ വെള്ളരി രാവിലേയും വൈകീട്ടും നനയ്ക്കരുത്. വെള്ളരിക്കായിൽ  ജലാംശം കൂടും അങ്ങനെ വന്നാൽ  സൂക്ഷിപ്പ് മേന്മ കുറയും.

 8 അമ്ലത്വം കൂടിയ മണ്ണിൽ  കൃഷി ചെയ്താൽ  മുളകിന് വാട്ടരോഗമുണ്ടാകാൻ  സാധ്യത കൂടുതലുണ്ട് ‘ മഞ്ജരി’ എന്ന ഇനം മുളക് വാട്ടരോഗപ്രതിരോധശേഷി ഉള്ളതാണ്.

  9 നല്ല കൂണിന്റെ തൊലി പ്രയാസം കൂടാതെ ഉരിച്ചെടുക്കാം. വിഷക്കൂണിന്റെ തൊലിയുരിക്കുക അത്ര എളുപ്പമല്ല.

  10 പാവൽ  നടുന്ന കുഴികളിൽ  വേപ്പില കൂടി ഇട്ടുവച്ചിരുന്നാൽ  നിമാ വിരകളുടെ ആക്രമണം തടയാം.

കൂടുതൽ അനുബന്ധ വാർത്തകൾക്ക് :വിത്തുകള്‍ എളുപ്പത്തില്‍ മുളപ്പിക്കാനുള്ള ചില പൊടിക്കൈകള്‍..