മേടക്കപ്പ നടാൻ ഇതാണ് പറ്റിയ സമയം

Thursday, 10 May 2018 01:30 PM By KJ KERALA STAFF
വലിയ അധ്വാനമില്ലാതെ ലാഭം തരുന്ന വിളയാണ് മരച്ചീനി. രണ്ടു സീസണിലെയും മഴ പ്രയോജനപ്പെടുമെന്നതിനാൽ ഏപ്രിൽ, മെയ് മാസത്തിൽ നടുന്ന മേടക്കപ്പയിലാണ് കൂടിയ വിളവ്. മണ്ണിന്റെ തരമനുസരിച്ച് രണ്ടോ മൂന്നോ തവണ നന്നായി പൂട്ടിയോ ഒരടി താഴ്ചയിൽ കിളയ്ക്കുകയോ ചെയ്ത് മണ്ണ് പരുവപ്പെടുത്തി മാത്രമേ കപ്പ നടാവൂ. വരമ്പുകൾ കോരിയോ കൂനകൂട്ടിയോ മണ്ണൊരുക്കണം. കൂനകൾ തമ്മിൽ മൂന്നടി അകലം നൽകാം. വെള്ളായണി ഹ്രസ്വ, ശ്രീജയ ശ്രീസഹ്യ, ശ്രീപ്രകാശ് എന്നിവ അത്യുൽപ്പാദനശേഷിയുള്ള ഇനങ്ങളാണ്.

തണ്ടുകളാണ് മരച്ചീനിയുടെ നടീൽ വസ്തു. വിളവെടുപ്പ് കഴിഞ്ഞശേഷം ആരോഗ്യമുള്ളതും രോഗവിമുക്തവുമായ തണ്ടുകൾ തണലുള്ള സ്ഥലത്ത് കുത്തനെ ചാരിനിർത്തണം. ചുവട്ടിൽനിന്ന് 10 സെന്റീമീറ്ററും തലപ്പുഭാഗത്തെ 30 സെ.മിയും നടാൻ യോഗ്യമല്ല.

tapioca plant

കമ്പുകൾ 20 സെ.മി നീളത്തിൽ മുറിച്ചെടുത്ത് നടാൻ ഉപയോഗിക്കാം. മരച്ചീനിയിൽ ഉൽപ്പാദന വർധനവിൽ കൃത്യമായ പങ്കുവഹിക്കുന്ന മിത്രകുമിളാണ് വാം. കൂനയിൽ ചെറിയ കുഴിയെടുത്ത് അതിൽ വാം ചേർത്തോ അല്ലെങ്കിൽ കമ്പ് വാമിൽ മുക്കിയോ നടുകയാണെങ്കിൽ ഉൽപ്പാദനം 25 ശതമാനം കൂട്ടാമെന്നത് പഠനങ്ങൾ വ്യക്തമാക്കുന്നു. 

മണ്ണിൽനിന്ന് ഫോസ്ഫറസ് ഉൾപ്പെടെയുള്ള മൂലകങ്ങൾ വലിച്ചെടുത്തു കൊടുക്കാൻ വാമിന് പ്രത്യേക കഴിവുണ്ട്. ഒപ്പം വരൾച്ചയെ ചെറുക്കാനും പ്രത്യുപകാരമായി കാർബോഹൈഡ്രേറ്റ് വേരുകളിലേക്ക് മാറ്റുന്നതാണ് വാമിന്റെ രീതി.വാം ചേർത്ത് ഒരുമാസത്തിനുശേഷം രാസവളങ്ങൾ ചേർക്കാം. സെന്റൊന്നിന് രണ്ടു കി.ഗ്രാം മസൂറിഫോസ്, ഒരുകിലോഗ്രാം പൊട്ടാഷുമാണ് നൽകേണ്ടത്. നിലമൊരുക്കുമ്പോഴും നട്ട് രണ്ടാം മാസത്തിലും മൂന്നാം മാസത്തിലും മൂന്ന് തുല്യഗഡുക്കളായി വളം ചേർക്കണം.

cassava stem

സമയാസമയങ്ങളിൽ കള നീക്കംചെയ്യേണ്ടതാണ്. നട്ട് ഒരുമാസം കഴിഞ്ഞ് മേൽവളം ചേർക്കുമ്പോൾ ചുവട്ടിലുള്ള കളകളും മറ്റും പിഴുത് ചുവട്ടിൽ കൂട്ടി മണ്ണിട്ടുമൂടിയാൽ മതി. രണ്ടു മൂന്ന് തവണയെങ്കിലും ഇടയിളക്കാം. ശാഖകൾ രണ്ടെണ്ണം മാത്രം നിർത്തി ശേഷിക്കുന്നവ നീക്കംചെയ്യണം.

90 ദിവസം കഴിഞ്ഞ് ചുവട്ടിൽ മണ്ണ് കൂട്ടിക്കഴിഞ്ഞാൽ ശീമക്കൊന്നയില വെട്ടിയിടാം. കിഴങ്ങ് രൂപപ്പെട്ടുവരുമ്പോൾ എത്തുന്ന എലികളെ തുരത്താനുള്ള എളുപ്പ വിദ്യയാണ് ശീമക്കൊന്ന പ്രയോഗം. വേനൽക്കാലത്ത് നനച്ചാൽ വിളവു കൂടുമെന്നതാണ് മരച്ചീനിയുടെ പ്രത്യേക നയം. 

മരച്ചീനിയുടെ പ്രധാന പ്രശ്നമാണ് മൊസൈക്ക് രോഗം. വൈറസ് രോഗകാരിയായ മൊസൈക്ക് പരത്തുന്നത് വെള്ളീച്ചകളാണ്. സെന്റൊന്നിന് ഒരുകിലോഗ്രാം കുമ്മായം ചേർത്ത് മണ്ണൊരുക്കുന്നതും രോഗവിമുക്ത കമ്പുകൾ നടാൻ ഉപയോഗിക്കേണ്ടതുമാണ് മൊസൈക്കിനുള്ള പരിഹാരം.

Comments



More from Vegetables

മധുരിക്കും കയ്പ്പക്ക

മധുരിക്കും കയ്പ്പക്ക മധുരക്കയ്പ്പക്ക എന്ന പേരിലെ കണ്‍ഫ്യൂഷനെയുള്ളൂ ആള് നമ്മുടെ പാവയ്ക്കതന്നെ

October 01, 2018

കൃഷി ഭൂമിയില്ലങ്കിലും വഴുതന വളര്‍ത്താം

കൃഷി ഭൂമിയില്ലങ്കിലും വഴുതന വളര്‍ത്താം അധികം പരിചരണം ആവശ്യമില്ലാത്ത ഒന്നാണ് വഴുതന കൃഷി. വഴുതനങ്ങ, കത്തിരിക്ക തുടങ്ങിയ പേരുകളില്‍ അറിയപ്പെടുന്ന ഈ പച്ചക്കറി ഒരിക്കല്‍ പിടിച്ചു കിട്ടിയാല്‍ രണ്ടുവര്‍ഷം വരെ വിളവെടുക്കാം. ഒരു പാട് ഇനം വഴുതന ലഭ്യമാണ്. ശ്വേ…

September 21, 2018

വള്ളിപ്പയർ: പാവപ്പെട്ടവന്റെ മാംസം

വള്ളിപ്പയർ: പാവപ്പെട്ടവന്റെ മാംസം പണ്ടു മുതലെ തന്നെ കേരളത്തിലെ എല്ലാ കുടുംബങ്ങളിലും തോരന് പയർ നിർബദ്ധമായിരുന്നു. വിപണിയിൽനിന്ന് പയർ വാങ്ങുന്ന ശീലം മലയാളിയ്ക്ക് ഇല്ലായിരുന്നു.

September 18, 2018


FARM TIPS

മണ്ണെണ്ണ മിശ്രിതം

October 15, 2018

ഈ കീടനാശിനി നിർമ്മിക്കുന്നതിന്‌ അര കിലോ അലക്ക്സോപ്പ് 5 ലിറ്റർ വെള്ളത്തിലിട്ട് തിളപ്പിക്കുക

അഗ്രോക്ലിനിക്

September 28, 2018

1. മണ്ണ് പരിശോധന എവിടെയാണ് നടത്തുക. ഇതിന് ഫീസ് എത്രയാണ്. വിശദാംശങ്ങള്‍ അറിയിക്കുമല്ലോ?

 ചക്കയിടാന്‍ ഒരു സൂത്രം

September 22, 2018

പ്ലാവില്‍ കയറി ചക്കയിടാന്‍ 500 രൂപ കൂലി ചോദിക്കും. ഇതില്‍ ഭേദം പക്ഷികളും അണ്ണാന്മാരും ചക്ക തിന്ന് താഴേക്ക് ഇട്ടു തരുന്ന ചക്കക്കുരു പെറുക്കി വിഭവങ്ങളുണ…






CopyRight - 2018 Krishi Jagran Media Group. All Rights Reserved.