പ്രമേഹം ഇല്ലാത്തവരിൽ പഞ്ചസാരയുടെ അളവ് ഉയരുന്നതിൻറെ കാരണങ്ങളും പരിഹാരങ്ങളും

പ്രമേഹമുള്ളവരിൽ രക്തത്തിലെ പഞ്ചസാരയുടെ അളവിൽ ഏറ്റക്കുറച്ചിലുണ്ടാകുമെന്നതിനെ കുറിച്ച് നമുക്കറിയാം. എന്നാൽ പ്രമേഹ രോഗികൾ അല്ലാത്തവരിലും രക്തത്തിലെ പഞ്ചസാരയുടെ അളവിൽ ഏറ്റക്കുറച്ചിലുകൾ ഉണ്ടാകാറുണ്ട്. രക്തത്തിലെ പഞ്ചസാരയുടെ ഉയർന്ന അളവിനെ ഹൈപ്പർ ഗ്ലൈസീമിയ എന്ന് പറയുന്നു. പ്രമേഹരോഗികളല്ലാത്തവരിൽ, പല കാരണങ്ങളാലും ഗ്ലുക്കോസ് ഉയരാറുണ്ട്.

ബന്ധപ്പെട്ട വാർത്തകൾ: പ്രമേഹമുള്ളവർ അറിഞ്ഞിരിക്കേണ്ട 40 ഉത്തരങ്ങൾ

പ്രമേഹം ഇല്ലെങ്കിൽ പോലും രക്തത്തിലെ പഞ്ചസാരയുടെ അളവ് നിരീക്ഷിക്കേണ്ടതും നിയന്ത്രിക്കേണ്ടതും അത്യന്താപേക്ഷിതമാണ്. തുടർച്ചയായ രക്തത്തിലെ പഞ്ചസാരയുടെ ഉയർന്ന അളവ് ശരീരത്തെ സുഖപ്പെടുത്തുന്നത് പ്രയാസകരമാക്കുകയും അണുബാധയ്ക്കുള്ള സാധ്യത വർദ്ധിപ്പിക്കുകയും കണ്ണുകൾ, വൃക്കകൾ തുടങ്ങിയ മറ്റ് അവയവങ്ങളിൽ ദീർഘകാല സ്വാധീനം ചെലുത്തുകയും ചെയ്യും. കാലക്രമേണ, ഇത് ഹൃദയാഘാതം, പക്ഷാഘാതം അഥവാ സ്ട്രോക്ക് എന്നിവയ്ക്കുള്ള സാധ്യത വർദ്ധിപ്പിക്കും.

ബന്ധപ്പെട്ട വാർത്തകൾ: ഹൃദയാഘാതത്തെ എങ്ങനെ തിരിച്ചറിയാം?

സമ്മർദ്ദം: നിയന്ത്രിക്കാനാകാത്ത സമ്മർദ്ദം കോർട്ടിസോൾ, അഡ്രിനാലിൻ തുടങ്ങിയ ഹോർമോണുകളുടെ അളവ് കുതിച്ചുയരാൻ ഇടയാക്കും. അവ രക്തത്തിലെ പഞ്ചസാരയുടെ അളവ് വർദ്ധിപ്പിക്കുന്നു, ഇത് ഒരു വ്യക്തി അനുഭവിക്കുന്ന വൈകാരിക ക്ലേശത്തോടുള്ള തികച്ചും സ്വാഭാവിക പ്രതികരണമാണ്.

അണുബാധകൾ: ഏത് തരത്തിലുള്ള അണുബാധയും സമ്മർദ്ദ ഹോർമോണായ കോർട്ടിസോളിന്റെ അളവ് വർദ്ധിപ്പിക്കുന്നു. ഈ ഹോർമോൺ ഇൻസുലിൻ രക്തപ്രവാഹത്തിൽ നിന്ന് അധിക ഗ്ലൂക്കോസ് നീക്കം ചെയ്യാനുള്ള കഴിവിനെ തടയുന്നു, അതിന്റെ ഫലമായി രക്തത്തിലെ പഞ്ചസാരയുടെ അളവ് നിരന്തരം ഉയരുന്നു.

ബന്ധപ്പെട്ട വാർത്തകൾ: പ്രമേഹത്തെ തുടർന്നുണ്ടാകുന്ന അണുബാധയും അതിൻറെ നിയന്ത്രണവും

മരുന്നുകൾ: ചില മരുന്നുകളുടെ ഉപയോഗം രക്തത്തിലെ പഞ്ചസാരയുടെ അളവ് ഉയരുന്നതിന് ഇടയാക്കും. അങ്ങിനെ, ഊർജ്ജം ഉത്പാദിപ്പിക്കാൻ ശരീരത്തിന് ബുദ്ധിമുട്ട് അനുഭവപ്പെടുകയും ആ വ്യക്തിക്ക് എല്ലായ്‌പ്പോഴും ക്ഷീണം അനുഭവപ്പെടുകയും ചെയ്യുന്നു.

പോളിസിസ്റ്റിക് ഓവേറിയൻ സിൻഡ്രോം: പ്രത്യുൽപാദന പ്രായത്തിലുള്ള സ്ത്രീകളിൽ ഈ അവസ്ഥ ഹോർമോൺ അസന്തുലിതാവസ്ഥയിലേക്ക് നയിക്കുന്നു. ടെസ്റ്റോസ്റ്റിറോൺ, ഇൻസുലിൻ, സൈറ്റോകൈൻ എന്നിവയുടെ ഉയർന്ന ഉൽപാദനത്തിന് ഇത് കാരണമാകും. അവയ്ക്ക് ഇൻസുലിൻ പ്രതിരോധശേഷിയുണ്ടെങ്കിൽ പോലും രക്തത്തിലെ മുഴുവൻ ഗ്ലൂക്കോസും ഊർജ്ജം ഉൽപ്പാദിപ്പിക്കാൻ ഉപയോഗിക്കാനാവില്ല.

പൊണ്ണത്തടി: കൊഴുപ്പ് കോശങ്ങളുടെ അധികഭാഗം ശരീരത്തെ ഇൻസുലിൻ പ്രതിരോധിപ്പിക്കും. രക്തത്തിൽ നിന്ന് ഗ്ലൂക്കോസ് നീക്കം ചെയ്യുന്നതിനും ഊർജ്ജം ഉൽപ്പാദിപ്പിക്കുന്നതിനും ഇത് ബുദ്ധിമുട്ടാക്കുന്നു.

രക്തത്തിലെ പഞ്ചസാരയുടെ അളവ് ഉയരുന്നതിന്റെ ലക്ഷണങ്ങൾ

നോൺ ഡയബറ്റിക് ഹൈപ്പർ ഗ്ലൈസീമിയയുടെ ലക്ഷണങ്ങൾ ഡയബറ്റിക് ഹൈപ്പർ ഗ്ലൈസീമിയയ്ക്ക് സമാനമാണ്. അവയുടെ ലക്ഷണങ്ങളിൽ ഇവയാണ്:

• അമിതമായ ദാഹം
• ഇടയ്ക്കിടെ മൂത്രമൊഴിക്കുന്നത്
• കാഴ്ച മങ്ങുന്നത്
• ഓക്കാനം, ഛർദ്ദി
• വയറുവേദന
• ക്ഷീണം
• തലവേദന

രക്തത്തിലെ പഞ്ചസാരയുടെ അളവ് നിയന്ത്രിക്കുന്നതെങ്ങനെ?

അനാരോഗ്യകരമായ ജീവിത ശീലങ്ങളാണ് പ്രമേഹരോഗികളല്ലാത്തവരിൽ രക്തത്തിലെ പഞ്ചസാരയുടെ അളവ് ഉയരുന്നതിന്റെ പ്രധാന കാരണം. മോശം ഭക്ഷണക്രമവും ശാരീരിക പ്രവർത്തനങ്ങളുടെ അഭാവവുമാണ് പ്രധാന ഇതിന്റെ സംഭാവനകൾ. ഭക്ഷണം ഒഴിവാക്കുക, പോഷകസമൃദ്ധമായ ഭക്ഷണത്തിന്റെ അഭാവം, ക്രമരഹിതമായ ഭക്ഷണ സമയം, ശാരീരിക പ്രവർത്തനങ്ങളുടെ അഭാവം എന്നിവ പലപ്പോഴും രക്തത്തിലെ പഞ്ചസാരയുടെ അളവ് വർദ്ധിപ്പിക്കുന്നതിന് കാരണമാകുന്നു. കൂടാതെ, സമ്മർദ്ദവും മോശം ഉറക്ക ശീലങ്ങളും അതിൽ ചില പങ്ക് വഹിച്ചേക്കാം.