ശരീരഭാരം കുറയ്ക്കാൻ ആരോഗ്യകരമായ വ്യത്യസ്ത ചപ്പാത്തികൾ

ശരീരഭാരം കുറയ്ക്കാനുള്ള ഭക്ഷണക്രമം ആരംഭിക്കുന്നതും നിങ്ങളുടെ ജീവിതശൈലി മാറ്റുന്നതിനും വളരെയധികം പ്രചോദനവും ദൃഢനിശ്ചയവും ആവശ്യമാണ്. നിങ്ങൾ വിചാരിക്കുന്ന അത്ര എളുപ്പമല്ല ഇതെന്ന് അർത്ഥം.

നിങ്ങളുടെ കലോറി ഉപഭോഗത്തിൽ സൂക്ഷിക്കുന്നതും ആരോഗ്യകരമായ ഭക്ഷണ പകരക്കാർക്കായി നോക്കുന്നതും വെല്ലുവിളിയായി മാറിയേക്കാം.

മിക്ക ഇന്ത്യൻ വീടുകളിലും ചപ്പാത്തി ഒരു പ്രധാന വിഭവമാണ്, എന്നാൽ ഗോതമ്പിന് പകരം ആരോഗ്യകരമായ ചില ബദലുകൾ നൽകാൻ നിങ്ങൾ ആഗ്രഹിക്കുന്നുവെങ്കിൽ, നിങ്ങൾക്ക് വായന തുടരാവുന്നതാണ്.

ഓട്സ് ചപ്പാത്തി

ഫൈബർ, ആന്റിഓക്‌സിഡന്റുകൾ, വിറ്റാമിനുകൾ, ധാതുക്കൾ, കാർബോഹൈഡ്രേറ്റ്‌സ് തുടങ്ങിയ അവശ്യ പോഷകങ്ങളാൽ നിറഞ്ഞ ഓട്‌സ് ശരീരഭാരം കുറയ്ക്കാൻ ശ്രമിക്കുന്ന ആളുകൾക്ക് മികച്ച ഭക്ഷണ ഓപ്ഷനാണെന്ന് നിങ്ങൾക്കറിയാമോ? കൊളസ്ട്രോൾ, രക്തത്തിലെ പഞ്ചസാര എന്നിവ നിയന്ത്രിക്കാനും ഓട്സ് നമ്മെ സഹായിക്കുന്നു.

ഇതെങ്ങനെ തയ്യാറാക്കാം?

ഓട്‌സ് മൈദയുടെ അതേ കനത്തിൽ പൊടിച്ച് എടുക്കാം, ഇതിനെ ചപ്പാത്തിക്ക് വേണ്ടി കുഴയ്ക്കുന്നത് പോലെ തന്നെ കുഴച്ച് എടുക്കാവുന്നതാണ്. ശേഷം പരത്തി എടുക്കുക. അധിക സ്വാദിനായി നിങ്ങൾക്ക് മല്ലിയില, പച്ചമുളക്, ഉള്ളി എന്നിവ കൂടി ചേർക്കാം.

ബേസൻ ചപ്പാത്തി

ആരോഗ്യമുള്ള കടല, കടലമാവ് അല്ലെങ്കിൽ ബംഗാൾ പയർ മാവ് എന്നിവയിൽ നിന്ന് ഉണ്ടാക്കുന്ന ഭക്ഷണങ്ങൾ ശരീരഭാരം കുറയ്ക്കാൻ വളരെ നല്ലതാണ്. ബെസനിൽ പ്രോട്ടീൻ അടങ്ങിയിട്ടുണ്ട്, ഇത് നിങ്ങളെ കൂടുതൽ നേരം ആരോഗ്യവാനായി നിലനിർത്തും, അങ്ങനെ അമിതമായ വിശപ്പ് ഒഴിവാക്കും. സാധാരണ ഗോതമ്പ് റൊട്ടിയേക്കാൾ ഭാരമുള്ളതാണ് ഈ റൊട്ടികൾ. ഈ ചപ്പാത്തികൾ തയ്യാറാക്കാൻ നിങ്ങൾക്ക് ബീസാനും മൾട്ടിഗ്രെയിൻ മാവും തുല്യ ഭാഗങ്ങളിൽ കുഴയ്ച്ചെടുത്ത് ചപ്പാത്തി ഉണ്ടാക്കാം.

റാഗി ചപ്പാത്തി

ചുവപ്പ് കലർന്ന തവിട്ട് നിറമുള്ള റാഗി അല്ലെങ്കിൽ ഫിംഗർ മില്ലറ്റ് കാൽസ്യം, ഇരുമ്പ്, പ്രോട്ടീൻ എന്നിവയാൽ നിറഞ്ഞ ഒരു പരുക്കൻ ധാന്യമാണ്. ഇതിലെ നാരുകൾ നിങ്ങളെ കൂടുതൽ നേരം ആരോഗ്യവാനായി നിലനിർത്തുന്നു. ശരീരഭാരം കുറയ്ക്കാൻ സഹായിക്കുന്ന ട്രിപ്റ്റോഫാൻ എന്ന അമിനോ ആസിഡും റാഗിയിൽ അടങ്ങിയിട്ടുണ്ട്. ഉപ്പ്, ജീര, അജ്‌വെയ്ൻ, മല്ലിയില എന്നിവ മാവിൽ അധിക സ്വാദിനായി ചേർക്കുക.

ബദാം മാവ് ചപ്പാത്തി

പ്രോട്ടീൻ, ആരോഗ്യകരമായ കൊഴുപ്പുകൾ, വിറ്റാമിൻ ഇ എന്നിവയുൾപ്പെടെ അവശ്യ പോഷകങ്ങളാൽ സമ്പന്നവും കാർബോഹൈഡ്രേറ്റുകൾ കുറവുള്ളതുമായ ബദാം മാവ് ഗോതമ്പ് മാവിന് തുല്യമായി ആരോഗ്യകരമായ ബദലുകളിൽ ഒന്നാണ്. മാത്രമല്ല കൊളസ്ട്രോൾ കുറയ്ക്കാനും ഇത് സഹായിക്കുന്നു. ഇത് ഗ്ലൂറ്റൻ രഹിതവും കെറ്റോജെനിക് ഡയറ്റ് പിന്തുടരുന്ന ആളുകൾക്ക് മികച്ച ഓപ്ഷനുമാണ്. ബദാം മാവ് വെള്ളവും ഒരു നുള്ള് ഉപ്പും കലർത്തി മാവ് തയ്യാറാക്കി ആരോഗ്യകരമായ ചപ്പാത്തി ഉണ്ടാക്കുക.

ജോവാർ ചപ്പാത്തി

നാരുകൾ, പ്രോട്ടീൻ, ഇരുമ്പ്, കാൽസ്യം, ഫോസ്ഫറസ്, വിറ്റാമിനുകൾ ബി, സി എന്നിവയാൽ സമ്പന്നമായ ജോവർ ഒരു ഗ്ലൂറ്റൻ ഫ്രീ ഓപ്ഷനാണ്, അതിൽ കലോറി കുറവാണ്. നിങ്ങളുടെ ഹൃദയാരോഗ്യം മെച്ചപ്പെടുത്താനും പഞ്ചസാരയുടെ അളവ് നിയന്ത്രിക്കാനും ദഹനം മെച്ചപ്പെടുത്താനും ജോവർ സഹായിക്കുന്നു. ഗുജറാത്തിലെയും മഹാരാഷ്ട്രയിലെയും ഒരു പ്രശസ്തമായ ധാന്യമായ, ജൊവറിൽ നിന്നുള്ള ചപ്പാത്തികൾ മൃദുവും ഭാരം കുറഞ്ഞതുമാണ്. ചെറുചൂടുവെള്ളത്തിൽ ജോവർ മാവ് കലർത്തി മാവ് കുഴച്ചാൽ പോഷകസമൃദ്ധമായ ചപ്പാത്തികൾ തയ്യാറാക്കാം.

ബന്ധപ്പെട്ട വാർത്തകൾ : പഴത്തിൻ്റെ തൊലി ഉണക്കി ഭക്ഷണത്തിൽ ചേർക്കാം; ഗുണങ്ങൾ പലതാണ്

ആരോഗ്യവും ഔഷധങ്ങളും എന്ന വിഭാഗത്തിൽ കൂടുതൽ വായിക്കാൻ, malayalam.krishijagran.com എന്ന വെബ്‌സൈറ്റിൽ ലോഗിൻ ചെയ്‌ത് 'Health & Herbs'ൽ ക്ലിക്ക് ചെയ്യുക. ഞങ്ങളുടെ വായനക്കാരുമായി പങ്കിടാൻ ആഗ്രഹിക്കുന്ന ഇത്തരത്തിലുള്ള വിവരങ്ങൾ അറിയാമെങ്കിൽ, അത് malayalam@krishijagran.com എന്ന വിലാസത്തിൽ ഇമെയിൽ ചെയ്യുക.