ഉണക്കിയെടുക്കുന്ന രീതികളിലൂടെ മിക്കവാറും എല്ലാ ജലാംശങ്ങളും നീക്കം ചെയ്ത പഴമാണ് ഡ്രൈഡ് ഫ്രൂട്ട്. ഈ പ്രക്രിയയിൽ പഴങ്ങൾ ചുരുങ്ങുന്നു, ഒരു ചെറിയ, ഉണങ്ങിയ പഴമായി അവശേഷിക്കുന്നു. ഈന്തപ്പഴം, പ്ളം, അത്തിപ്പഴം, ആപ്രിക്കോട്ട്, ഉണക്കമുന്തിരി എന്നിവയാണ് ഏറ്റവും സാധാരണമായ ഉണങ്ങിയ പഴങ്ങൾ. മറ്റ് തരത്തിലുള്ള ഉണക്കിയ പഴങ്ങളും ഇപ്പോൾ വിപണിയിൽ ലഭ്യമാണ്.
ഇപ്പോൾ കാൻഡി രൂപത്തിൽ, പഞ്ചസാര പൊതിഞ്ഞ രൂപത്തിൽ ഈ ഉണങ്ങിയ പഴങ്ങൾ ലഭ്യമാണ്. മാമ്പഴം, പൈനാപ്പിൾ, ക്രാൻബെറി, വാഴപ്പഴം, ആപ്പിൾ എന്നിവ ഇതിൽ ഉൾപ്പെടുന്നു. പുതിയ പഴങ്ങളേക്കാൾ കൂടുതൽ കാലം ഉണങ്ങിയ പഴങ്ങൾ സൂക്ഷിക്കാൻ കഴിയും, പ്രത്യേകിച്ച് ശീതീകരണ സൗകര്യം ലഭ്യമല്ലാത്ത ദീർഘദൂര യാത്രകളിൽ ഒരു ലഘുഭക്ഷണം ആയി ഇത് കഴിക്കാം.
ഉണങ്ങിയ പഴത്തിന്റെ ആരോഗ്യ ഗുണങ്ങൾ
ഉണങ്ങിയ പഴത്തിൽ മൈക്രോ ന്യൂട്രിയന്റുകൾ, ഫൈബർ, ആന്റിഓക്‌സിഡന്റുകൾ എന്നിവ ധാരാളമായി അടങ്ങിയിട്ടുണ്ട്, ഉണങ്ങിയ പഴങ്ങൾ സാധാരണ പഴങ്ങളെ പോലെ വളരെ പോഷകഗുണമുള്ളതാണ്. ഒരു കഷണം ഉണങ്ങിയ പഴത്തിൽ, പുതിയ പഴത്തിന്റെ അതേ അളവിലുള്ള പോഷകങ്ങൾ അടങ്ങിയിട്ടുണ്ട്. ഇതിന്റെ ഭാരം അനുസരിച്ച്, ഉണങ്ങിയ പഴങ്ങളിൽ പുതിയ പഴങ്ങളുടെ അപേക്ഷിച്ചു 3.5 മടങ്ങ് നാരുകൾ, വിറ്റാമിനുകൾ, ധാതുക്കൾ എന്നിവ അടങ്ങിയിരിക്കുന്നു. അതിനാൽ, ഫോളേറ്റ് പോലുള്ള നിരവധി വിറ്റാമിനുകളുടെയും ധാതുക്കളുടെയും ദൈനംദിന ഉപഭോഗത്തിന് ആവശ്യമായ വലിയൊരു ശതമാനം ഒരു സെർവിംഗിന് നൽകാൻ കഴിയുമെന്ന് ആരോഗ്യ വിദഗ്ദ്ധർ അഭിപ്രായപ്പെടുന്നു.
എന്നിരുന്നാലും, പഴങ്ങൾ ഉണങ്ങുമ്പോൾ ഇതിലെ വിറ്റാമിൻ സിയുടെ അളവ് ഗണ്യമായി കുറയുന്നു. ഉണങ്ങിയ പഴങ്ങളിൽ സാധാരണയായി ധാരാളം നാരുകൾ അടങ്ങിയിട്ടുണ്ട്. ഇത് ആന്റിഓക്‌സിഡന്റുകളുടെ, പ്രത്യേകിച്ച് പോളിഫെനോളുകളുടെ മികച്ച ഉറവിടമാണ്. പോളിഫിനോൾ ആന്റിഓക്‌സിഡന്റുകൾ മെച്ചപ്പെട്ട രക്തയോട്ടം, മെച്ചപ്പെട്ട ദഹന ആരോഗ്യം, ഓക്‌സിഡേറ്റീവ് കേടുപാടുകൾ കുറയ്‌ക്കൽ, പല രോഗങ്ങൾക്കുള്ള സാധ്യത കുറയ്‌ക്കൽ തുടങ്ങിയ ആരോഗ്യ ഗുണങ്ങളുമായി ബന്ധപ്പെട്ടിരിക്കുന്നു. ഉണക്കമുന്തിരി ചില രോഗങ്ങളുടെ സാധ്യത കുറയ്ക്കുമെന്ന് പഠനങ്ങൾ തെളിയിച്ചിട്ടുണ്ട്.
നാരുകൾ, പൊട്ടാസ്യം, ആരോഗ്യത്തെ പ്രോത്സാഹിപ്പിക്കുന്ന വിവിധ സസ്യ സംയുക്തങ്ങൾ എന്നിവയാൽ ഇത് സമ്പുഷ്ടമാണ്.
ബന്ധപ്പെട്ട വാർത്തകൾ: ശരീരഭാരം കുറയ്ക്കാൻ പൈനാപ്പിൾ ? കൂടുതൽ അറിയാം..
Pic Courtesy: Pexels.com
Share your comments