മുടിയും നഖവും വളരാൻ സഹായിക്കുന്ന ഭക്ഷണങ്ങളെക്കുറിച്ചറിയാം...

മുടിയും നഖവും വളർത്താൻ ആഗ്രഹിക്കുന്നുവരാണ് നിങ്ങളെങ്കിൽ ഈ ഭക്ഷണങ്ങൾ തീർച്ചയായും കഴിക്കുക.

പ്രോട്ടീനും ഇരുമ്പും അടങ്ങിയ ഭക്ഷണങ്ങൾ കഴിക്കുന്നത് മുടി ശക്തവും ആരോഗ്യകരവുമാക്കാൻ സഹായിക്കുന്നു. ശരീരത്തിൽ കോശവളർച്ചയ്ക്കും ഊർജ്ജോൽപാദനത്തിനും വിറ്റാമിൻ ബി വളരെ പ്രധാനമാണ്. അതിനാൽ വിറ്റാമിൻ ബി അടങ്ങിയ ഭക്ഷണങ്ങൾ കഴിക്കുന്നത് മുടിയും നഖവും വളരാൻ സഹായിക്കുന്നു. ഇതടങ്ങിയ ഭക്ഷണങ്ങൾ കൂടുതൽ കഴിക്കുന്നത് കോശങ്ങൾ വേഗത്തിൽ ഉൽപ്പാദിപ്പിക്കാൻ സഹായിക്കുന്നു. മുറിവുകൾ വേഗത്തിൽ ഉണങ്ങാൻ സഹായിക്കുന്നതിലൂടെ ചർമ്മത്തിന്റെ ആരോഗ്യത്തെ പിന്തുണയ്ക്കുന്നതിൽ സിങ്ക് ഒരു പ്രധാന പങ്ക് വഹിക്കുന്നു. സൂര്യനിൽ നിന്നുള്ള അൾട്രാവയലറ്റ് രശ്മികൾ മൂലമുണ്ടാകുന്ന സൂര്യാഘാതത്തിൽ നിന്ന് ചർമ്മത്തെ സംരക്ഷിക്കാൻ വിറ്റാമിൻ സി സഹായിക്കുന്നു.

ഈ പോഷകങ്ങളെല്ലാം ലഭിക്കാൻ ഇനി പറയുന്ന ഭക്ഷണങ്ങൾ കഴിക്കാം

ഇലക്കറികൾ:

ഇലക്കറികൾ വിറ്റാമിൻ എ, സി, കെ എന്നിവയുടെ മികച്ച ഉറവിടമാണ്, ഈ വിറ്റാമിനുകൾ അടങ്ങിയ ഭക്ഷണക്രമം മുടി, ചർമ്മം, നഖം എന്നിവയുടെ ആരോഗ്യത്തിന് അത്യന്താപേക്ഷിതമാണ്. ഈ പോഷകങ്ങൾ ശരീരത്തിലെ രോഗ പ്രതിരോധ സംവിധാനത്തെ ശക്തിപ്പെടുത്താൻ സഹായിക്കുന്നു. അതിനാൽ താരൻ പോലുള്ള അണുബാധകൾക്ക് കാരണമാകുന്ന ദോഷകരമായ ബാക്ടീരിയകളെ ചെറുക്കാൻ കഴിയും. താരൻ തലയോട്ടി വരണ്ടതാക്കുകയും ചൊറിച്ചിൽ ഉണ്ടാക്കുകയും ചെയ്യുന്നു. ഇലക്കറികൾ കഴിക്കുന്നത് തലയോട്ടിയിലേക്കുള്ള രക്തയോട്ടം വർദ്ധിപ്പിക്കുന്നു. ഇത് രോമകൂപങ്ങളെ ഓക്‌സിജൻ അടങ്ങിയ രക്തം നൽകി ആരോഗ്യകരമായി നിലനിർത്താൻ സഹായിക്കുന്നു. കൂടാതെ, വളരെ പ്രധാനമായും ഇലക്കറികളിൽ ധാരാളം ഇരുമ്പ് അടങ്ങിയിട്ടുണ്ട്. ഇരുമ്പിന്റെ കുറവ് കോശങ്ങളിലെ സജീവ വളർച്ചയുടെ അഭാവം മൂലം കൈകളിൽ പൊട്ടുന്ന നഖങ്ങൾ അല്ലെങ്കിൽ മുടി കൊഴിച്ചിലിന് കാരണമാകുന്നു.

അവോക്കാഡോകൾ

അവോക്കാഡോ വിറ്റാമിൻ ഇയുടെ നല്ല ഉറവിടമാണ്, ഇത് ശരീരത്തിലെ കോശങ്ങളെ കേടുപാടുകളിൽ നിന്ന് സംരക്ഷിക്കാൻ സഹായിക്കുന്ന ശക്തമായ ഒരു ആന്റിഓക്‌സിഡന്റാണ്. ചർമ്മത്തെ സംരക്ഷിക്കുന്നതിലും ആരോഗ്യകരമായ ചർമ്മത്തിന് പ്രധാനമായ കോളെജിന്റെ ഉൽപാദനത്തെ സഹായിക്കുന്നതിലും ഇതിന്റെ പങ്ക് വളരെ വലുതാണ്. അവോക്കാഡോയിൽ അടങ്ങിയ വിറ്റാമിൻ ഇ താരനെ ഇല്ലാതാക്കുന്നു. പതിവായി അവോക്കാഡോ കഴിക്കുന്നത് താരൻ വരാതെ തടയുന്നു, താരൻ അടരുകളുടെ എണ്ണവും തീവ്രതയും കുറയ്ക്കാൻ ഇത് സഹായിക്കുന്നു.

മധുര കിഴങ്ങ്

മധുരക്കിഴങ്ങിൽ വിറ്റാമിൻ എ, വിറ്റാമിൻ സി, ബീറ്റ കരോട്ടിൻ, ഇരുമ്പ് , പൊട്ടാസിയം, ഫൈബർ എന്നി പോഷകങ്ങൾ ധാരാളം അടങ്ങിയിട്ടുണ്ട്. ആരോഗ്യമുള്ള ചർമ്മത്തിനും ശക്തമായ അസ്ഥികൾക്കും വിറ്റാമിൻ എ വളരെ പ്രധാനമാണ്. അതേസമയം ബീറ്റാ കരോട്ടിൻ ശരീരത്തിൽ റെറ്റിനോളായി പരിവർത്തനം ചെയ്യപ്പെടുന്നു, ഇത് നിങ്ങളുടെ ചർമ്മത്തെ ആരോഗ്യകരമായി നിലനിർത്താൻ സഹായിക്കുന്നു. ഇത് നിങ്ങളുടെ ശരീരത്തിലുടനീളം കോശ വളർച്ചയെയും വിഭജനത്തെയും പിന്തുണച്ച് ചർമ്മത്തെ ആരോഗ്യകരമായി നിലനിർത്താൻ സഹായിക്കുന്നു. 

മുട്ടകൾ

മുട്ട പ്രോട്ടീന്റെ വളരെ നല്ല ഉറവിടമാണ്, ആരോഗ്യമുള്ള മുടി, ചർമ്മം, നഖം എന്നിവയുടെ കാര്യത്തിൽ ഇത് കഴിക്കുന്നത് വളരെ പ്രധാനമാണ്. മുട്ടയിൽ കോളിൻ അടങ്ങിയിട്ടുണ്ട്, ഇത് ആരോഗ്യമുള്ള മുടി, ചർമ്മം, നഖം എന്നിവയ്ക്ക് വളരെ അത്യാവശ്യമായ പോഷകമാണ്. മുട്ടയുടെ മഞ്ഞക്കരുവിലും മറ്റ് ഭക്ഷണങ്ങളിലും കോളിൻ കാണാപ്പെടുന്നു.

ബന്ധപ്പെട്ട വാർത്തകൾ: ബ്ലഡ് ഷുഗർ ബാലൻസ് ചെയ്യണോ? അത്തിപഴം കഴിക്കുന്നത് നല്ലതാണ്!

Pic Courtesy: Pexels.com