ഭെല്ലിൽ എഞ്ചിനീയർ, എക്സിക്യൂട്ടീവ് ട്രെയിനി എന്നി തസ്‌തികകളിൽ 150 ഒഴിവുകൾ

ഭാരത് ഹെവി ഇലക്ട്രിക്കൽസ് ലിമിറ്റഡ് (BHEL) എഞ്ചിനീയർ, എക്‌സിക്യൂട്ടീവ് ട്രെയിനി എന്നി  തസ്തികകളിലേയ്ക്ക് നിയമനം നടത്തുന്നു. സിവിൽ എഞ്ചിനീയറിംഗ്, മെക്കാനിക്കൽ എഞ്ചിനീയറിംഗ്, ഐടി / കമ്പ്യൂട്ടർ സയൻസ് എഞ്ചിനീയറിംഗ്, ഇലക്ട്രിക്കൽ എഞ്ചിനീയറിംഗ്, കെമിക്കൽ എഞ്ചിനീയറിംഗ്, മെറ്റലർജി എഞ്ചിനീയറിംഗ്, ഫിനാൻസ്, എച്ച്ആർ എന്നിങ്ങനെ വിവിധ വിഭാഗങ്ങളിലായി 150 ഒഴിവുകളാണുള്ളത്.  താൽപ്പര്യവും യോഗ്യതയുമുള്ള  ഉദ്യോഗാർത്ഥികൾക്ക് ഔദ്യോ​ഗിക വെബ്സൈറ്റായ careers.bhel.in. സന്ദർശിക്കാവുന്നതാണ്. ഒക്ടോബർ 31, നവംബർ 1, നവംബർ 2 തീയതികളിലായിരിക്കും പരീക്ഷ. ഇവ താത്ക്കാലിക തീയതികളാണ്. അഡ്മിറ്റ് കാർഡ് പുറത്തിറക്കുന്ന സമയത്ത് കൃത്യമായ തീയതി അറിയിക്കും.

ബന്ധപ്പെട്ട വാർത്തകൾ: ഇന്ത്യ പോസ്റ്റ് പേയ്മെന്റ് ബാങ്കിലെ നിരവധി ഒഴിവുകളിലേയ്ക്ക് ഇപ്പോൾ അപേക്ഷകളയക്കാം

അവസാന തീയതി

സെപ്റ്റംബർ 15 മുതൽ അപേക്ഷിച്ചു തുടങ്ങാം. ഒക്ടോബർ 4 ആണ് അപേക്ഷിക്കാനുള്ള അവസാന തീയതി.

അപേക്ഷകൾ അയക്കേണ്ട വിധം

ഔദ്യോ​ഗിക വെബ്സൈറ്റായ careers.bhel.in. സന്ദർശിക്കുക

- 'റെഗുലർ റിക്രൂട്ട്‌മെന്റ്' എന്ന ടാ​ബിൽ എഞ്ചിനീയർമാർ/എക്‌സിക്യൂട്ടീവ് ട്രെയിനി റിക്രൂട്ട്‌മെന്റ് ലിങ്കിൽ ക്ലിക്കുചെയ്യുക.

ബന്ധപ്പെട്ട വാർത്തകൾ: ഇന്നത്തെ ജോലി ഒഴിവുകൾ (16/09/2022)

- പുതിയ പേജിൽ സ്ക്രീനിന്റെ ഇടത് പാനലിൽ ലഭ്യമായ ‘അപ്ലൈ ഓൺലൈൻ’ ഓപ്ഷനിൽ ക്ലിക്ക് ചെയ്യുക.

- എല്ലാ വിശദാംശങ്ങളും പൂരിപ്പിച്ച് രജിസ്റ്റർ ചെയ്യുക. തുടർന്ന്, വ്യക്തിഗത വിശദാംശങ്ങൾ, യോഗ്യതാ വിശദാംശങ്ങൾ, എന്നീ ഫീൽഡുകൾ പൂർത്തിയാക്കാൻ വീണ്ടും ലോഗിൻ ചെയ്യുക

- ഡിക്ലറേഷൻ ചെയ്ത് പ്രധാന രേഖകൾ അപ്‌ലോഡ് ചെയ്യുക (ഫോട്ടോ/ഒപ്പ്, പ്രസക്തമായ സർട്ടിഫിക്കറ്റുകൾ മുതലായവ) കൂടാതെ നെറ്റ് ബാങ്കിംഗ്, ഡെബിറ്റ് കാർഡുകൾ, ക്രെഡിറ്റ് കാർഡുകൾ, യുപിഐ മുതലായവ വഴി എസ്ബിഐ മോപ്‌സ് പേയ്‌മെന്റ് ഗേറ്റ്‌വേ വഴി ഓൺലൈനായി ഫീസ് സമർപ്പിക്കുക.

- അപേക്ഷാ ഫോം സമർപ്പിക്കുക. റഫറൻസിനായി ഫോം ഡൗൺലോഡ് ചെയ്ത് പ്രിന്റെടുക്കുക.

ബന്ധപ്പെട്ട വാർത്തകൾ: യൂണിയൻ പബ്ലിക് സർവ്വീസ് കമ്മീഷൻ; 54 വിവിധ തസ്‌തികകളിലേയ്ക്ക് നിയമനം നടത്തുന്നു

ഒരിക്കൽ ഫോം സമർപ്പിച്ചാൽ അത് എഡിറ്റ് ചെയ്യാൻ കഴിയില്ലെന്ന് ഉദ്യോഗാർത്ഥികൾ ശ്രദ്ധിക്കേണ്ടതാണ്. കൂടാതെ, ഒരിക്കൽ സമർപ്പിച്ച അപേക്ഷ പിൻവലിക്കാനും കഴിയില്ല. അടച്ച ഫീസ് ഒരു കാരണവശാലും റീഫണ്ട് ചെയ്യില്ല, ഭാവിയിൽ മറ്റേതെങ്കിലും റിക്രൂട്ട്‌മെന്റുകൾക്കോ ​​തിരഞ്ഞെടുപ്പ് പ്രക്രിയയ്‌ക്കോ വേണ്ടി മാറ്റിവെക്കില്ല.