പ്രകാശം പരത്തുന്ന ചെടികൾ 

Wednesday, 17 January 2018 03:28 PM By KJ KERALA STAFF
പ്രകാശം പരത്തുന്ന ചെടികളോ? വിശ്വാസം വരുന്നില്ല അല്ലെ . അമേരിക്കയില്‍ ‘മസാച്യൂസെറ്റ്സ് ഇന്‍സ്റ്റിട്ട്യൂട്ട് ഓഫ് ടെക്നോളജി’യിലെ ( MIT ) കെമിക്കല്‍ എന്‍ജിനിയറിങ് ഗവേഷകര്‍ അടുത്തിടെ പുറത്തുവിട്ട ഒരു പഠനം, ഇത് സൂചിപ്പിക്കുന്നു . സവിശേഷരീതിയില്‍ രൂപപ്പെടുത്തിയ നാനോകണങ്ങള്‍ കടത്തിവിട്ട്, ഒരു മഷിത്തണ്ട് ചെടിയെ ഏതാണ്ട് നാലുമണിക്കൂര്‍ നേരം പ്രകാശിപ്പിക്കാന്‍ അവര്‍ക്കായി.   ഈ വിദ്യ കൂടുതൽ മെച്ചപ്പെടുത്തിയാൽ ടേബിൾ ലാംപ് ആയും ജോലിസ്ഥലത്തെ വെട്ടത്തിനുമൊക്കെ ഇത്തരം ചെടികൾ മതിയാകും.സ്ട്രീറ്റ് ലൈറ്റായി മാറാനും ചെടികൾക്കാകും.

ഇരുട്ടിൽ പ്രകാശം പരത്തുന്ന ചെടികൾ അതായത് പ്ലഗിൽ ഘടിപ്പിക്കേണ്ടാത്ത വൈദ്യുതവിളക്ക്.അതാണ് പഠന ലക്‌ഷ്യം എന്ന് മുതിർന്ന ഗവേഷകൻ മൈക്കൽ സ്ട്രാനോ പറഞ്ഞു.നാനോ ലെറ്റേഴ്സ് ജേർണലിൽ പ്രസിദ്ധീകരിച്ച പഠന റിപ്പോർട്ടിന്റെ മുഖ്യ രചയിതാവ് എം.ഐ.ടിയിലെ ഗവേഷക വിദ്യാത്ഥി സിയോൺ യിയോങ് ക്വാക്ക് ആണ്.പ്രകാശിക്കുന്ന ചെടികളെ സൃഷ്ടിക്കാനുള്ള ശ്രമങ്ങള്‍ മുൻപും  നടന്നിട്ടുണ്ട്. നാലുവര്‍ഷം മുൻപ്  ‘കിക്ക്സ്റ്റാര്‍ട്ടര്‍’ ( Kickstarter ) വഴി ഫണ്ട് സ്വരൂപിച്ച്‌ തുടങ്ങിയ പദ്ധതി (‘Glowing Plant project’) ഉദാഹരണം. 

പ്ലാൻറ്  നാനോബയോണിക്സ്’ ( Plant nanobionics ) എന്ന പഠനമേഖലയില്‍ നടക്കുന്ന ഗവേഷണത്തിൻ്റെ ഭാഗമായാണ് പ്രകാശിക്കുന്ന സസ്യം രൂപപ്പെടുത്തിയത്. വൈദ്യുത ഉപകരണങ്ങള്‍ ചെയ്തു പോന്നിരുന്ന ചില സംഗതികള്‍ നിര്‍വഹിക്കാന്‍ പാകത്തില്‍ വ്യത്യസ്ത നാനോകണങ്ങളുടെ സഹായത്തോടെ സസ്യങ്ങളെ പരുവപ്പെടുത്തുകയാണ് ഈ പഠനമേഖലയില്‍ ചെയ്യുന്നത്.

ഇതിനായി എം.ഐ.ടി.ഗവേഷകര്‍ മിന്നാമിനുങ്ങിൻ്റെ സൂത്രവിദ്യയാണ്  അവലംബിച്ചത്  . പ്രകാശമുണ്ടാക്കാന്‍ മിന്നാമിനുങ്ങിനെ സഹായിക്കുന്ന ‘ലൂസിഫെറേസ്’ ( luciferase ) എന്ന രാസാഗ്നി, ഈ രാസാഗ്നി പ്രവര്‍ത്തിച്ച്‌ പ്രകാശമുണ്ടാക്കുന്ന ‘ലൂസിഫെറിന്‍’ ( luciferin ) എന്ന തന്മാത്ര, ഈ പ്രവര്‍ത്തനം തടസ്സമില്ലാതെ തുടരാന്‍ സഹായിക്കുന്ന ‘കോഎന്‍സൈം എ’ ( coenzyme A ) എന്ന തന്മാത്ര-ഇവ മൂന്നും വ്യത്യസ്ത നാനോകണങ്ങളുടെ സഹായത്തോടെ സസ്യശരീരത്തിലെത്തിച്ചാണ് അതിനെ പ്രകാശിപ്പിച്ചത്.

തുടക്കത്തില്‍ 45 മിനുറ്റ് നേരം തുടര്‍ച്ചയായി പ്രകാശിക്കുന്ന സസ്യങ്ങള്‍ക്ക് രൂപം നല്‍കാനേ എം.ഐ.ടി. ഗവേഷകര്‍ക്ക് കഴിഞ്ഞുള്ളൂ. അതിപ്പോള്‍ മൂന്നര മണിക്കൂറായി വര്‍ധിപ്പിക്കാന്‍ അവര്‍ക്കായി. കൂടുതല്‍ മെച്ചപ്പെടുത്തിയാല്‍ രാത്രി മുഴുക്കെ വെളിച്ചം പൊഴിക്കാന്‍ സസ്യങ്ങള്‍ക്കാകുമെന്ന് ഗവേഷകര്‍ കരുതുന്നു.
മിന്നാമിനുങ്ങിൻ്റെ  വിദ്യ ജനിതക സാങ്കേതികവിദ്യയുടെ സഹായത്തോടെ സസ്യങ്ങളിലെത്തിക്കാന്‍ മുൻപ് ശ്രമങ്ങള്‍ നടന്നിട്ടുണ്ട്. വളരെ ശ്രമകരമായ  സംരംഭം ആയിരുന്നിട്ടും മങ്ങിയ ചെറുവെളിച്ചമേ സസ്യങ്ങള്‍ പുറപ്പെടുവിച്ചുള്ളൂ. എന്നാൽ എം.ഐ.ടി.സംഘം വലിയ കുതിപ്പാണ് ഇക്കാര്യത്തില്‍ നടത്തിയിരിക്കുന്നത്.
a

Comments



More from Krishi Jagran

മൃഗങ്ങളുടെ രക്ഷയ്ക്ക് ആനിമൽ റസ്‌ക്യൂ ടീം കുട്ടനാട്ടിൽ

മൃഗങ്ങളുടെ രക്ഷയ്ക്ക് ആനിമൽ റസ്‌ക്യൂ ടീം കുട്ടനാട്ടിൽ വെള്ളപ്പൊക്കക്കെടുതിയിൽപ്പെട്ടിരിക്കുന്ന മൃഗങ്ങൾക്ക് സംരക്ഷണം നൽകുന്നതിനും ആവശ്യമായ ചികിത്സകൾ നൽകുന്നതിനും മൃഗസംരക്ഷണ വകുപ്പിന്റെ നേതൃത്വത്തിൽ ആനിമൽ റസ്‌ക്യൂ ടീം കുട്ടനാട് മേഖലയിൽ ഇന്നലെ സന്ദർശനം നടത്തി.

August 20, 2018

സംസ്ഥാനത്ത് ഭക്ഷ്യക്ഷാമവും വിലക്കയറ്റവും ഉണ്ടാവില്ല: ഭക്ഷ്യമന്ത്രി

സംസ്ഥാനത്ത് ഭക്ഷ്യക്ഷാമവും വിലക്കയറ്റവും ഉണ്ടാവില്ല: ഭക്ഷ്യമന്ത്രി പ്രളയക്കെടുതി മൂലം ദുരിതമനുഭവിക്കുന്ന സംസ്ഥാനത്ത് ഭക്ഷ്യക്ഷാമവും വിലക്കയറ്റവും വരുമെന്ന് ചില കേന്ദ്രങ്ങളില്‍ നിന്നുള്ള പ്രചാരണങ്ങള്‍ വസ്തുതാവിരുദ്ധമാണെന്ന് മന്ത്രി പി.തിലോത്തമന്‍ പറഞ്ഞു.

August 21, 2018

പ്രളയക്കെടുതി : കാര്‍ഷിക വായ്പാ തിരിച്ചടവിന് ഒരു വര്‍ഷത്തേക്ക് മൊറട്ടോറിയം പ്രഖ്യാപിച്ചു

പ്രളയക്കെടുതി : കാര്‍ഷിക വായ്പാ തിരിച്ചടവിന് ഒരു വര്‍ഷത്തേക്ക് മൊറട്ടോറിയം പ്രഖ്യാപിച്ചു സംസ്ഥാനത്ത് പ്രളയക്കെടുതിയെ തുടര്‍ന്ന് വ്യാപകമായ കൃഷിനാശം ഉണ്ടായ പശ്ചാത്തലത്തില്‍ കാര്‍ഷിക വായ്പാ തിരിച്ചടവിന് ഒരു വര്‍ഷത്തേക്ക് മൊറട്ടോറിയം പ്രഖ്യാപിച്ചു .

August 21, 2018


FARM TIPS

വെള്ളപ്പൊക്കം; വീടുകള്‍ ശുദ്ധീകരിക്കാന്‍ ബ്ലീച്ചിംങ് പൗഡര്‍

August 21, 2018

വെള്ളപൊക്കത്തിനു ശേഷം മലിനമായ വീടുകള്‍ അണു വിമുക്തം ആക്കാന്‍ ഏറ്റവും നല്ലത് ബ്ലീച്ചിംങ് പൗഡര്‍ ഉപയോഗിക്കുകയാണ്.

വാഴക്കന്നിന് ചൂടുവെളള ചികിത്സ

August 10, 2018

ഏഷ്യ, ആഫ്രിക്ക, അമേരിക്ക തുടങ്ങിയ ഉഷ്ണമേഖലാ വന്‍കരകളില്‍ വാഴപ്പഴം ദശലക്ഷക്കണക്കിനാളുകളുടെ പ്രധാന ഭക്ഷ്യവിളയാണ്. വാഴപ്പഴത്തിന്റെ ആഗോള ഉത്പാദനത്തില്‍ ഇന…

മുട്ടത്തോട് നിങ്ങള്‍ കരുതുന്ന പോലെ നിസ്സാരനല്ല

August 08, 2018

മുട്ടത്തോടിന് നിരവധി ഉപയോഗങ്ങളുണ്ട്. മുട്ടത്തോടിന്റെ ചില ഉപയോഗങ്ങള്‍. തിരിച്ചറിയുന്നുണ്ടാകുമോ? മുട്ടയെ ആവരണം ചെയ്തിരിക്കുന്ന വെറും ഒരു തോടു മാത്രമാ…

Events






CopyRight - 2018 Krishi Jagran Media Group. All Rights Reserved.