News

കുട്ടികൾക്ക് നേറ്റിവിറ്റി സർട്ടിഫിക്കറ്റ്, കൈവശാവകാശ സർട്ടിഫിക്കറ്റ് ലഭിക്കാൻ ചെയ്യേണ്ട കാര്യങ്ങൾ

gf

കൈവശാവകാശ സർട്ടിഫിക്കറ്റ് & ലൊക്കേഷൻ സ്കെച്ച് എന്നിവയ്ക്കു വേണ്ടിയുള്ള അപേക്ഷയിൽ, സർട്ടിഫിക്കറ്റിന്റെ ആവശ്യം എന്തിനുവേണ്ടിയെന്നു എഴുതാറുണ്ട്. ഈ ആവശ്യത്തെ അടിസ്ഥാനമാക്കി വില്ലേജ് ഓഫീസർ സർട്ടിഫിക്കറ്റ് നിരസിക്കുന്നത് നിയമവിരുദ്ധമാണെന്നും, കൃത്യമായി അപേക്ഷ സമർപ്പിച്ചിട്ടുള്ള കേസുകളിൽ വസ്തു നിയമപരമായി അപേക്ഷകന്റെ കൈവശം ആണെങ്കിൽ, മറ്റു കാരണങ്ങൾ സൂചിപ്പിച്ചുകൊണ്ട് അപേക്ഷ നിരസിക്കുവാൻ വില്ലേജ് ഓഫീസർക്ക് അധികാരമില്ലായെന്നും കേരള ഹൈക്കോടതി. (WP(C)7614/17.6.2021)

 നേറ്റിവിറ്റി സർട്ടിഫിക്കറ്റ് 

കേരള ലാൻഡ്‌ റവന്യൂ മാനുവൽ സെക്ഷൻ 226 പ്രകാരം

(i) മാതാപിതാക്കൾ രണ്ടുപേരും കേരളത്തിൽ ജനിച്ചു വളർന്നവരുടെ കുട്ടികൾക്കും,

(ii) മാതാപിതാക്കളിൽ ഒരാൾ കേരളത്തിൽ ജനിച്ചുവളർന്നതും എന്നാൽ മറ്റൊരാൾ ഇന്ത്യയിലെ വേറെ സംസ്ഥാനത്ത് ജനിച്ചുവളർന്ന ആളും എന്നാൽ വിവാഹശേഷം രണ്ടുപേരും കേരളത്തിൽ ഒരുമിച്ചു സ്ഥിരതാമസമാക്കുകയും ചെയ്യുന്ന കേസുകളിലെ കുട്ടികൾക്ക് Nativity സർട്ടിഫിക്കറ്റ് അനുവദിക്കാവുന്നതാണെന്നാണ് വ്യക്തമാക്കിയിരി ക്കുന്നത്.

എന്നാൽ മാതാപിതാക്കൾ കേരളത്തിന് പുറത്തുള്ളവരും, കുട്ടി കേരളത്തിന് വെളിയിൽ തന്നെ ജനിക്കുകയും ചെയ്തു. ശേഷം കുട്ടി കേരളത്തിൽ വളരുകയും മുഴുവൻ വിദ്യാഭ്യാസവും കേരളത്തിൽ നടത്തുകയും ചെയ്തു. ഇങ്ങനെയുള്ള വ്യക്തികളുടെ സാമൂഹിക ബന്ധങ്ങൾ കൂടുതൽ കേരളത്തിൽ ആയതുകൊണ്ട് അത്തരം കുട്ടികൾക്ക് വില്ലേജ് ഓഫീസർക്ക് Nativity സർട്ടിഫിക്കറ്റ് നൽകാമെന്ന് കേരള ഹൈക്കോടതി. WP(C) 12172 dtd 29/7/2021


English Summary: nativity certificate for children : is it applicable

Share your comments

Subscribe to newsletter

Sign up with your email to get updates about the most important stories directly into your inbox
Krishi Jagran Malayalam Magazine