കേരളത്തിലെ ആയുർവേദ കോളേജുകളിലെ ബിരുദ വിദ്യാർഥികൾക്കായി പ്രബന്ധമത്സരം

കോട്ടയ്ക്കൽ ആര്യവൈദ്യശാല ഡോ. എൻ.വി.കെ. വാരിയരുടെ സ്മരണാർഥം കേരളത്തിലെ ആയുർവേദ കോളേജുകളിലെ ബിരുദ വിദ്യാർഥികൾക്കായി പ്രബന്ധമത്സരം നടത്തുന്നു. പരിസര ശുചിത്വം-ആയുർവേദത്തിന്റെ കാഴ്ചപ്പാടിൽ എന്നതാണ് വിഷയം. 

ഒന്നാംസമ്മാനമായി 6000 രൂപയും രണ്ടാം സമ്മാനമായി 4000 രൂപയും നൽകും. ഇംഗ്ലീഷിലോ മലയാളത്തിലോ തയ്യാറാക്കിയ പ്രബന്ധങ്ങൾ ലഭിക്കേണ്ട അവസാന തീയതി ഏപ്രിൽ 30. മത്സര നിയമാവലി ആര്യവൈദ്യശാലയുടെ വെബ്‌സൈറ്റിൽ ലഭിക്കും. വിവരങ്ങൾക്ക് ഫോൺ- 0483 2742225

ആയുർവേദത്തിലെ മൗലികമായ ഗവേഷണപഠനങ്ങൾക്ക് പ്രചോദനം നൽകുന്നതിനായി ‘ക്ലിനിക്കൽ ആപ്ലിക്കേഷൻ ഓഫ് രസായന ഇൻ മോഡേൺ ടൈംസ്’ എന്ന വിഷയത്തിൽ നടത്തുന്ന മറ്റൊരു പ്രബന്ധരചനാമത്സരത്തിൽ ഒന്നാംസമ്മാനമായി 25,000 രൂപയും രണ്ടാംസമ്മാനമായി 10,000 രൂപയും നൽകും. പ്രബന്ധം ഇംഗ്ലീഷിലോ മലയാളത്തിലോ ആവാം.