ഉണക്കറബ്ബറിൽനിന്നുള്ള ഉത്പന്ന നിർമാണത്തിൽ ഓൺലൈൻ പരിശീലനം നവംബർ 18-ന് തുടങ്ങും

ഉണക്കറബ്ബറിൽനിന്നുള്ള ഉത്പന്നനിർമാണത്തിൽ റബ്ബർബോർഡ് മൂന്നുദിവസത്തെ ഓൺലൈൻ പരിശീലനം നൽകുന്നു. മോൾഡഡ്, എക്‌സ്ട്രൂഡഡ്, കാലെൻഡേഡ് ഉത്പന്നങ്ങളുടെ നിർമാണം, റബ്ബർ കോമ്പൗണ്ടിങ്, പ്രോസസ് കൺട്രോൾ, വൾക്കനൈസേറ്റ് പരിശോധനകൾ, എം.എസ്.എം.ഇ. (മൈക്രോ, സ്മോൾ മീഡിയം എന്റർപ്രൈസസ്) പദ്ധതികൾ, ഉത്പന്നങ്ങളുടെ വിപണനം തുടങ്ങിയവ ഉൾക്കൊള്ളിച്ചുകൊണ്ടുള്ള പരിശീലനം നവംബർ 18-ന് തുടങ്ങും.

ദിവസവും രാവിലെ പത്തു മുതൽ ഒരുമണിവരെ ആയിരിക്കും പരിശീലനം. ജി.എസ്.ടി. രജിസ്‌ട്രേഷൻ ഇല്ലാത്ത കേരളീയർക്ക് പരിശീലനഫീസ് 1785 രൂപ. ജി.എസ്.ടി. രജിസ്‌ട്രേഷനുള്ള കേരളീയർക്കും പുറത്തുള്ളവർക്കും 1770 രൂപ.

കൂടുതൽ വിവരങ്ങൾക്ക് 0481-2353127 എന്ന ഫോൺ നമ്പറിലും 0481- 2353325 എന്ന വാട്‌സാപ്പിലും ബന്ധപ്പെടാം.