ചക്രവാത ചുഴി രൂപപ്പെട്ടു, ബംഗാൾ ഉൾക്കടലിൽ രണ്ട് ന്യൂനമർദ്ദ സാധ്യത

ബംഗാൾ ഉൾക്കടലിൽ ആന്ധ്രതീരത്ത് ചക്രവാത ചുഴി രൂപപ്പെട്ടു. കേരളത്തിലെ എല്ലാ ജില്ലകളിലും ഇന്ന് മഴയ്ക്ക് സാധ്യത. തൃശൂർ മുതൽ പത്തനംതിട്ട ജില്ല വരെയുള്ള മധ്യ തെക്കൻ ജില്ലകളിൽ ശക്തമായ മഴയ്ക്കും സാധ്യതയുണ്ടെന്ന് കാലാവസ്ഥ റിപ്പോർട്ടുകൾ. വരും ദിവസങ്ങളിലും നിലവിൽ അന്തരീക്ഷസ്ഥിതി തുടരും. മഴയുടെ ശക്തി ഏറിയും കുറഞ്ഞു നിൽക്കാൻ സാധ്യതയുണ്ട്. ഓഗസ്റ്റ് 19 ന് രൂപപ്പെടും എന്ന് കരുതിയ ന്യൂനമർദ്ദം ഓഗസ്റ്റ് 17ന് രൂപംകൊള്ളാൻ ഒരുങ്ങുന്നു. കേരളത്തിൽ ഇപ്പോൾ ലഭിക്കുന്ന മഴ ആന്ധ്രയിൽ രൂപംകൊണ്ട ചക്രവാത ചുഴിയുടെ സ്വാധീനം ഫലമാണ്.

ഓഗസ്റ്റ് 15ന് ശേഷം വടക്കുപടിഞ്ഞാറ് ബംഗാൾ ഉൾക്കടലിൽ മറ്റൊരു ന്യൂനമർദ്ദം ഉണ്ടാകുമെന്ന് കാലാവസ്ഥ വകുപ്പ് അറിയിക്കുന്നു. ഇതോടുകൂടി കേരളത്തിൽ മഴ ശക്തമാകും. കഴിഞ്ഞ ദിവസത്തേക്കാൾ കൂടുതൽ മഴയാണ് പ്രതീക്ഷിക്കുന്നത്. ഇപ്പോൾ നിലനിൽക്കുന്ന മൺസൂൺ ബ്രേക്ക് എന്ന പ്രതിഭാസവും രണ്ടു ദിവസം കൂടി തുടരും.

മത്സ്യത്തൊഴിലാളി ജാഗ്രത നിർദ്ദേശം(Fisherman caution)

കേരള - ലക്ഷദ്വീപ് - കർണാടക തീരങ്ങളിൽ മത്സ്യബന്ധനത്തിനു തടസമില്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.