News

കേരളത്തിലെ വടക്കൻ ജില്ലകളിൽ ശക്തമായ മഴയ്ക്ക് സാധ്യത

ഓഗസ്റ്റ് 9 മുതൽ ഓഗസ്റ്റ് 25 വരെയുള്ള കാലയളവിൽ കേരളത്തിലെ വടക്കൻ ജില്ലകളിൽ നല്ല രീതിയിൽ മഴ പ്രതീക്ഷിക്കാം

നിലവിലെ കാലാവസ്ഥ വകുപ്പിൻറെ റിപ്പോർട്ടനുസരിച്ച് ഇക്കഴിഞ്ഞ മാസങ്ങളിൽ കേരളത്തിൽ റിപ്പോർട്ട് ചെയ്ത മഴയുടെ ശരാശരി അളവ് കഴിഞ്ഞ വർഷത്തേക്കാൾ കുറവാണ്. എന്നാൽ ഈ മാസം ഒമ്പതിനുശേഷം കേരളത്തിൽ ശരാശരിയിൽ കൂടുതൽ മഴ ലഭിക്കുമെന്നാണ് പ്രതീക്ഷിക്കുന്നത്. സെപ്റ്റംബർ മാസവും നല്ല മഴ പ്രതീക്ഷിക്കാം. ഓഗസ്റ്റ് 9 മുതൽ ഓഗസ്റ്റ് 25 വരെയുള്ള കാലയളവിൽ കേരളത്തിലെ വടക്കൻ ജില്ലകളിൽ നല്ല രീതിയിൽ മഴ പ്രതീക്ഷിക്കാം. തെക്കൻ ജില്ലകളെ അപേക്ഷിച്ച് വടക്കൻ ജില്ലകളിൽ ആയിരിക്കും മഴയുടെ തോത് കൂടുതലായും ലഭിക്കുക.

കേന്ദ്ര കാലാവസ്ഥാവകുപ്പിന്റെ അടുത്ത 5 ദിവസത്തേക്കുള്ള മഴ സാധ്യത പ്രവചനം

06-08-2021: കോഴിക്കോട്

07-08-2021: ഇടുക്കി

08-08-2021: ഇടുക്കി

എന്നീ ജില്ലകളിൽ മഞ്ഞ അലേർട്ട് പ്രഖ്യാപിച്ചു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് വിവക്ഷിക്കുന്നത്.

മത്സ്യത്തൊഴിലാളി ജാഗ്രത നിർദ്ദേശം(Fisherman caution)

കേരള - ലക്ഷദ്വീപ് - കർണാടക തീരങ്ങളിൽ മത്സ്യബന്ധനത്തിനു തടസമില്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.
പ്രത്യേക ജാഗ്രത നിർദേശം
05-08-2021 മുതൽ 08-08-2021 വരെ: തെക്ക് പടിഞ്ഞാറൻ, മധ്യ പടിഞ്ഞാറൻ, വടക്കൻ അറബിക്കടൽ എന്നീ
സമുദ്രഭാഗങ്ങളിൽ മണിക്കൂറിൽ 50 മുതൽ 60 കി.മീ വരെയും ചില അവസരങ്ങളിൽ 70 കി.മീ വേഗതയിൽ വരെ വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

മേൽ പറഞ്ഞ ദിവസങ്ങളിൽ പ്രസ്തുത പ്രദേശങ്ങളിൽ മത്സ്യബന്ധനത്തിന് പോകാൻ പാടുള്ളതല്ല


English Summary: weather update_05-08-2021

Share your comments

Subscribe to newsletter

Sign up with your email to get updates about the most important stories directly into your inbox
Krishi Jagran Malayalam Magazine