സൈറ്റോണിക് വേപ്പ്: വിളകളിലെ കീടനിയന്ത്രണത്തിനുള്ള പ്രകൃതിദത്തവും സുസ്ഥിരവുമായ പരിഹാരം

ഇന്ത്യ ഒരു കാർഷികാധിഷ്ഠിത രാജ്യമാണ്, ജനസംഖ്യയുടെ ഒരു പ്രധാന ഭാഗം ഉപജീവനത്തിനായി കൃഷിയെ ആശ്രയിക്കുന്നു. ഖാരിഫ് സീസണിൽ, കർഷകർ നെല്ല്, പരുത്തി, ചോളം, സോയാബീൻ, നിലക്കടല തുടങ്ങിയ പ്രധാന വിളകൾ വളരെയധികം പരിശ്രമവും അർപ്പണ ബോധത്തോടെയും കൃഷി ചെയ്യുന്നു. എന്നിരുന്നാലും, സമീപ വർഷങ്ങളിൽ, ഈ വിളകളിലെ കീടങ്ങളുടെ ആക്രമണം കുത്തനെ വർദ്ധിച്ചു, ഇത് വിളവിനും വരുമാനത്തിനും ഗുരുതരമായ ഭീഷണി ഉയർത്തുന്നു.

പ്രത്യേകിച്ച് പരുത്തി വിളകളെ; പിങ്ക് ബോൾവോം, വെള്ളീച്ച, ഇലപ്പേനുകൾ തുടങ്ങിയ കീടങ്ങൾ സാരമായി ബാധിച്ചിട്ടുണ്ട്. അതുപോലെ, ചോളം, നെല്ല് എന്നിവ; തണ്ടുതുരപ്പൻ മൂലമുള്ള നാശനഷ്ടങ്ങൾ നേരിടുന്നു, അതേസമയം നിലക്കടല, സോയാബീൻ എന്നിവ; വൈറൽ രോഗങ്ങൾ പരത്തുന്ന വെള്ളീച്ചകളുടെ ആക്രമണം കൂടുതലായി നേരിടുന്നു. ഈ വിളകളെ സംരക്ഷിക്കുന്നതിനും കാർഷിക ഉത്പാദനക്ഷമത നിലനിർത്തുന്നതിനും സമയബന്ധിതവും ഫലപ്രദവുമായ കീടനിയന്ത്രണം അടിയന്തിരമായി ചെയ്യേണ്ട സാഹചര്യം വന്നിരിക്കുകയാണ്.

പരമ്പരാഗതമായി, കീട പ്രശ്‌നങ്ങൾ കൈകാര്യം ചെയ്യുന്നതിന് കർഷകർ രാസ കീടനാശിനികളെയാണ് ആശ്രയിച്ചിരുന്നത്. എന്നാൽ ഒരേ കീടനാശിനികളുടെ ആവർത്തിച്ചുള്ള ഉപയോഗം കാലക്രമേണ, കീടങ്ങൾക്കിടയിൽ പ്രതിരോധശേഷി വളർത്തിയെടുത്തു. ഒരുകാലത്ത് ഫലപ്രദമായിരുന്ന ഉത്പന്നങ്ങൾ ഇപ്പോൾ അവയുടെ സ്വാധീനം നഷ്ടപ്പെട്ടുകൊണ്ടിരിക്കുന്നു, ഇത് കർഷകരെ ഡോസേജുകൾ വർദ്ധിപ്പിക്കാനോ പുതിയതും പലപ്പോഴും വിലകൂടിയതുമായ ബദലുകളിലേക്ക് തിരിയാനോ നിർബന്ധിതരാക്കുന്നു. ഇത് ചെലവ് വർദ്ധിപ്പിക്കുക മാത്രമല്ല, മെച്ചപ്പെട്ട ഫലങ്ങൾ ഉറപ്പുനൽകാത്ത സാഹചര്യവുമാണുള്ളത്.

കീടനാശിനികളുടെ അമിത ഉപയോഗം - ആരാണ് അപകടസാധ്യത വഹിക്കുന്നത്?

രാസകീടനാശിനികളുടെ അമിത ഉപയോഗവും തുടർച്ചയായ ഉപയോഗവും വിളകൾക്ക് മാത്രമല്ല, മണ്ണിനും വെള്ളത്തിനും പരിസ്ഥിതിക്കും ദോഷകരമാണ്. ഉദാഹരണത്തിന് പരുത്തിയെ എടുക്കുക, ഏകദേശം 12 പ്രധാന കീടങ്ങൾ അതിനെ ആക്രമിക്കുമ്പോൾ, ഏകദേശം 172 മിത്രപ്രാണികളും അതുമായി ബന്ധപ്പെട്ടിരിക്കുന്നു. ഈ ഗുണകരമായ പ്രാണികൾ സ്വാഭാവികമായും ദോഷകരമായ കീടങ്ങളെ നിയന്ത്രിക്കാനും വിളയെ സംരക്ഷിക്കാനും സഹായിക്കുന്നു.

എന്നാൽ കർഷകർ രാസകീടനാശിനികൾ തളിക്കുമ്പോൾ, അവ നല്ലതും ചീത്തയുമായ പ്രാണികളെ ഒരേ സമയം ഇല്ലാതാക്കുന്നു, ഇത് ഈ സ്വാഭാവിക സന്തുലിതാവസ്ഥയെ തടസ്സപ്പെടുത്തുന്നു. മിത്രപ്രാണികളുടെ എണ്ണം കുറയുമ്പോൾ, പ്രകൃതിദത്ത വേട്ടക്കാരുടെ അഭാവം കാരണം ദോഷകരമായ കീടങ്ങൾ വേഗത്തിൽ വളരുന്നു. പുതിയ കീടനാശിനികളോട് ഈ കീടങ്ങൾ വേഗത്തിൽ പൊരുത്തപ്പെടുകയും പ്രതിരോധം വികസിപ്പിക്കുകയും ചെയ്യുന്നു.

രാസ കീടനാശിനികളുടെ ഹ്രസ്വകാല പ്രഭാവം

സാധാരണയായി, ഒരു കീടനാശിനി തളിക്കുമ്പോൾ, അത് ഇലയിൽ കുറച്ചുനേരം നിലനിൽക്കും. പിന്നീട് അത് ഇലയ്ക്കുള്ളിൽ ആഗിരണം ചെയ്യപ്പെടുന്നു, അവിടെ സസ്യത്തിന്റെ രോഗപ്രതിരോധ ശേഷി അതിനെതിരെ പോരാടാൻ തുടങ്ങുന്നു. മനുഷ്യന്റെ രോഗപ്രതിരോധ സംവിധാനം ഒരു വിഷവസ്തുവിനോട് പ്രതികരിക്കുന്നതുപോലെ, സസ്യവും രാസവസ്തുവിനെ നിർവീര്യമാക്കാൻ പ്രവർത്തിക്കുന്നു.

4-5 ദിവസത്തിനുള്ളിൽ, കീടനാശിനിയുടെ പ്രഭാവം മങ്ങുന്നു. അതേസമയം, വിളയുടെ വളർച്ചയെ പ്രതികൂലമായി ബാധിക്കുകയും താത്ക്കാലികമായി നിർത്തുകയും ചെയ്യുന്നു. ഇതിനർത്ഥം കീടനാശിനി പ്രഭാവം ഹ്രസ്വകാലത്തേക്കാണെന്നും ഇടയ്ക്കിടെ തളിക്കുന്നത് ദീർഘകാല നേട്ടങ്ങൾ നൽകുന്നില്ലെന്നും ആണ്. ഇത് കർഷകരുടെ പോക്കറ്റുകളെ നേരിട്ട് ബാധിക്കുന്നു, ചെലവ് വർദ്ധിക്കുന്നു, ലാഭം കുറയുന്നു.

എന്താണ് പരിഹാരം?
കർഷകർക്ക് ഇപ്പോൾ കൂടുതൽ കാലം പ്രവർത്തിക്കുന്ന, പരിസ്ഥിതിക്കും മണ്ണിനും സുരക്ഷിതമായ, ഗുണം ചെയ്യുന്ന പ്രാണികളെ ദോഷകരമായി ബാധിക്കാത്ത ഒരു പരിഹാരം ആവശ്യമാണ്. മൈക്രോ എൻ‌ക്യാപ്‌സുലേഷൻ സാങ്കേതികവിദ്യ ഉപയോഗിച്ച് നിർമിച്ച സൈറ്റോണിക് വേപ്പ് അത്തരമൊരു പരിഹാരമാണ്.

വേപ്പ് - പ്രകൃതിയുടെ സമ്മാനം

ആയുർവേദത്തിലും കൃഷിയിലും വേപ്പിനെ വിലപ്പെട്ട ഒരു ഔഷധസസ്യമായി കണക്കാക്കുന്നു. വേപ്പെണ്ണയിൽ അസാഡിരാക്റ്റിൻ എന്ന സംയുക്തം അടങ്ങിയിട്ടുണ്ട്, ഇത് പ്രാണികളുടെ ജീവിതചക്രത്തെ തടസ്സപ്പെടുത്തുന്നു. ഇത് അവയുടെ മുട്ടകളെ നശിപ്പിക്കുക മാത്രമല്ല, മുട്ടയിടുന്നത് തടയുകയും ചെയ്യുന്നു. മാത്രമല്ല, കയ്പേറിയ വേപ്പ് ചേർത്ത ഇലകൾ കീടങ്ങൾ തിന്നുമ്പോൾ അവയുടെ പ്രത്യുത്പാദന ശേഷി കുറയുന്നു.

വേപ്പ് ഗുണം ചെയ്യുന്ന പ്രാണികൾക്കോ ​​പരിസ്ഥിതിക്കോ ദോഷകരമല്ല. അതിനാൽ, നിരവധി കാർഷിക സർവകലാശാലകളും എച്ച്.എ.യു (ഹരിയാന കാർഷിക സർവകലാശാല), പി.എ.യു (പഞ്ചാബ് കാർഷിക സർവകലാശാല), രാജസ്ഥാൻ കാർഷിക സർവകലാശാല തുടങ്ങിയ ഗവേഷണ സ്ഥാപനങ്ങളും കീടനിയന്ത്രണത്തിൽ വേപ്പ് ഉപയോഗിക്കാൻ ശുപാർശ ചെയ്തിട്ടുണ്ട്.

വേപ്പിന്റെ ശരിയായ ഉപയോഗം: കർഷകർ അറിയേണ്ടത്

വേപ്പെണ്ണയുടെ ഫലപ്രാപ്തി അസാഡിരാക്റ്റിൻ അളവിനെ ആശ്രയിച്ചിരിക്കുന്നു. സാന്ദ്രത വളരെ കൂടുതലാണെങ്കിൽ, അത് ഗുണം ചെയ്യുന്ന പ്രാണികളെപ്പോലും ദോഷകരമായി ബാധിച്ചേക്കാം. അതിനാൽ, അസാഡിരാക്റ്റിൻ സമതുലിത സാന്ദ്രതയുള്ള വേപ്പ് ഉത്പന്നങ്ങൾ ഉപയോഗത്തിന് അനുയോജ്യമാണ്.

സൈറ്റോണിക് വേപ്പ് - പുതിയ സാങ്കേതികവിദ്യ, മികച്ച ഫലങ്ങൾ

സൈഡെക്സ് ഇൻഡസ്ട്രീസ് വികസിപ്പിച്ചെടുത്ത സൈറ്റോണിക് വേപ്പിൽ 300 പി.പി.എം വരെ അസാഡിരാക്റ്റിൻ അടങ്ങിയിട്ടുണ്ട്. വേപ്പെണ്ണ കൂടുതൽ ഫലപ്രദമാക്കുന്നതിനായി, കമ്പനി മൈക്രോ എൻ‌ക്യാപ്സുലേഷൻ സാങ്കേതികവിദ്യ ഉപയോഗിച്ചിട്ടുണ്ട്. ഇതിനെ "ഇലയിൽ ശക്തമായ പിടി" (strong hold on leaf) സാങ്കേതികവിദ്യ എന്നും വിളിക്കാം. ഇലകളിൽ തളിക്കുമ്പോൾ ഇനിപ്പറയുന്ന ഗുണങ്ങൾ നൽകുന്ന രീതിയിലാണ് ഫോർമുലേഷൻ രൂപകൽപന ചെയ്തിരിക്കുന്നത്:

• ഇലയെ മുറുകെ പിടിക്കുന്നതിനാൽ, അതിന്റെ ഫലം ഇലയിൽ കൂടുതൽ നേരം നിലനിൽക്കും.
• വേപ്പെണ്ണ ഇലകളെ കയ്പുള്ളതാക്കുകയും കീടങ്ങൾ മുട്ടയിടുന്നത് തടയുകയും ചെയ്യുന്നു.
• മിത്രപ്രാണികൾ സുരക്ഷിതമായി തുടരുന്നു.
• ഒരു ജൈവ ഉത്പന്നമെന്ന നിലയിൽ, ഇത് മണ്ണിനോ പരിസ്ഥിതിക്കോ ദോഷം വരുത്തുന്നില്ല.
• ഫലപ്രാപ്തി വർദ്ധിപ്പിക്കുന്നതിന് ഇത് മറ്റ് കീടനാശിനികളുമായി (കീടനാശിനികൾ, കുമിൾനാശിനികൾ, കളനാശിനികൾ) കലർത്താം.
• ആവർത്തിച്ച് തളിക്കേണ്ട ആവശ്യമില്ലാത്തതിനാൽ ചെലവ് കുറഞ്ഞതാണ്.

സൈറ്റോണിക് വേപ്പ് എങ്ങനെ ഉപയോഗിക്കാം

കീടങ്ങളുടെ ആക്രമണം തടയാൻ, കീടങ്ങൾ പ്രത്യക്ഷപ്പെടുന്നതിന് മുമ്പ് ഏക്കറിന് 500 മില്ലി സൈറ്റോണിക് വേപ്പ് തളിക്കുക.

ഇതിനകം തന്നെ കീടങ്ങളുടെ സാന്നിധ്യമുണ്ടെങ്കിൽ കർഷകർ കീടനാശിനികൾ ഉപയോഗിക്കുന്നുണ്ടെങ്കിൽ, തളിക്കുന്നതിനുള്ള കീടനാശിനിയോടൊപ്പം ഒരു ലിറ്റർ വെള്ളത്തിന് 1-2 മില്ലി സൈറ്റോണിക് വേപ്പ് ചേർക്കുക.

വേപ്പ് കീടനാശിനികളുമായി ഉപയോഗിക്കുമ്പോൾ, ആദ്യം വേപ്പും കീടനാശിനിയും ഒരുമിച്ച് കലർത്തുന്നത് ഉറപ്പാക്കുക, തുടർന്ന് ഈ മിശ്രിതം വെള്ളത്തിൽ ചേർക്കുക. ഇത് മൈക്രോ എൻക്യാപ്സുലേഷൻ സാങ്കേതികവിദ്യയിൽ നിന്നുള്ള പൂർണ്ണ പ്രയോജനം ഉറപ്പാക്കുകയും കീടനാശിനി, ഫലപ്രാപ്തി വർദ്ധിപ്പിക്കുകയും ചെയ്യുന്നു.

മണ്ണിലൂടെ പകരുന്ന കീടങ്ങൾക്കെതിരെയും സൈറ്റോണിക് വേപ്പ് ഫലപ്രദമാണ്. വെള്ളത്തിൽ കലർത്തി മണ്ണിൽ ഒഴിച്ച് പ്രയോഗിക്കുമ്പോൾ, അത് ദോഷകരമായ കീടങ്ങളെ നിയന്ത്രിക്കുകയും വിളയുടെ തായ്‌വേര് സുരക്ഷിതമായി നിലനിർത്തുകയും ചെയ്യുന്നു.

പരുത്തികൃഷിയിൽ വേപ്പിന്റെ പ്രധാന പങ്ക് (സംയോജിത കീട നിയന്ത്രണം)

പരുത്തിയിൽ, പിങ്ക് ബോൾ വേം ഗുരുതരമായ നാശനഷ്ടങ്ങൾ വരുത്തിവയ്ക്കുന്നു. അതിന്റെ ജീവിതചക്രം ചെറുതാണെങ്കിലും, അത് വേഗത്തിൽ പടരുകയും കീടനാശിനികളോടുള്ള പ്രതിരോധം വർദ്ധിപ്പിക്കുകയും ചെയ്യുന്നു. കീടങ്ങളുടെ എണ്ണം നിയന്ത്രിക്കുന്നതിന് വിളചക്രത്തിന്റെ തുടക്കത്തിൽ തന്നെ വേപ്പെണ്ണ സ്പ്രേകൾ പ്രയോഗിക്കണമെന്ന് ശാസ്ത്രജ്ഞർ ശുപാർശ ചെയ്യുന്നു. അതിന്റെ സൂക്ഷ്മ എൻ‌ക്യാപ്സുലേഷൻ കാരണം, സൈറ്റോണിക് വേപ്പ് ഈ ആവശ്യത്തിന് വളരെ അനുയോജ്യമാണ്. ആദ്യ സ്പ്രേ കീടങ്ങളുടെ പ്രാരംഭഘട്ടങ്ങളിൽ നിയന്ത്രണം നൽകുന്നു, തുടർന്നുള്ള സ്പ്രേകളിൽ സൈറ്റോണിക് വേപ്പ് ഉപയോഗിക്കുന്നത് കീടനാശിനി പ്രഭാവം വർദ്ധിപ്പിക്കുകയും കീടങ്ങളുടെ ജീവിതചക്രത്തെ തടസ്സപ്പെടുത്തുകയും ചെയ്യുന്നു, ഇത് ദീർഘകാല സംരക്ഷണം നൽകുന്നു.

സൈറ്റോണിക് വേപ്പ്: എല്ലാ വിളകൾക്കും ഫലപ്രദം

പരുത്തിയ്ക്ക് പുറമേ, എല്ലാത്തരം വിളകളിലും സൈറ്റോണിക് വേപ്പ് മികച്ച ഫലങ്ങൾ കാണിക്കുന്നു. വിളകളും പരിസ്ഥിതിയും സുരക്ഷിതമായി സൂക്ഷിക്കുന്നതിനൊപ്പം ഇത് ഫലപ്രദമായ കീട നിയന്ത്രണം നൽകുന്നു. വിളകളിലുടനീളമുള്ള വിവിധ നീരൂറ്റിക്കുടിക്കുന്ന കീടങ്ങൾക്കെതിരെ സൈറ്റോണിക് വേപ്പ് ഫലപ്രദമാണ്. കീടനാശിനികളുമായി സംയോജിപ്പിക്കുമ്പോൾ, ഇത് അവയുടെ സ്വാധീനം വർദ്ധിപ്പിക്കുകയും കുറഞ്ഞ ചെലവിൽ മികച്ച കീടനിയന്ത്രണം നേടാൻ കർഷകരെ സഹായിക്കുകയും ചെയ്യുന്നു.