വേനൽക്കാലത്ത് ശരീരത്തിൽ ജലാംശം നിലനിർത്താൻ സഹായിക്കുന്ന ഭക്ഷണങ്ങൾ കഴിക്കാം...

നമ്മുടെ ശരീരത്തിലെ എല്ലാ സംവിധാനങ്ങളുടെയും കാര്യക്ഷമമായ പ്രവർത്തനത്തിന് വെള്ളം അത്യാവശ്യമാണെന്ന് നമുക്ക് എല്ലാവർക്കുമറിയാം. വേനൽകാലത്ത് ശരീര താപനില നിയന്ത്രിക്കുന്നതോടൊപ്പം, ശരീരത്തിൽ നിന്ന് അപകടകരമായ ടോക്സിക്കായ വസ്തുക്കളെ നീക്കം ചെയ്യുന്നതിന് ജലാംശമടങ്ങിയ ഭക്ഷണങ്ങൾ കഴിക്കുന്നത് സഹായിക്കുന്നു. ഇത് ശരീര കോശങ്ങളിലേക്ക് സുപ്രധാന പോഷകങ്ങളും ഓക്സിജനും എത്തിക്കുന്നു. അതോടൊപ്പം ആരോഗ്യകരമായ കോശങ്ങൾക്കും സന്ധികൾക്കും, ഈർപ്പമുള്ള അന്തരീക്ഷം നിലനിർത്തുക എന്നിവയുൾപ്പെടെ നിരവധി ജോലികൾ നിർവഹിക്കാനുള്ള ശരീരത്തിന്റെ കഴിവിന് വെള്ളം വളരെ പ്രധാനമാണ്. 

ശരീരത്തിൽ പ്രത്യേകിച്ച് ഉയർന്ന ജലാംശം ഉള്ള പഴങ്ങളും പച്ചക്കറികളും കഴിക്കുന്നത് വഴി, ശരീരത്തിന് ആവശ്യമായ വെള്ളം ആഗിരണം ചെയ്യാൻ ഇത് ശരീരത്തെ സഹായിക്കുന്നു. ഉയർന്ന ജലാംശമുള്ള പഴങ്ങളും പച്ചക്കറികളും കഴിക്കുന്നത് ശരീരത്തിന്റെ പോഷക ആവശ്യങ്ങൾ നിറവേറ്റുന്നതിന് അത്യന്താപേക്ഷിതമാണ്. പഴങ്ങളും പച്ചക്കറികൾക്കും ശരീരത്തിലെ ജലാംശം നിലനിർത്താനും, ശരീരകോശങ്ങൾക്ക് ആവശ്യമായ ഭക്ഷണം നൽകാനും, ആവശ്യമായ ദ്രാവകങ്ങൾ നൽകാൻ കഴിയും. ഉയർന്ന ജലാംശമുള്ള പഴങ്ങൾ അടങ്ങിയ സ്മൂത്തികൾ, പാനീയങ്ങൾ, അല്ലെങ്കിൽ പോഷകഗുണമുള്ള ലഘുഭക്ഷണങ്ങൾ എന്നിവ വേനൽക്കാലത്തു കഴിക്കേണ്ടത് വളരെ അനിവാര്യമാണ്. വേനൽക്കാലത്തു നിർജ്ജലീകരണം ഊർജ്ജനഷ്ടം, മന്ദത, തലവേദന, ചർമ്മപ്രശ്നങ്ങൾ, പേശിവലിവ്, ഓക്കാനം, കുറഞ്ഞ രക്തസമ്മർദ്ദം, വേഗത്തിലുള്ള ഹൃദയമിടിപ്പ് എന്നിവ ഉണ്ടാകാനുള്ള സാധ്യതയുണ്ട്.

നീണ്ടുനിൽക്കുന്ന നിർജ്ജലീകരണം അവയവങ്ങളുടെ തകരാർ പോലുള്ള ഗുരുതരമായ പ്രശ്‌നങ്ങളിലേക്ക് നയിച്ചേക്കും. അതിനാൽ, ധാരാളം വെള്ളം കുടിക്കേണ്ടതും, ജലാംശം അടങ്ങിയ ആരോഗ്യകരമായ പ്രകൃതിദത്ത ഭക്ഷണങ്ങൾ കഴിക്കേണ്ടതും അത്യാവശ്യമാണ്. കുടിവെള്ളം പ്രധാനമാണെങ്കിലും, നിത്യനെയുള്ള ഭക്ഷണത്തിൽ ജലസമൃദ്ധമായ പഴങ്ങൾ, പച്ചക്കറികൾ, പാലുൽപ്പന്നങ്ങൾ എന്നിവ ഉൾപ്പെടുത്തിക്കൊണ്ട് ശരീരത്തെ ജലസമൃദ്ധമാക്കിവെക്കുന്നത് ഒരുപാട് വേനൽക്കാല രോഗങ്ങളെ വരാതെ ചെറുക്കുന്നു.

ജലാംശം നിലനിർത്താൻ ഈ ഭക്ഷണങ്ങൾ കഴിക്കാം:

1. ഇളനീർ

ശരീരത്തിൽ ജലാംശത്തിന് ആവശ്യമായ ഇലക്‌ട്രോലൈറ്റുകൾ, പ്രത്യേകിച്ച് പൊട്ടാസ്യം, മഗ്നീഷ്യം എന്നിവ ഇളനീരിൽ ധാരാളമുണ്ട്. ഇത് ശരീരത്തിൽ നിന്ന് നഷ്ടപ്പെട്ട ദ്രാവകം നിറയ്ക്കാൻ സഹായിക്കുന്ന പ്രകൃതിദത്ത പഞ്ചസാരയും ധാതുക്കളും ഇതിൽ ധാരാളം അടങ്ങിയിട്ടുണ്ട്.

2. ഉള്ളി

ശരീരത്തിൽ ജലാംശം നിലനിർത്താൻ സഹായിക്കുന്ന, ഉയർന്ന അളവിൽ വെള്ളം ഉള്ളിയിൽ അടങ്ങിയിട്ടുണ്ട്. രോഗപ്രതിരോധ സംവിധാനത്തെ ഉത്തേജിപ്പിക്കുന്ന സൾഫർ സംയുക്തങ്ങളും ഇതിൽ ധാരാളമായി കാണപ്പെടുന്നു, ഇത് ശൈത്യകാലത്ത് രോഗപ്രതിരോധശേഷി വർദ്ധിപ്പിക്കുന്നതിനു മികച്ചതാണ്.

3. തണ്ണിമത്തൻ

തണ്ണിമത്തനിൽ ജലവും ഇലക്ട്രോലൈറ്റുകളും ധാരാളം അടങ്ങിയിട്ടുണ്ട്, ഇത് ജലാംശത്തിന്റെ മികച്ച ഉറവിടമാകുന്നു. ഇതിലടങ്ങിയ ആന്റിഓക്‌സിഡന്റുകളും, വൈറ്റമിൻ എ, സി തുടങ്ങിയ വിറ്റാമിനുകളും ശരീരത്തിന്റെ രോഗപ്രതിരോധ ശേഷി വർധിപ്പിക്കാൻ സഹായിക്കുന്നു.

4. പുതിന

പുതിനയിൽ ജലാംശം ധാരാളം അടങ്ങിയിട്ടുണ്ട്, മാത്രമല്ല വയറുവേദനയെ ശമിപ്പിക്കാനും ഇത് സഹായിക്കും. ശരീരത്തിൽ നിന്ന് വിഷവസ്തുക്കളെ പുറന്തള്ളാൻ സഹായിക്കുന്ന പ്രകൃതിദത്ത ഡൈയൂററ്റിക് കൂടിയാണ് ഇത്.

5. തക്കാളി

തക്കാളിയിൽ ധാരാളം വെള്ളം അടങ്ങിയിട്ടുണ്ട്, കൂടാതെ ഉയർന്ന അളവിൽ ലൈക്കോപീൻ അടങ്ങിയിട്ടുണ്ട്, ഇത് ഫ്രീ റാഡിക്കൽ നാശത്തിൽ നിന്ന് ശരീരത്തെ സംരക്ഷിക്കാൻ സഹായിക്കുന്ന ഒരു ആന്റിഓക്‌സിഡന്റാണ്. രോഗപ്രതിരോധ ശേഷി വർധിപ്പിക്കാൻ സഹായിക്കുന്ന വിറ്റാമിൻ സിയും ഇതിൽ വലിയ തോതിൽ അടങ്ങിയിട്ടുണ്ട്.

6. തൈര്

തൈരിൽ പ്രധാനമായും പ്രോബയോട്ടിക്സ് വലിയ അളവിൽ അടങ്ങിയിട്ടുണ്ട്, ഇത് ആരോഗ്യകരമായ കുടൽ നിലനിർത്താനും ദഹനത്തെ പ്രോത്സാഹിപ്പിക്കാനും സഹായിക്കുന്നു. ഇത് ജലാംശത്തിന്റെ മികച്ച ഉറവിടം കൂടിയാണ്, കൂടാതെ ശരീരത്തിലെ ദ്രാവക ബാലൻസ് പുനഃസ്ഥാപിക്കാൻ സഹായിക്കുന്ന പൊട്ടാസ്യം പോലുള്ള ഇലക്ട്രോലൈറ്റുകൾ ഇതിൽ ധാരാളം അടങ്ങിയിട്ടുണ്ട്.

7. കുക്കുമ്പർ

വെള്ളരിക്കയിലും ധാരാളം ജലാംശം അടങ്ങിയിട്ടുണ്ട്, എല്ലുകളുടെ ആരോഗ്യം മെച്ചപ്പെടുത്താൻ സഹായിക്കുന്ന വിറ്റാമിൻ കെ ഇതിൽ അടങ്ങിയിട്ടുണ്ട്. വളരെ കലോറി കുറവും, പ്രകൃതിദത്തമായ പഞ്ചസാരയും കുക്കുമ്പറിൽ അടങ്ങിയിട്ടുണ്ട്, ആരോഗ്യകരമായ ഭാരം നിലനിർത്താൻ ആഗ്രഹിക്കുന്നവർക്ക് ഇത് ഒരു മികച്ച ലഘുഭക്ഷണ ഓപ്ഷനായി തിരഞ്ഞെടുക്കാം.

ബന്ധപ്പെട്ട വാർത്തകൾ: യുവതികളിലെ സ്തനാർബുദം, എങ്ങനെ തിരിച്ചറിയാം?