ബംഗാൾ ഉൾകടലിൽ ചക്രവാത ചുഴി, കേരളത്തിൽ ഒറ്റപെട്ട മഴ ലഭിച്ചേക്കും

ബംഗാൾ ഉൾകടലിൽ നിലനിൽക്കുന്ന ചക്രവാത ചുഴിയുടെ നേരിയ സ്വാധീനഫലമായി അടുത്ത 24 മണിക്കൂറിൽ കേരളത്തിൽ ചിലയിടങ്ങളിൽ മാത്രം ചെറിയ തോതിലോ ഇടത്തരമായ തോതിലോ ഒറ്റപെട്ട മഴ ലഭിച്ചേക്കും. പൊതുവിൽ വെയിൽ തെളിഞ്ഞ കാലാവസ്ഥ തുടരും.

ബന്ധപ്പെട്ട വാർത്തകൾ: Monsoon Health Care: പനിയ്ക്കും ജലദോഷത്തിനും വീട്ടുവൈദ്യത്തിലെ 5 സൂത്രങ്ങൾ

ശനിയാഴ്ചയോട് കൂടി (ഒക്ടോബർ ഒന്ന് ) മ്യാന്മാർ മേഖലയിൽ നിന്നും ബംഗാൾ ഉൾകടലിലേക്ക് മറ്റൊരു ചക്രവാത ചുഴികൂടി പ്രവേശിക്കുന്നതിന്റെ സ്വാധീനഫലമായി ശനി ഞായർ ദിവസങ്ങളിൽ കേരളത്തിൽ ഭാഗികമായി മേഘാവൃതമായ കാലാവസ്ഥ അനുഭവപ്പെടും ഏതാനും ചിലയിടങ്ങളിൽ മിതമായ തോതിൽ ഈ ദിവസങ്ങളിൽ മഴ ലഭിചേക്കും.ചക്രവാത ചുഴിയുടെ സ്വാധീനത്തിന്റെ തോത് കേരളത്തിലെ മഴ ലഭിക്കാനുള്ള സാഹചര്യത്തെ നിർണ്ണയിക്കും. എന്നിരുന്നാലും കേരളത്തിൽ പരക്കെ മഴ ലഭിക്കാനുള്ള സാഹചര്യം ഈ ദിവസങ്ങളിലൊന്നും ഇല്ല.

തെക്കുപടിഞ്ഞാറൻ കാലവർഷം പിൻവാങ്ങുന്നതിനോടാനുബന്ധിച്ച് ബംഗാൾ ഉൾകടലിൽ ഉടലെടുക്കുന്ന അന്തരീക്ഷ മാറ്റങ്ങളുടെ ഫലമായി ഒക്ടോബർ രണ്ടാം വാരം കേരളത്തിൽ മഴ ലഭിക്കാനുള്ള സാഹചര്യം ഉണ്ട്. എന്നാൽ മഴയുടെ തീവ്രതയെ കുറിച് നിലവിൽ സൂചനകൾ ഇല്ല.

ബന്ധപ്പെട്ട വാർത്തകൾ: മഴക്കാല രോഗങ്ങളെ ആയുർവേദത്തിലൂടെ എങ്ങനെ പ്രതിരോധിക്കാം?

അതേ സമയം കേരളത്തിൽ തുലാവർഷം നേരത്തെ ആരംഭിക്കാനുള്ള സാധ്യത നിലവിൽ ഇല്ല.ബംഗാൾ ഉൾകടലിൽ തുടരേ ചക്രവാത ചുഴികൾ രൂപപ്പെടുന്നത് കാലവർഷത്തിന്റെ പിന്മാറ്റാതെ മന്ദീഭവിപിച്ചതാണ് ഇതിനു കാരണം.തുലാവർഷം എന്ന് ആരംഭിക്കും എന്നതിനെ കുറിച്ചുള്ള സൂചന അടുത്ത ഒരാഴ്ചക്കുള്ളിൽ നൽകാൻ കഴിയും.

മുൻ സൂചനകൾ അനുസരിച്ച് കേരളത്തിൽ ഈ വർഷം തുലാവർഷം സാധാരണയിൽ കൂടുതൽ ലഭിക്കാനുള്ള സാധ്യത കണ്ടിരുന്നെങ്കിലും നിലവിലെ സൂചനകൾ അനുസരിച്ച് തുലാവർഷം സാധാരണ തോതിലോ സാധാരണയിൽ തൊട്ട് താഴെയോ (Normal or Near Normal ) ലഭിക്കാനുള്ള സാഹചര്യമാണ് കാണുന്നത്.