കുഴിനഖത്തിനെ വീട്ടിൽ തന്നെ ചികിത്സിച്ച് മാറ്റാം!

നഖത്തിൽ ഉണ്ടാകുന്ന പ്രധാന പ്രശ്നമാണ് കുഴിനഖം, നഖത്തിന് ചുറ്റുമുള്ള ചർമ്മത്തിൽ നീർവീക്കം ഉണ്ടാക്കുന്ന കാരണമാണ് കുഴിനഖം ഉണ്ടാകുന്നത്. ഇത് കാൽവിരലിലെ നഖങ്ങളുടെ നിറവ്യത്യാസത്തിന് കാരണമാകുന്ന ഒരു ഫംഗസ് അണുബാധയാണ്, കുഴിനഖം കാരണം നഖം പൊട്ടുകയോ അല്ലെങ്കിൽ ദുർഗന്ധത്തിനോ അല്ലെങ്കിൽ കഠിനമായ വേദനയ്ക്കോ കാരണമാകുന്നു.

കണക്കുകൾ പ്രകാരം ഇത് സാധാരണ ജനസംഖ്യയുടെ 14% വരെ ബാധിക്കുന്നു എന്നാണ് പറപ്പെടുന്നത്. ഈ അവസ്ഥയെ ചികിത്സിക്കാൻ പലതരത്തിലുള്ള മരുന്നുക ഇന്ന് പ്രചാരത്തിലുണ്ടെങ്കിലും ഇതിനെ ചികിത്സിക്കാൻ സഹായിക്കുന്ന പ്രകൃതിദത്തവും വീട്ടുവൈദ്യങ്ങളും ഇന്ന് ധാരാളം ഉണ്ട്.

ടീ ട്രീ ഓയിൽ

ആൻറി ബാക്ടീരിയൽ, ആൻറി ഫംഗൽ ഗുണങ്ങളാൽ നിറഞ്ഞിരിക്കുന്ന ടീ ട്രീ ഓയിൽ കാൽവിരലിലെ നഖവുമായി ബന്ധപ്പെട്ട പൊട്ടൽ, വേദന, അസ്വസ്ഥത എന്നിവ കൈകാര്യം ചെയ്യുന്നതിന് സഹായിക്കും. 2013 ലെ ഒരു പഠനമനുസരിച്ച്, നഖങ്ങളിലെ അണുബാധകളിൽ ട്രൈക്കോഫൈറ്റൺ റബ്രം ഫംഗസിന്റെ വളർച്ച കുറയ്ക്കാൻ ടീ ട്രീ ഓയിൽ ഫലപ്രദമാണ് എന്ന് കണ്ട് പിടിച്ചിട്ടുണ്ട്. ടീ ട്രീ ഓയിൽ വെളിച്ചെണ്ണയുമായി കലർത്തി കോട്ടൺ സഹായത്തോടെ ബാധിത പ്രദേശങ്ങളിൽ പുരട്ടുക. ഇത് ദിവസത്തിൽ രണ്ടുതവണ ഉപയോഗിക്കുക.

ഇന്തുപ്പ്

എപ്സം ഉപ്പിൽ ആന്റിമൈക്രോബയൽ, ആന്റി ഫംഗൽ ഗുണങ്ങൾ അടങ്ങിയിട്ടുണ്ട്, ഇത് കാൽവിരലിലെ നഖത്തിലെ അണുബാധകളെ സുഖപ്പെടുത്താൻ സഹായിക്കുന്നു. രക്തചംക്രമണം മെച്ചപ്പെടുത്തുന്നതിലൂടെയും കാലിന്റെ ദുർഗന്ധം കുറയ്ക്കുന്നതിലൂടെയും ചർമ്മത്തെ മൃദുലമാക്കുന്നതിലൂടെയും ഇത് നിങ്ങളുടെ പാദങ്ങളുടെ ആരോഗ്യത്തെ പരിപാലിക്കുകയും ചെയ്യുന്നു. എപ്സം ഉപ്പ് ചെറുചൂടുള്ള വെള്ളത്തിൽ കലർത്തി 10-20 മിനിറ്റ് അതിൽ നിങ്ങളുടെ പാദങ്ങൾ മുക്കിവയ്ക്കുക. അധിക നേട്ടങ്ങൾക്കായി നിങ്ങൾക്ക് അതിൽ ലാവെൻഡർ അവശ്യ എണ്ണയും ചേർക്കാം.

വെളുത്തുള്ളി

വെളുത്തുള്ളിയിൽ ശക്തമായ ആന്റിഫംഗൽ ഗുണങ്ങൾ നിറഞ്ഞിരിക്കുന്നു, ഇത് കുഴിനഖം അല്ലെങ്കിൽ പാദങ്ങളിലെ അസുഖങ്ങളെ ചികിത്സിക്കുന്നതിനുള്ള മികച്ച വീട്ടുവൈദ്യമായി ഉപയോഗിക്കാവുന്നതാണ്, വെളുത്തുള്ളിയിൽ അലിസിൻ അടങ്ങിയിട്ടുണ്ട്, ഇത് മറ്റ് യീസ്റ്റ് രൂപങ്ങൾക്കൊപ്പം ഫംഗസിൽ അടങ്ങിയിരിക്കുന്ന ടിനിയ പെഡിസ് എന്ന ഹാനികരമായ സൂക്ഷ്മാണുക്കളെ നശിപ്പിക്കാൻ സഹായിക്കുന്നു. ചതച്ചതോ അരിഞ്ഞതോ ആയ വെളുത്തുള്ളി ബാധിത പ്രദേശത്ത് 30 മിനിറ്റ് വയ്ക്കുക. നല്ല ഫലം ലഭിക്കാൻ ഒരാഴ്‌ച മുഴുവൻ ദിവസവും ഇത് ചെയ്യാവുന്നതാണ്.

ബേക്കിംഗ് സോഡ

ബേക്കിംഗ് സോഡ കാലിലെ ദുർഗന്ധം ഇല്ലാതാക്കാൻ മാത്രമല്ല, കാൽവിരലിലെ നഖം സുഖപ്പെടുത്താനും ഫലപ്രദമാണ്. നിങ്ങളുടെ കാലിൽ നിന്ന് അധിക ഈർപ്പം ആഗിരണം ചെയ്യാൻ ഇത് സഹായിക്കുന്നു, ഇതിന് ഫംഗിസ്റ്റാറ്റിക് ഗുണങ്ങളുണ്ട്. നിങ്ങൾക്ക് ബേക്കിംഗ് സോഡ വെള്ളത്തിൽ കലർത്തി പേസ്റ്റ് ആക്കി ബാധിച്ച പ്രദേശങ്ങളിൽ പുരട്ടാം. 10-20 മിനിറ്റിനു ശേഷം വെള്ളം ഉപയോഗിച്ച് കഴുകിക്കളയുക.

കട്ടൻ ചായ

ടാനിക് ആസിഡ് അടങ്ങിയ ബ്ലാക്ക് ടീ നിങ്ങളുടെ പാദങ്ങൾ വരണ്ടതാക്കുകയും പാദത്തിലെ സുഷിരങ്ങൾ അടയ്ക്കുകയും അതുവഴി വിയർപ്പ് കുറയ്ക്കുകയും ചെയ്യുന്നു. ഇത് നിങ്ങളുടെ കാൽവിരലിലെ ബാക്ടീരിയകളെയും കൊല്ലുന്നു. ടീ ബാഗുകൾ ഉപയോഗിച്ച് വെള്ളം തിളപ്പിക്കുക, ലായനി കുറച്ച് സമയം തണുപ്പിക്കുക. നിങ്ങളുടെ പാദങ്ങൾ 30 മിനിറ്റ് ലായനിയിൽ മുക്കിവയ്ക്കുക. ഈ അവസ്ഥ ഭേദമാക്കാൻ ദിവസവും ഇത് പരീക്ഷിക്കുക.