Organic Farming

പച്ചക്കറി കൃഷിയിൽ ആറാഴ്ചത്തേക്കുള്ള ജൈവകീടനാശിനി വീട്ടിൽ തന്നെ ഉണ്ടാക്കാം

വീട്ടിലെ വസ്തുക്കൾ കൊണ്ട് കീടനിയന്ത്രണം സാധ്യമാണ്. വേപ്പിൻപിണ്ണാക്കും വേപ്പിൻ കുരുവും, കുമ്മായവും, ഗോമൂത്രവും, മഞ്ഞൾ പൊടിയും അപ്പക്കാരവും ഉണ്ടെങ്കിൽ എല്ലാ കീടങ്ങളെയും അകറ്റി നിർത്താം.

Arun T Updated 9 August, 2021 9:41 PM IST

വീട്ടിലെ വസ്തുക്കൾ കൊണ്ട് കീടനിയന്ത്രണം സാധ്യമാണ്. വേപ്പിൻപിണ്ണാക്കും വേപ്പിൻ കുരുവും, കുമ്മായവും, ഗോമൂത്രവും, മഞ്ഞൾപൊടിയും (Turmeric powder) അപ്പക്കാരവും ഉണ്ടെങ്കിൽ എല്ലാ കീടങ്ങളെയും അകറ്റി നിർത്താം. വീട്ടിലെ ഭക്ഷ്യ അവശിഷ്ടങ്ങളായ കഞ്ഞിവെള്ളം, തേയിലച്ചണ്ടി, സവാള, ഉള്ളി, വെളുത്തുള്ളി തൊലി, മുട്ടത്തോട് ഇവയെല്ലാം കീടനിയന്ത്രണത്തിനായി ഉപയോഗിക്കാം.

ദിവസവും ഇലകളുടെ മുകളിലും അടിയിലും തണ്ടിലും സൂക്ഷ്മമായി നിരീക്ഷിക്കണം. കീടങ്ങളും മുട്ടകളും പുഴുക്കളും രോഗകീടബാധയുള്ള ഭാഗവും നശിപ്പിക്കണം. കുറച്ച് ചെടികൾ മാത്രം ഉണ്ടെങ്കിൽ തുണി നനച്ച് ഇലകളുടെ അടിയിൽ അമർത്തി തുടയ്ക്കുക.

വീട്ടിൽ ലഭ്യമായ വസ്തുക്കൾ ഉപയോഗിച്ച് താഴെപ്പറയും വിധം ജൈവകീടനാശിനികൾ ഉണ്ടാക്കാവുന്നതാണ് (Biopesticides can be made at home )

2 ദിവസം പഴക്കമുള്ള കഞ്ഞിവെള്ളം (Old Rice water) (പാടയും ചോറും മാറ്റിയത്) 5 സവാള, 10 ഉള്ളി, 1 തുടം വെളുത്തുള്ളി (തോടും മുറിച്ചുകളയുന്ന അഗ്രഭാഗങ്ങളും, ഇഞ്ചിത്തൊലി ചതച്ചതും)

8 ഗ്ലാസ്സ് ചായ ഇടുമ്പോൾ കിട്ടുന്ന തേയിലക്കൊത്ത്

മുട്ടത്തോട് നന്നായി പൊടിച്ചത് - 12 എണ്ണം

വെള്ളം - 3 ലിറ്റർ ചേരുവകളെല്ലാം നന്നായി യോജിപ്പിച്ച് 24 മണിക്കൂറിനുശേഷം ഇലകളിൽ വീഴത്തക്ക വിധം തളിക്കണം. മട്ട് ചെടിക്കുചുറ്റും ഇട്ടുകൊടുക്കുക.