നമ്മള് കഴിയ്ക്കുന്ന ചുവന്ന അരിയെയും വെളള അരിയെയും കുറിച്ചുളള വാര്ത്തകളും ഇതിനെ ചുറ്റിപ്പറ്റിയുളള നൂറായിരം ഉപദേശങ്ങളും പ്രചരിക്കാന് തുടങ്ങിയിട്ട് കുറച്ചുകാലമായി. കുറഞ്ഞത് രണ്ടുനേരമെങ്കിലും അരിയാഹാരം നിര്ബന്ധമുളള ശരാശരി മലയാളിയെ സംബന്ധിച്ചെടുത്തോളം ഇതേപ്പറ്റി ആശങ്കകളും സംശയങ്ങളും ഒരുപാടുണ്ട്. ചില കാര്യങ്ങള് നമുക്കൊന്ന് പരിശോധിക്കാം.
ചുവന്ന അരിയില് ഫൈബര് കൂടുതല്
വെളള അരിയിയെക്കാള് ചുവന്ന അരിയിലാണ് ഫൈബര് കൂടുതലായുളളതെന്ന് ഡയറ്റീഷ്യന്മാരടക്കം സാക്ഷ്യപ്പെടുത്തുന്നു. 100 ഗ്രാം ചുവന്ന അരിയില് നിന്ന് 1.8 ഗ്രാം ഫൈബര് ലഭിക്കുമ്പോള് അതേ അളവിലുള്ള വെള്ള അരിയില് നിന്ന് 0.4 ഗ്രാം ഫൈബര് മാത്രമാണ് ലഭിക്കുക.
പ്രമേഹം പോലുളള രോഗങ്ങളുളളവര്ക്കും കഴിയ്ക്കാന് നല്ലത് ചുവന്ന അരി തന്നെയാണ്. കൊളസ്ട്രോള് കുറയ്ക്കാനും ചുവന്ന അരി സഹായിയ്ക്കും. കൂടാതെ ഹൃദയാരോഗ്യത്തിനും ദഹനത്തിനുമെല്ലാം മികച്ചത് ചുവന്ന അരി തന്നെ.
ടൈപ്പ് 2 പ്രമേഹം പോലുളളവ ഒഴിവാക്കാന് വെളള അരി ഉപേക്ഷിക്കുന്നതാണ് നല്ലത്. അതുപോലെ കാര്ബോഹൈഡ്രേറ്റ് തോത് വെളള അരിയില് വളരെ കൂടുതലാണ്. അതിനാല് വണ്ണം കുറയ്ക്കാന് ശ്രമിയ്ക്കുന്നവര്ക്ക് നിര്ബന്ധമായും വെള്ള അരി ഒഴിവാക്കാം.
മറ്റൊരു കാര്യം ഈ അരിയുടെ ചോറ് കഴിച്ചാല് പെട്ടെന്നുതന്നെ വിശക്കും. എന്നാല് കുത്തരിയോ തവിട് കളയാത്ത അരിയോ ആണെങ്കില് അതല്ല സ്ഥിതി. വെളള അരിയില് സ്റ്റാര്ച്ച് കൂടുതലായുണ്ട് ഇതും ആരോഗ്യത്തിന് ദോഷകരമാണ്.
English Summary: brown rice and white rice
Show your support to Agri-Journalism
Dear patron, thank you for being our reader. Readers like you are an inspiration for us to move Agri Journalism forward. We need your support to keep delivering quality Agri Journalism and reach the farmers and people in every corner of rural India.
Share your comments