പൂവാം കുരുന്നിലയുടെ പ്രത്യേകതകൾ

നാട്ടുവൈദ്യത്തിലും ആയുർവേദത്തിലും ഒരുപോലെ പ്രധാനമായ ചെടിയാണ് ദശപുഷ്പങ്ങളിൽ ഒന്നായ പൂവാംകുരുന്നില.  ഉയർന്ന പ്രദേശങ്ങളിലും താഴ്വാരങ്ങളിലും ഒരു പോലെ വളരുന്ന ഈ ചെടിയ്ക്ക് അമൂല്യമായ രോഗശമനശേഷി ഉണ്ട് എന്ന് ആയുർവേദം സമർത്ഥിയ്ക്കുന്നു.

പൂവാംകുരുന്നില ഇംഗ്ലീഷിൽ അറിയപ്പെടുന്നത് Little ironweed, Purple feabane എന്നീ പേരുകളിലാണ്. ഹിന്ദി യിൽ സഹദേവി എന്നും सहदेवी, മറാത്തി യിൽ  - സദോദി എന്നും തമിഴിൽ  - പൂവാംകുരുന്തൽ എന്നും അറിയപ്പെടുന്നു.

ശാസ്ത്രീയ നാമം : Cyanthillium cinereum

Cyanthillium cinereum (also known as little ironweed and poovamkurunnila in Malayalam) is a species of perennial plants in the sunflower family. The species is native to tropical Africa and to tropical Asia (India, Indochina, Indonesia, etc.) and has become naturalized in Australia, Mesoamerica, tropical South America, the West Indies, and the US State of Florida

പൂവാംകുരുന്നില യുടെ ഇലയും വേരും പൂവുമെല്ലാം തന്നെ ചികിത്സകള്‍ക്കായി ഉപയോഗിയ്ക്കുകയും ചെയ്യാം. യാതൊരു ദോഷവും വരാത്ത ഒരു മരുന്നാണിത്.പല മരുന്നുകമ്പനികളും പൂവാംകുരുന്നിലയെ വ്യാവസായികടിസ്ഥാനത്തിൽ മരുന്നിനും മറ്റുമായി കൃഷിചെയ്തുവരുന്നു.

ശരീരതാപം കുറയ്ക്കാനും, മൂത്രപ്രവാഹം സുഗമമാക്കുവാനും, വിഷം കളയുന്നതിന്നും രക്ത ശുദ്ധിയ്ക്കും ഈ സസ്യം ഔഷധമായി ഉപയോഗിക്കുന്നു. സംസ്കൃതത്തി ലും  സഹദേവി  എന്നാണ് ഇത് അറിയപ്പെടുന്നത്. പനി, മലമ്പനി, തേൾവിഷം, അർശസ്, എന്നിവക്കും, നേത്ര ചികിത്സയിലും ഉപയോഗിക്കുന്നു. പൂവാം കുരുന്നലിന്റെ നീരിൽ പകുതി എണ്ണ ചേർത്ത് കാച്ചി തേച്ചാൽ മൂക്കിൽ ദശ വളരുന്നത് ശമിക്കും. തലവേദനക്കും നല്ല പ്രതിവിധിയാണ് കൂടാതെ കണ്‍മഷി പ്രകൃതിദത്തമായി ഉണ്ടാക്കുന്നതിലും പൂവാംകുരുന്നില ഉപയോഗിയ്ക്കാറുണ്ട്.

കൂടുതൽ അനുബന്ധ വാർത്തകൾ വായിക്കുക: കരിനൊച്ചി; വീട്ടുവളപ്പിലെ ഒറ്റമൂലി