മടങ്ങിവന്ന പ്രവാസികൾക്ക് കൃഷിചെയ്യാൻ തരിശുഭൂമി വിട്ടുകൊടുക്കുന്നു

കോവിഡ്​ പശ്ചാത്തലത്തിൽ മടങ്ങിവന്ന പ്രവാസികൾക്ക്​ കൃഷിചെയ്യാൻ തരിശുഭൂമി വിട്ടുകൊടുക്കുന്നു​. സുഭിക്ഷ കേരളം പദ്ധതിയുടെ ഭാഗമായി  പുറത്തിറക്കിയ മാർഗനിർദേശത്തിലാണ്​ കൃഷിവകുപ്പ്​ അഡീഷനൽ ഡയറക്​ടർ (പ്ലാനിങ്​) ഈ നിർദേശം നൽകിയത്​. സ്വകാര്യ വ്യക്​തികൾ, സ്​ഥാപനങ്ങൾ, സർക്കാർ പൊതുമേഖല സ്​ഥാപനങ്ങൾ മുതലായവരുടെ കൈവശം തരിശുകിടക്കുന്ന പാടങ്ങളുടെയും പറമ്പുകളുടെയും വിവരങ്ങൾ കണ്ടെത്താൻ തദ്ദേശ സ്​ഥാപനങ്ങൾക്കും കൃഷിഭവ​നുകൾക്കും  നിർദേശം നൽകി.

അവ കണ്ടെത്തി ഉടൻ കൃഷിയോഗ്യമായത്​ എത്രയെന്ന്​ തിട്ടപ്പെടുത്തണം. തുടർന്ന്​ ഭൂവുടമക്ക്​ താൽപര്യമില്ലെങ്കിൽ അവിടെ കൃഷിചെയ്യാൻ താൽപര്യമുള്ളവരെ കണ്ടെത്തണം.  മടങ്ങിവന്ന പ്രവാസികൾക്കോ കുടുംബശ്രീകൾക്കോ ഇത്​ വിട്ടുകൊടുക്കാം. നെല്ല്​, ചെറുധാന്യങ്ങൾ, പയറിനങ്ങൾ, കിഴങ്ങുവർഗ വിളകൾ, വാഴ, പപ്പായ എന്നിവക്ക്​ മുൻഗണന നൽകി വിളകൾ കൃഷിചെയ്യാൻ ത്രിതല പഞ്ചായത്തുമായി ആലോചിച്ച്​ പദ്ധതി തയാറാക്കാവുന്നതാണെന്ന്​ ഉത്തരവിൽ പറയുന്നു.

കൂടുതൽ അനുബന്ധ വാർത്തകൾ വായിക്കുക: പച്ചക്കറിക്കൃഷിയിൽ സ്വയംപര്യാപ്തത കൈവരിക്കാൻ നഗരക്കൃഷി പദ്ധതി മാതൃകാപരം: വീണാ ജോർജ്ജ് എം.എൽ.എ