നിങ്ങളുടെ എല്ലുകളെ ശക്തവും ആരോഗ്യകരവുമായി നിലനിർത്തുന്നതിനു പുറമേ, ചർമ്മത്തിന്റെയും മുടിയുടെയും ആരോഗ്യം നിലനിർത്താനും വൈറ്റമിന്‍ ഡി സഹായിക്കുന്നു. നിങ്ങളുടെ ചർമ്മത്തിന്റെ സംരക്ഷണ പ്രവർത്തനവും രോഗപ്രതിരോധ ശേഷിയും നിലനിർത്തുന്നതിലും മുറിവുകളെ സുഖപ്പെടുത്തുന്നതിലും മുടിയുടെ വളർച്ചാ ചക്രം വർദ്ധിപ്പിക്കുന്നതിലും ഇത് ഒരു പ്രധാന പങ്ക് വഹിക്കുന്നു
വിറ്റാമിൻ ഡിയുടെ കുറവ് വരണ്ട ചർമ്മം, സാവധാനത്തിലുള്ള മുറിവ് ഉണക്കൽ, മുടി കൊഴിച്ചിൽ, ചില സന്ദർഭങ്ങളിൽ സോറിയാസിസ് എന്നിവപോലുള്ള പ്രശ്നങ്ങൾക്ക് കാരണമാകും. മാനസികാവസ്ഥയും സമ്മർദ്ദ നിലയും ആരോഗ്യകരമായി നിലനിർത്തുന്നതിന് വൈറ്റമിന്‍ ഡിഏറെ സഹായകരമാണ്. സമ്മർദ്ദവുമായി ബന്ധപ്പെട്ട മുടി കൊഴിച്ചിൽ, കഷണ്ടി തുടങ്ങിയ പ്രശ്നങ്ങൾ അകറ്റുവാനും ഇത് പങ്കുവഹിക്കുന്നു. അതിനാൽ, ഈ സൂര്യപ്രകാശത്തിൽ നിന്നുള്ള വിറ്റാമിൻ വേണ്ടത്ര അളവിൽ ശരീരത്തിൽ നിലനിർത്തുന്നത് ചർമ്മത്തിനും മുടിക്കും വളരെ അത്യാവശ്യമാണ്.
നിങ്ങൾ വീടിനുള്ളിൽ ആയിരിക്കുമ്പോൾ ശരീരത്തിൽ വൈറ്റമിന്‍ ഡി എങ്ങനെ വർദ്ധിപ്പിക്കാം:
നിങ്ങൾക്ക് ലഭിക്കാൻ സാധ്യതയുള്ള പരമാവധി സൂര്യപ്രകാശം ഏൽക്കുവാനായി സമയം മാറ്റി വയ്ക്കുക
രാവിലെ മൂടിപ്പുതച്ച് ഉറങ്ങുന്നതിന് പകരം, ആഴ്ചയിൽ മൂന്ന്‌ തവണയെങ്കിലും നിങ്ങൾക്ക് ലഭിക്കാൻ ഇടയുള്ള രാവിലയുള്ള സൂര്യപ്രകാശം ഏൽക്കുന്നതിനായി പ്രഭാത സമയം ഉപയോഗിക്കുക. രാവിലെ 7 മുതൽ 11 മണി വരെ നിങ്ങളുടെ ശരീരത്തിന്റെ 40% 30 മിനിറ്റ് നേരം സൂര്യപ്രകാശം ഏൽക്കുവാൻ അനുവദിക്കുക.
ശ്രദ്ധിക്കുക : അനാവശ്യമായ സൂര്യതാപം ഉണ്ടാകാതിരിക്കാൻ ആവശ്യമായ സൺസ്ക്രീനിൽ ചർമ്മത്തിൽ പുരട്ടുന്ന എന്നത് ഉറപ്പാക്കുക.
- വൈറ്റമിന്‍ ഡി അടങ്ങിയ ഭക്ഷണങ്ങൾ കഴിക്കുക
നിങ്ങളുടെ ശരീരത്തിൽ വൈറ്റമിന്‍ ഡി അളവ് വർദ്ധിപ്പിക്കുന്നതിനുള്ള ഒരു പ്രധാന മാർഗ്ഗം ഭക്ഷണത്തിലൂടെ അത് കഴിക്കുക എന്നതാണ്. വൈറ്റമിന്‍ ഡി ധാരാളം അടങ്ങിയിരിക്കുന്ന ചില ഭക്ഷണങ്ങൾ ഇവയാണ്:
* മുട്ടയുടെ മഞ്ഞക്കരു - കൊഴുപ്പ് അടങ്ങിയിരിക്കുന്നതിനാൽ, മുട്ടയുടെ മഞ്ഞക്കരു പലരും കഴിക്കാതെ മാറ്റി വയ്ക്കുന്നത് ഒരു സാധാരണ കാഴ്ച്ചയാണ്. എന്നാൽ, ഈ മഞ്ഞക്കരു പല ഗുണകരമായ പോഷകങ്ങളാൽ സമ്പുഷ്ടമാണ്, വൈറ്റമിന്‍ ഡി അവയിലൊന്നാണ്.
* കൂൺ - വൈറ്റമിന്‍ ഡിയുടെ മികച്ച സസ്യ അധിഷ്ഠിത ഉറവിടമാണ് അവ.
* പാൽ - വൈറ്റമിന്‍ ഡി സ്വാഭാവികമായും പാലിൽ രൂപപ്പെടുന്നില്ലെങ്കിലും മിക്ക കമ്പനികളും ഇത് പാലിൽ ചേർക്കുന്നു. നിങ്ങൾക്ക് ലാക്ടോസിനോട് അസഹിഷ്ണുതയാണെങ്കിൽ, സമാന ആനുകൂല്യങ്ങൾക്കായി വൈറ്റമിന്‍ ഡി അടങ്ങിയ സോയ പാലിലേക്കോ ബദാം പാലിലേക്കോ മാറാൻ ശ്രമിക്കുക.
* കൊഴുപ്പുള്ള മത്സ്യം - മത്തി, ചെമ്പല്ലി തുടങ്ങിയ കൊഴുപ്പ് കൂടുതലുള്ള മത്സ്യങ്ങളും വൈറ്റമിന്‍ ഡിയുടെ നല്ല ഉറവിടമാണ്.
03. വൈറ്റമിന്‍ ഡി സപ്ലിമെന്റുകൾ എടുക്കുക
ഗുളിക രൂപത്തിലുള്ള വൈറ്റമിന്‍ ഡി 3 സപ്ലിമെന്റുകൾ കൊഴുപ്പിൽ ലയിക്കുന്നവയാണ്, അവ ഭക്ഷണത്തോടൊപ്പം കഴിക്കണം. കൊഴുപ്പ് കൂടിയ ഭക്ഷണങ്ങൾ കഴിക്കുമ്പോൾ ഇത് നിങ്ങളുടെ രക്തത്തിൽ ആഗിരണം ചെയ്യപ്പെടും; ഒരു ഗ്ലാസ് പാലിന്റെ കൂടെ ഇത് കഴിക്കുന്നത് നിങ്ങളെ സഹായിക്കും.
Share your comments