എന്തുകൊണ്ടാണ് ചൂടുള്ള ഭക്ഷണത്തിൽ നാരങ്ങ നീര് ചേർക്കരുത് എന്ന് പറയുന്നത്?

ദൈനംദിന ജീവിതത്തിൽ നാരങ്ങയുടെ ഉപയോഗം വളരെ പ്രധാനമാണ്, കാരണം നാരങ്ങയിൽ വിറ്റാമിൻ സി അടങ്ങിയിട്ടുണ്ട്, ഇത് ഒരു ശരീരത്തിന് ദിവസേന ആവശ്യമായ പോഷകമാണ്. നമ്മുടെ ശരീരം വിറ്റാമിൻ സി സംഭരിക്കുകയോ ഉത്പാദിപ്പിക്കുകയോ ചെയ്യുന്നില്ല, അതിനാൽ വിറ്റാമിൻ സി ദിവസേന കഴിക്കുന്നത് നല്ല ആരോഗ്യത്തിനും ദീർഘായുസ്സിനും വളരെ പ്രധാനമാണ്. ശരീരത്തിന്റെ രോഗപ്രതിരോധശേഷി വർദ്ധിപ്പിക്കുന്നതിനും ഇരുമ്പ് ആഗിരണം മെച്ചപ്പെടുത്തുന്നതിനും, എല്ലുകളുടെ ആരോഗ്യം മെച്ചപ്പെടുത്തുന്നതിനും തിളങ്ങുന്ന ചർമ്മത്തിനും ആരോഗ്യമുള്ള മുടി, കണ്ണുകൾ, മൊത്തത്തിലുള്ള ആരോഗ്യം എന്നിവയ്ക്കും വിറ്റാമിൻ സി വളരെ പ്രധാനമാണ്.

എന്തുകൊണ്ടാണ് നാരങ്ങാനീര് ചൂടുള്ള ഭക്ഷണത്തിൽ ഒഴിക്കരുത് എന്ന് പറയുന്നത്?

എന്നാൽ വിറ്റാമിൻ സിയെ കുറിച്ച് മനസ്സിലാക്കേണ്ട പ്രധാന കാര്യം അത് വളരെ സെൻസിറ്റീവ് ആയ ഒരു പോഷകമാണ്, അത് ചൂടിൽ എളുപ്പത്തിൽ നശിപ്പിക്കപ്പെടും. അതുകൊണ്ടാണ് നിങ്ങൾ ഒരിക്കലും ചൂടുള്ളതും പാകം ചെയ്യുന്ന തീയിൽ തന്നെയുള്ളതുമായ ഭക്ഷണത്തിൽ നാരങ്ങാനീര് നേരിട്ടു പിഴിയുകയോ ഒഴിക്കുകയോ ചെയ്യരുത്. പ്രത്യേകിച്ചും കറി, ദാൽ, ഉപ്പുമാവ് അല്ലെങ്കിൽ പോഹ, ലെമൺ ടീ തുടങ്ങിയ ഭക്ഷണം ഉണ്ടാക്കുമ്പോൾ, തീയിൽ ഭക്ഷണം പാകം ചെയ്യുമ്പോൾ തന്നെ നാരങ്ങ പിഴിഞ്ഞെടുത്തു ഒഴിക്കരുത്. 

ഭൂരിഭാഗം പേരും ഇങ്ങനെ ചെയ്യാറുണ്ട് ഇത് തെറ്റായ രീതിയാണ്. അറിയാതെ ചെയുന്ന ഈ ശീലം നാരങ്ങയിൽ നിന്നുള്ള വിറ്റാമിൻ സി നശിക്കുന്നതിന് കാരണമാകുന്നു, അതുകൊണ്ട് തന്നെ നാരങ്ങയുടെ മുഴുവൻ ഗുണവും ലഭിക്കില്ല. അതിനാൽ, ഏതെങ്കിലും ഭക്ഷണം തയ്യാറാക്കുമ്പോൾ നാരങ്ങ ഉപയോഗിക്കുമ്പോൾ, അതിൽ നാരങ്ങ ചേർക്കുന്നതിന് മുന്നേ ഭക്ഷണം അടുപ്പിൽ നിന്ന് ഒഴിവാക്കി, അൽപ്പം തണുപ്പിക്കാൻ ശ്രമിക്കുക. എന്നിട്ടു തണുപ്പിച്ചിട്ടു നാരങ്ങാ നീര് ചേർക്കാം.

ചൂടുള്ള ഭക്ഷണത്തിൽ നാരങ്ങ നീര് ചേർക്കുമ്പോൾ ശാസ്ത്രിയമായി എന്താണ്
സംഭവിക്കുന്നത്?

വിറ്റാമിൻ സി അല്ലെങ്കിൽ അസ്കോർബിക് ആസിഡ് താപനിലയും മിതമായ സംവേദനക്ഷമതയുള്ള വിറ്റാമിനാണ്. 30 ഡിഗ്രി സെൽഷ്യസിൽ താഴെയുള്ള താപനിലയിൽ വിറ്റാമിൻ സിയുടെ നശീകരണം സംഭവിക്കാം, എക്സ്പോഷർ സമയത്തെ ആശ്രയിച്ച് 85-95 ഡിഗ്രി സെൽഷ്യസ് വരെയുള്ള താപനിലയിലാണ് ഇത് ഏറ്റവും ഉയർന്നിട്ടുള്ളത്. ഈ വിറ്റാമിൻ വെള്ളത്തിൽ ലയിക്കുന്നതും സാധാരണയായി പാചകം ചെയ്യുന്ന വെള്ളത്തിൽ ലയിക്കുന്നതുമാണ്. ചൂടുള്ള ഭക്ഷണത്തിൽ നാരങ്ങാനീര് ചേർക്കുമ്പോൾ വിറ്റാമിനിനെയും അതിന്റെ എൻസൈമാറ്റിക് പ്രവർത്തനത്തെയും നശിപ്പിക്കും.

ബന്ധപ്പെട്ട വാർത്തകൾ: പഴങ്ങൾ കഴിക്കാം, കൊളസ്‌ട്രോൾ കുറയ്ക്കാം

ആരോഗ്യവും ഔഷധങ്ങളും എന്ന വിഭാഗത്തിൽ കൂടുതൽ വായിക്കാൻ, malayalam.krishijagran.com എന്ന വെബ്‌സൈറ്റിൽ ലോഗിൻ ചെയ്‌ത് 'Health & Herbs'ൽ ക്ലിക്ക് ചെയ്യുക. ഞങ്ങളുടെ വായനക്കാരുമായി പങ്കിടാൻ ആഗ്രഹിക്കുന്ന ഇത്തരത്തിലുള്ള വിവരങ്ങൾ അറിയാമെങ്കിൽ, അത് malayalam@krishijagran.com എന്ന വിലാസത്തിൽ ഇമെയിൽ ചെയ്യുക.